|
|
خواتي انا توني والده قبل ٣ اسابيع وولدي الله يهديه ارضعه طبيعي رضاعة صدري بس المشكله يبكي وايد بالليل مافي نوم نقضي سهر انا وياه في الفترة الصباحية والمسائية ينام بس اذا قام يعني انا قمت يبكي بكي يسمعه كل الناس والجيران لما اشيله يسكت انا دايما اذا بكى اشيله وارضعه فهل تعود على شيله اني اشيله كلما بكى ولا حليب صدري مايشبعه وبعد مو راضي ياخذ مني مصاصة ابيه يتعود واسكت فيه لما يبكي ابي احد يساعدني ويرد على اسئلتي ويقولي شنو مشكلة ولدي هو صحته الحمدالله زين فساعدوني بنات
الله يخليه لج سويله أعشاب رضعه الصبح و رضعه بالليل الأعشاب جيبيها من الحواج ينسون +كراويه+شمر+شويه حلبه +بابونج+كمون …..
اولا الف مبروك ويتربى بعزكم ثانيا طفلك يمكن الي يبكيه مغص شربيه يانسون او كراويه وحليها بسكر نبات تريحه وتطلع الغازات من بطنه وينام وبعدين سوي له مساج خفيف بزيت زيتون دافي ولفيه عدل ويمكن مثل ماقلتي تعود على الشيل الله يعينك
ياعمري والله اني حاسه فيج انا توني ولدت ماسارلي شهر وكان يبجي لأن بطنه يعوره من الغازات وخذيت له من الصيدليه دوا اسمه gas بس هم مافاد وعقبها نصحوني بماي غريب والحمدلله ارتاح عليه
يمكن حليب صدرج ما يشبعه واذا تسمعين صوت في بطنه هذي غازات شربيه يانسون بس لاتشربينه ماي غريب لان قريت بالمنتدى انه مو زين الا من 4 شهور وفوق وانا نفسج بعوده على المصاصه بس مو قادره مايبيها يحذفها بلسانه
وعلى فكره ابطحيه على بطنه انا ولدي اذا سويت له هالحركه يرتااااح وتعالي اسمعي الاصوات الي تطلع عقبها
صج ماي الغريب مو زين ؟
وي ياحسرتي انا قاعده اعطيه ماي غريب شلون الحين اقطعه ؟
وليش مو زين ؟
عطيه طول اليوم من صدرج الا بليل سويله حليب بودره مال الاطفال عندج سيميلاك او بيبيلاك1
وعطيه يانسون مع سكر نبات ولاتخلطين له اعشاب مو زين
وماي غريب من سنين نستخدمه ماضرنا
ولدي كان نفس الحاله والسبب ما يشبعه الرضاعه الطبيعي وايد ارتحت بعد الصناعي