|
|
السلام عليكم اخواتى
ترددت كثيرا في كتابة هذا الموضوع
و لكن في النهاية لأريح ضميري و القرار في النهاية لكم في اختيار مدرسة أطفالكم انتوا تتحملون مسؤولية أطباعهم اللي يتعلمونها و تنزرع في داخلهم منذ الصغر
في نقاش مع صديقاتى عن المدارس الخاصة (المختلطة) ذكرت لي عدة مواقف كشيت منها بصراحة …………. سأذكر بعضها
** في إحدى المدارس المختلطة …… الولد بالابتدائي يقول حق البنت انتى حبيبتى ….. وبعدين قاللها بوسيني ….. باسته على خده …… قاللها لا موهنيه بوسيني مكان ثاني !!!!!!!!!!! و الأبلة اجنبية تطالعهم و تضحك مستانسة (عادي عندها طبعا هالأمور لادين ولاشي)
** في مدارس …..السطح مفتوح و لايقفل …… يقدرون الأطفال يصعدون السطح (الأولاد مع البنات) بروحهم و يسوون اللي يبون
** ديربالكم خواتى من المدارس اللي مفتوحة على بعض ( يعنى صفوف الإبتدائي تطل على صفوف الروضه ) ……. هذول أخطر شي لأن الكبار يعلمون الصغار على كل شي يبونه ….. و الصغار موفاهمين بس يحبون يقلدون
على ألأقل اختى ضعي في اعتبارك ان كنت تريدين مدرسة خاصة ………. ضعي في اعتبارك ان تكون غير مختلطة …….. لأن ألحين عيال الابتدائي متفتحين (مثل عيال المتوسط قبل) وانتى ماتدرين شنو قاعد يصير داخل المدرسة
ضعي في بالك ان الولد منذ سن التاسعة من عمره تبدأ ميوله الجنسية نحو الجنس الآخر و كذلك البنت
انا بصراحة طارت عيونى و صار لي مدة افكر بالموضوع ….. اللهم بلغت اللهم فاشهد و كما قال الرسول صلى الله عليه و سلم (كلكم راع و كلكم مسؤول عن رعيته)
و أطفالنا أمانة راح يحاسبنا الله عليها.
والصراحة مراقبة الأهل اهي الأساس والتربية المبنية على الصراحة والحوار البناء وكل واحد صفحة مكشوفة الكل يقراها بنرتاح ,وكل مكان فيه الزين والشين وانا معاج بأن الوقت هذا يخرع وخوفنا عالولد نفس الخوف عالبنية فيارب يحفظ عيالنا ويبعد عنهم كل شر اللهم آمين
الحين بالغرب قاعدين يطالبون بفصل البنات عن الصبيان من البلاوي اللي صارت بمدارسهم
حطوا عيالكم بمدارس خاصة بس راعوا وجود القرآن والدين وعدم الاختلاط لان كل شب راح ينزرع بعيالنا من وهما صغار ويكبر معاهم
ربي يحفظ عيالنا من كل شر ويصلحهم
ترا حتى المدارس اللى مومختلطة تحصل فيها بلااوى خصوصا مدارس الصبيان
المشكله ماتقف عند هالأمور للأسف … الحين لما صارو الشباب في انفتاح عن قبل بدو المدرسين والمدرسات الأجانب يدخلون أمور تشكك بالعقيده للأسف ..
… وهذي المشكله في المدارس الخاصه اللي تكون حييييل ستايل أمريكي بحت أو تكون غالبيتها اجانب .. للأسف حتى الهويه الإسلاميه والكويتيه تنمسح
وآنا ماقول كل المدارس … لا الحمدلله .. بس ترى هالنوع موجود بالكويت .. الله يكفينا ويكفي عيالنا كل شر .
انا ولدي حضانه يقولي اليوم حبيت مريومة….استعبطت قلت وين
قال على خدودها….هههههههههههههههههه
هذا بالحضانه!!!!!!!
…انا كنت افكر ادخله اختلاط بس بالابتدائي بس عقب هالسالفة مستحييييييييل
في الحضانة و الروضة ……ان شاء الله عادي و الله الحافظ
لكن من بعد عمر 8 سنوات (يعنى بعد ثالثة ابتدائي)…… تتغير شخصية الطفل و يبدأ ينتبه لأمور أخرى
و هذا لا تستطيعين ان تتحكمي فيه لأنه بالفطره
فاجعليه في أيدي أمينة ….. حتى لاتندمي لما يكبر و تلقينه يكتسب أطباع صعب تغييرها
و احنا الجيل الحالي صعب تسيطرين عليهم فمابالكم بالجيل القادم
الله يحفظ عيالنا و عيالكم