د. روبينا الي بالمواساة

السلام عليكم
كل عام و انتو بخير
شلونكم و شلون الثقل وياكم

حبيباتي ودي اسال عن دكتورة روبينا الي بالمواساة
خالتي الحين بالشهر الثامن و طول فترة حمالها كانت عند فرجينيا بس كل موعد تخرعها مرة تقولها انتي قيصرية لان راس الياهل فوق مع ان تو الناس عليها … و مرة تقولها فيج زلال مع ان ما فيها
عاد اخر شي قررت تروح عند لينا بس لينا راح تسافر الحين
فماكو الا روبينا اهيا هندية خالتي تقول انها حييييل مريحة بس لانها توها ياية المواساة
محد دش عليها بموعد والا سونار و الا شي؟؟؟

ماعرفها بس حبيت ارفعلج الموضوع

اي توها يايه حق المواساة
و مادري عنها اذا مالقت معلومات عنها تستخير و تتوكل على الله

هلا فيج اختي انا قبل جم يوم رحت لها بصراحه واااااااااايد ارتحت لها بس لانها توها يديده والناس للحين ما عرفتها عشان جذيه وكلي علي الله وبعدين استشاريه وتوها يايه من لندن مخلصه الدكتوراه انا قعدت وسولفت معاها وااااااااااااايد شدت قلبي وانا من النوع اللي بسرعه ينغمت قلبي من الدكاتره يا يدش قلبي يا اكرهه بس هذي حبيتها واحس ان تعطي كل شي حقه مو مثل فرجينيا انجلتني الله يلعنها بولادتي ما ايت تودلني ولدنوني السسترات وسويت لهم قصه طويله توكلي علي الله وانشالله التسهيل من رب العالمين

اخييييرا في موضوع عن هل الدكتورة … الله يسلمج انا رحت لها مرتين و سوتلي سونار و تحاليل صراحة خوش دكتورة انا ارتحت لها و اهيا استشارية و قررت اولد عندها انشاء الله ) بس ما اعرف احد اراجع عندها صراحة … يا ليت احد افيدنا

مشكورين بنات ما قصرتو على ردودكم انا كنت قاعدة اسال حق خالتي بس جنكم شوقتوني اروح لها لاني قررت اولد بالمواساة ان شاء الله و ابي دكتورة من داخل المستشفى
خالتي لما كانت عند فرجينيا من السابع و اهيا مخرعتها تقولها انها قيصرية لان راس الياهل فوق بس هذي طمنتها قالت لها تو الناس انتي مو اول بيبي يعني ليلحين في مجال ان الياهل يفر و اذا ما فر اروبينا تعرف تفر يعني القيصرية اخر الاحتمالات
اما فرجينيا واايد قالو انها مادية عشان جذي تبي قيصرية

اتوكلي على الله و انشاء الله انا ولادتي على شهر 5 يعني راح نستفيد من تجربتج انشاء الله سهالات

الله خوش موضوووع

لان انا براجع هناك وحدي متوهقه ابي دكتوووره زينه

لان فرجينيا لااااااااااااااااااء ماحبيتها وتوني ادري ان لينا بتسافر مو وقته :/

فشكلي بنضم لج وبروح لها وان شاء الله تكوون اووووكي وبعد بقووول حق بنت خالتي لان نفسي بتراجع هناك ومتوهقه

بس بسأل تعرف عربي ؟؟؟

لان تعقدت من فرجينيا الي ترطن وماتعطي من روحها

بصراحة فرجينيا تلوووع الجبد كلش ما حبيتها رحت لها كذا مره وبعدها طاااااف لأنها لوعت جبدي بس هالدكتوره أول مره أسمع عنها ياليت اللي جربها يفيدنا واخاف تكون نفسها حلوووه بس تطلع عليميه بالخياط وموذاك الزود

عاد انا اليوم حاطه ببالي اراجع عند المواساة . . انا اساسا ببجري عند لينا .. و الحين كنت عند لينا بس قالتلي الشهريين

الجايين مسافرة و ترجع بعد شهرين .. و اساسا ببالي بغيرها .. فيالله خيرة ان شاءالله .. بروح حق هالدكتورة اللي قلتو عليها

و ان شاءالله خير يارب ..

والله ما ادري عنها صراحة

هلا بنات دكتورة لينا ترى راح ترجع بتاريخ 22/2 اهيا قالت لي لما رحت اراجع عندها ..وانا ولدت من قبل عندها خياطها حلو وما تاخرت علي بالولادة بس هالدكتورة اول مرة اسمع عنها يلا نسمع تجارب خواتنا شيقولون عنها…

مرحبا اشلونكم انا اول مرة اشارك واتمنى اي وحدة
بالنسبة للدكتورة روبينا تفيدني لاني بعد 5 ايام اخلص الشهر 2 وادخل الثالث
وكنت عند دكتورة الله يسامحها قالتلي ان كيس الحمل موجود والياهل مو موجود واحتمال
تجهضين وهذا اول حمال لي اتمنى تساعدوني لان اني اروح المواساة وابي دكتورة زينة

ابي اسالكم بنات متى يبين البيبي في السونار في اي شهر
خايفة وقاعده احاتي لان فيني ضغط وزلال اتمنى تفيدوني