د.عبدالله الهاجري تاريخ الكويت الحديث والمعاصر(الإسئله المهمه للميدتيرم)

اي توني بقولج عن موضوع العام..

كلمي البنات اللي فيه..

وخل اوضح العنوان لانه بالبدايه حسبالي تبين رايج بالدكتور..

وموفقه يارب..

مرحبا
شلونكم بنات شخباركم انا عضو جديد في المنتدى
رد على المستجده :
لا تحاتين ترا الامتحانات في الجامعة سهلة اذا
مو عارفة روحي لتصوير كليتكم واسئلي عن نموذج امتحان عبدالله الهاجري ترى بعض الدكاترة يحطون في التصوير واذا مالقيتي روحي حق المكتبة (التصوير غير المكتبة)واسئليهم بس ترى مو اكيد تلقين واسئلي الدكتور نفسه او انتي والبنات في المحاضرة قولوله يقولكم عن طريقة اسئلته انا اذكر اول كورس كنا حنا اللي نقول حق الدكتور حط بالتصوير نموذجوكانو يحطون او اللي مايحط يقولنا في المحاضرة وينقلنا .

انا اخذت عند دكتور عبدالله الكورس اللي فات

عطانا امتحان الميدتيرم من 10 درجات
كل سؤال عليه نص درجه

وكلها اسئلة سهله
يعني يسألج عن اسم ال صباح قبل
ووين سكنوا
واسامي شيوخ
وقليل مايجيب تواريخ
بس سهالات الامتحان ماعليج … كله اختياري
انتي شدي حيلج ولا تستهينين بالعشر درجات
واهم شي البونس
ترى يعطي بونسات بالهبل
اذا قالج روحي احضري ندوة او محاضرة واكتبي عنها تقرير … روحي واكتبي
حتى لو اي شي … المهم ورقه فيها اسمج .. لأنه مايقراهم اصلا
انا كنت حاطه كل حيلي بالبونسات بس الامتحانات ماكنت اجيب فيها درجات سنعه
وجبت عنده b

يعني الحمدالله قريد حلو بالنسبة حق وحدة مافتحت الكتاب

ولا تغيبين .. لأنه يشدد عالغياب

هلا روونه

والله كنت خايفه إنج تدمجين موضوعي مع موضوع مال العام لإنه مكرر قاعده اقول يارب ماتشوف موضوعي ههههههههه

انا قريت الموضوع واستفدت منه وايد وجزاهم الله خير البنات بس الأسئله اللي حاطينها مالت الفاينل اانا ابي اسئلة الإختبار الاول …..
عالعموم مشكوره على تعديلج للعنوان

لا ماكنت راح ادمجه..

بس كنت بقولج عن الموضوع القديم وادوره لج واحط الرابط عساس تستفيدين بس طلع انتي تبين مال المدتيرم

صح مثل ماقالت الفيصيله ساعات بمراكز التصوير او المكتبه يصير في نماذج امتحانات..

وموفقه يارب..

هلااااااااا وغلااااااااا
حياج الله في منتدانا
إختي الفيصليه رحت للتصوير مو حاط دكتورنا مذكره وعموما إسئلة دكتورنا في الإمتحانات وايد وايد سهله بس لإني مستجده متخوفه شوي وداخله قوي هههههههه وبجمع درجات ….
وبعدين انا مشكلتي إني مو عارفه شنو الإسئله اللي نحفظها والمهمه بالكتاب ….

هلا إختي..

من ناحية الغياب انا الحمدالله مااغيب ولا اتاخر عن المحاضره بالعكس اهو اللي يتأخر عشر دقايق لووووول

انا اسمع وايد من البنات إنه امتحاناته سهله ويساعد بالدرجات بس إنتوا مافهمتوا قصدي

انا اقصد ابي الاسئله المهمه واللي احفظها من ص 15 _21 لإنه عندي اختبار بالكميه هذي ومو محدده بالكتاب الأسئله ولا شي يعني اخاف احفظ شغلات مو مهمه ولا تجي عليها اسئله اناا هذا قصدي ابييييي الأسئله المهمه واللي احفظها

تكفووووون بنات ساعدوووني

اقوووول بنات

شنو يعني

المدتيرم

البونس

الكيرف

انا ملاحظه تستخدمون هالمصطلحات واااايد ودي اعرف معناهم

لوووووووووول صج مستجده

الميدتيرم=امتحان منتصف الفصل
بونس وكيرف نفس المعنى يعني درجات زياده

وهذا موضوع كامل عن امتحانات الدكتور عبدالله وادعيلي..

https://q8yat.net/showthread.php?t=192297

هلا إختي نور الكويت

مشكوره عالتوضيح <<<<<واخيرا فهمت

ومشكوره عالموضوع بس الموضوع عندي وكل الأسئله اللي فيه مالت المدتيرم والبنات مو ذاكرين ولا سؤال من الكميه اللي بمتحن فيها ….

عالعموم مشكووووره لا خلا ولا عدم ياقلبي

يالله بناااااات همتكم

كل اللي أخذوا عند الدكتور عبدالله الهاجري ابي الأسئله ضروري وربي ماادري شنو الأسئله المهمه الماده سهله وودي اجيب فيها فل مارك …

يالله بناااات ساعدوني

الله يهديج شهالدلع …. ادرسي الكمية كلها وخلاص
من كبر الكمية الحين

كلها جم صفحة

انا اللي اذكره بصفحة 23
احفظي الكتب ومؤلفينها .. عبدالعزيز رشيد ويوسف بن عيسى … الخ >>> مهم
واذكري سبب عدم وجود مصادر محلية عاصرت نشأة الكويت
واحفظي ادلة ميمونه الصباح عن نشأة الكويت

والبونس >> هذا مجهود يعطيج ياه الدكتور تسوينه عشان تاخذين درجات زيادة … واهو اختياري مو اجباري

لا لالا إنتي فهمتيني غللللط مو دلع ولا شي انا قصدي إني موعارفه الأسئله اللي نحفظها انا عادي ماعندي مشكله احفظ الكتاب
كله…..

ومشكووره عالأسئله الدكتور عبدالله ركز عليهم ……

يالله يابنااااااااااات ابي اسئله ثانيه بعــــد انا طماعه ههههههههه

…..