د.خالد الصبيح ولا حمود النومس؟

السلام عليكم
بنات انا ناويه اسوي تجميل لخشمي هالصيف ان شاء الله
بس للاسف ما اقدر اسويها الا بالكويت

منو اشطر دكتور خالد الصبيح ولا حمود النومس؟؟

واللي مجربه العمليه ياريت تكتب شصارلها بالضبط لاني خايفه صراحه ..

خالد الصبيح افضل من النومس

حبيبتي حمود النومس وانتي مغمضة شغله معروف وينصح ويخاف عالمريض ويقولج شنو الصح وشنو الغلط والله العظيم انا اربع دكاترة رحت لهم ابيهم يسوون خشمي ورافضين مو راضين يقولون السبب الاساسي شايفينه حلو ومناسب لويهي من ضمنهم ماجد تقي لما رحت لحمود قاللي خشمج حلو وخايفين يخربونه او ان فعلا مارح يتغير وايد واستخيري وقعدت شهرين ورجعت له قال لي خشمج يهبل بس يبيله اشوية تلمم وحنيت عليه لين وافق على اساس والله شي بسيط يوم دشيت العمليات طلع ضغطي مرتفع وكنسل الدكتور العملية قال ما اغامر فيج
اول كلمة قالها الدكتور صليتي استخارة قلت له اي قال خلاص مارح نسويها وقعد يدرس خشمي وويهي وقال والله ويهج جميل وحلو اذا كلش نستخدم الابر والحين بعد جلستين ابر خشمي الكل يسال وين مسويته لا وبعد قال لي شنو ابي اشوية بوتكس عند عيني والجبهة وبس والكل حاس اني صرت احلا
اما خالد بصراحة شفت ثنتين سووا عنده خشمهم مومناسب ويهم كلش وادري مو من الدكتور بس لازم ينصحهم ويسوي اللي يلوق على ويهم
هذي ميزة النومس يعطيج اللي يناسب ويهج وينصحج وترا مو مادي كلش انا رد لي فلوسي كاملة
وهو متميز بتعديل اجزاء الويه كلها
رفيجتي سوت حنجها عنده فظيييييع ما شاء الله
انا اتكلم عن تجربة واي استفسار انا حاضرة