ديوان الخدمه متى يفتح بالظبط بسجل فيه عشان الشغل بس ما ادري شسالفه بنات تقفون فيدوني؟

السلام عليكم

بنات انا اطرش بالزفه ما ادري وين الله قاطني !!

بعرف متى اسجل رقم البطاقه المدنيه مالتتي فيه ومتى يفتح ؟ عشان بشتغل مليت ؟ وبسألكم بنات اذا بشتغل في مكان مثلاا قطاع خاص شركة الاتصالات الثالثه ولا بنك ولا اي مكان شنو الاوراق الي يطلبونها مني ؟ واروح لهم شقول لهم بتوظفوني ولا شنو الطريقه فيدوني بنات ماني عارفه شالطبخه ..

حاطه ايدي على خدي وانطرهم يقولون لي يالله استلمي الشغل بالمكان الي تبينه على بالي السالفه سهالات

شسوي الحين انا باكلريوس تربيه تخصص اجتماعيات بس ما ابي وزارت التربيه بكبرها بروح اي مكان ثاني مريح وراتبهم زين … شنو الحل ؟

حبيبي انشالله شهر 12 يفتح التسجيل بالديوان

شهر 12 يبطل الديوان ورووحي قدمي اوراقج
واذا تبيين شركات خاصه روحي قدمي بالهيكله

مشكورين حبيباتي …

بس وين الهيكله صايره ؟ مكانها وين ؟ وشنو المطلوب من اوراقي الشهاده والبطاقه المدنيه والجنسيه وبعد ؟

الهيكله موجوده بالضجيج الفروانيه

اول اخذي موعد بالتلفون او النت

بنات اشلون اخذ موعد بالتلفون جم رقمهم انا بعد ابي اقدم على بدل بطاله

رفعع بنات ردوو عليناا خل نعرفففففففففففففف ؟

هلا سبيد اشلونج

حبيبتي الديوان راح يبطل بالضبط بتاريخ

الفترة (الخامسة والعشرين) من الجمعة 12 / ديسمبر / 2024 حتى الجمعة 26 / ديسمبر / 2024

تقدرين تسجلين بالموقع مالهم

او عن طريق التلفون تتصلين على 133

كفت ووفت … نفس الى كنت بقووله

وزيادة عذا موقعهم

https://www.csc.net.kw/