ذوات التجربه السابقه قولولي

حبيبتي صح كلامج علامات الحمل التبول بكثره بس مايصاحب حرقه او عوار انتي سوي تحليل بول شوفي احسلج

احسن شي التحليل

ديري بالج انا حاشني قبل لا احمل وطلع عندي التهاب بالبول روحي راجعي الطبيب ويسوولج التحليل
اهم شي صحتج وصحت البيبي لانه اذا زاد الالتهاب بضرج وضر البيبي لا تقولين عيزانه

أنا همن جذي صار معاي لما كنت حامل

الحرقه اهي التهاب بالبول و طبعا الالتهاب ماينسكت عنه و شربي ماي وايد حتى لو دخلين الحمام وطبعا لازم تروحين الطبيب

هذا حبيبتي التهابب البوووول..روحي لحقي وراجعي لانه مو زين يطوول معاج وخاصه وانتي حامل بعد … واذا تبين نصيحتي؟؟ وتبين يرووح يا انج تنقعين نفسج بماي البحر ووالله والله سبحان الله بمره وحده راح يرووح منج بس نقعي نفسج بو ربع ساعه او انه تاخذين من الصيدليه محلوول سيتيال تغسلين فيه وتنقعين نفسج وهم باذن الله ماراح يطول معاج بو مرتين ولا ثلاث الا رايح منج انشااءالله وماتشووفين شر

مشكوووورين حبايبي …. بمشي على نصيحتج البنوته … لاني ماحب الادويه اللي فيها التزام وقت طويل.. لازم تلقيني اطوف موعد العلاج مرتين ثلاث .. فبجرب اللي قلتي عليه .. واذا مافاد بروح احلل وامري لله .. اشكركم على اهتمامكم

هلا حبيبتي .. شوفي انا من اول زواجي حاشتني التههاباات تكرمين اللي بالبوول وماكو مكان مارحت بس ابيها ترووح وماكان ينفع معاي ومره بالصدفه كنا بالشاليه وسبحت بالبحر وطلعت منه ولا جني جذابه وماكو شي وومنها تعلمت من احس بداية الالتهابات تلاقيني رايحه الشاليه اسبح حتى لو ربع ساعه وهم يرووح ماشاءالله ..وهم اذا كلش كلش استخدمت هالغغسوول سيتيال هم عجييب حده .. وانشاءالله ماعليج شر

حبييبتي انا الحين حامل بس في بداية حملي حاشتني نفس اعراضج فسوييت زراعة بول وطلع فيني التهاب بالبول فعطتني د معصومة انتووووو بايتك حق التهاب و تصدقوون كنت متخوفة اخذه لان مكتوووب مو زييين حق بداية الحمل و دقيت على الدكتورة قالتلي اخذيه عادي و توكلت على الله و خذيته و راح الالتهاااب

سبحان الله .. البحر عجيب سامعه حتى اللي في التهاب بالعين يغسل عينه في ماي البحر تشفى.. بس عاد الحين مو مال بحر … الجو ليلحينه .. بشوف هالغسول سيتيال .. موجود بكل الصيدليات؟ ولا لازم وصفه ؟

انا صار معاي جذيه بحملي الاخير كنت مالحق اوصل الحمام
بس مادام تحسين بحرقه سوي تحليل بول لايكون التهاب

ضيقتوا خلقي كلمن يقولي التهاب … خلني الحق على عمري

قوه حبوبه

هذي السالفه صارت فيني بس قبل ما اتزوج وطلع معاي التهاب

وعطاني الدكتور غسول ابيض وفي خط ازرق خوش غسول وحده بوحده انصحج فيه