|
|
سلام بنات شلونكم
باختصار انا صارلي 4 اشهر والده ولاحظت ان الدوره بعد الولاده تغيرت علي يعني تنزل اول يوم نزيف قوي جدا لدرجة اني ما اقدر اطلع اي مكان او حتى اتحرك بالبيت وثاني يوم تخف عادي
ابي اعرف هالشي طبيعي في احد صار معاه جذي مع العلم ان هذي ثالث ولاده لي بس اول مره يصير معاي جذي
بليز اللي مرت بهالحاله تبلغني شنو سوت
شكرا للجميع
اني نفسج بولادتي ويبي لهاا فترة تتعدل
اذا مو مطمنة روحي لطبيب احسن
مادري انا اول مره يصير معاي جذي الولادات اللي طافت عادي
مشكوره على مشاركتج
وحييل حييل تعورني ويصير اول يومين مثل اسم الله علينا نزيف
طبيعي ولالا عندي رفيجاتي مافيهم جذي
انا اتوقع عادي لخبطه بعد الولاده
بس بالاخير صارت عادي والحمدلله
الحين كل شهر اول الايام تييني كانها نزيف من كثر ماتنزل حتى احس ان كرمكم الله اتبول في روحي
بس يوم خامس تخف والحمدلله الدكتورة تقول عاادي
انا بعد الدورة متخربطة عندي بعد الولاده صارلي الحين 7 شهور من ولادتي وهدي 3 ولاده واول مره تصير الدوره جذي
بس انا مو نزيف لا اول يوم ينزل بني مثل وصخ وثاني يوم تنزل الدوره عادي خفيفه لان انا دورتي اساسا خفيفه 4 الى 5 ايام اكون نظيفه بس الحين صارت اول يوم بني واخر يوميم هم ينزل بني مودم!! مادري ليش جذي
وعلما انا ما اخذ لامانع ولا لولب يعني طبيعيه بس ليش هالتغيير مادري تلوع جبدي على ما اطهر اقعد يومين بس وصخ 
شوفي يا حياتي
ركزي معاي وراح تدعيلي
من تجيج الدوره
1/ تاكلين رشاد عالريج مع قلاص ماي بس الماي مو باااااااااارد انتبهي
2/ شئ اسمه مشروبات غازيه افتكي منها وانتي بخير
3/ غداج كثري من دوا النفاس //
4/ فوحي حليب سفتي وحطي عليه دوا الغوري قفشه كبيره مع الحليب ولما يصير دافي اشربيه
5/ غسلي عدل والبسي دلاغين وسروال قطن دفي روحج
6/ ابتعدي عن المكيف
7/ لو تعرقين عاااادي تذكري ان الشئ هذا زين لج
8/ ادعيلي والله يشافيج