دورتى +الالتهابات

هاى بنات
كيف الحال شلونكم يا حلوين انشالله بخير
انا مو عارفه شصاير فينى من سويت عملية طفل الانبوب الاخيرة وفشلت طبعا والدورة ما تنزل على بس نزلت اول وحده لمن فشلت العملية وعقبها ماصارفى دورة وانا رحت حق حريم قلت اجرب حظى وهم ما نزلت الدورة شسالفه؟منو صار فيها نفسى ؟تعتقدون ليش؟ وبعد بصراحه من عقب العملية كله طاقتنى التهابات لاعت جبدى واحط ادوية واستعمل تروح وترد … بنات مرت ريلى شكلها حامل مادرى بس قلبى معورنى والله احس راحت على … فكرت اطلب الطلاق قلت اكيد بيرد يتغير على وبصير صفر عالشمال اكيد اهى بتحصل على كل شى وانا ولا شى خايفه موت انه يتغير على لانه الفترة للى طافت كان زين معاى ويقول احبج وابيج لو ما منج عيال وانا احبه موت والله العظيم اول مره احس انى ضعيفه والله حتن يوم بغينا نتطلق كنت بموت صارت فينى حاله نفسيه وحمدلله ردينا واهو يقول اذا ما طلبتى الطلاق ما ابى افكر فيه والله كنت ادعى دوم اصير انا احمل قبل بس حمدالله على كل حال

والله كنت بموت من داخلى اشوفه ميت عشان تحمل بس انا فاقد الامل منى .. معاملته لى ماشى حالها بس احسه غسل ايده منى ولا يفكر انى ممكن احمل مالومه لاننا تعبنا واحنا نعالج حمدلله يارب مرات افكر ان هذا نصيبى خلاص شسوى بعد ومرات يعيش فينى الامل
تصدقون حتن انا بديت اقتنع بهالسالفه استغفر الله
افكربلحماله وميته عليها بس احس جنها حلم وقاع اقول اذا حملت اهى قبلى خلاص شلفايده مالى لزوم ولا فينى فايدة افكر بالطلاق مع انى اموت عليه جنى هبله استغفرالله مو عارفه شنو ابى بس قبل دورتى تطقطق الحين مرة وحدة ماكو الله خير كل شى سويت ولا فى نتيجه

حبيبتي مدام انج تفكرين وايد ماراح تحملين انتتي عارفة اشلون النفسية تلعب دور بالهموضوع
هدي ريلاكس و ان شاء ما تمر سنة 2024 الا و بحضنج ياهل
و الله يسخر لج زوجج و يهديه

حبيبتي لاتفكرين يمكن خبره من ربج يمكن هي تجيب العيال بس مايلقى عندهاالراحه من ازعاج اليهال وانتي الي يرتاح عندج انااعرف ناس جذي كثير00 كل شي بامرالله

الله يرزقج ويرزق كل محرومه00اميييييييييييين

انتي لا تفكرين وان شاء الله ربي يرزقج من اوسع ابوابه كل ما تتضايقين زيدي من الاستغفار وقراءة سوره البقره
واذا على الدوره انا بعد ما سويت عملية طفل انابيب وفشلت تخربطت دورتي فتره وتعدلت على ما يرجع جسمج لحالته الطبيعيه بعد الابر والادويه الي خذيناها انتي لا تحاتين ربج كريم وما راح يخليج

حبيبتي لا تقولين جذي خلي على طوول يكون عندج امل
ماتدرين يمكن انتي تحملين قبلها كثري دعاء واستغفار وربج
ماكو اكرم منه بس لازم احنا نحسن الظن بالله

الله يرزقج يااارب ويرزقنااا ولا تخلين نفسج حبيبتي روحي الطبيب جوفي ليش دورتج موقفه ولا تخلين الالتهابات

حبيبتي الله يرزقج الذرية الصالحة ليش ما تراجعين عند دكتورة ماجدة اليتامى ماشاء الله عليها شاطرة الله يسخر لج وتتعالجيين على ايدها

إنزيين يمكن حامل

بعد عمرى بنات ما قصرتوااااااااااااا
كل وحدة فيكم يارب تحمل هالشهر
انا رحت عند وحدة تعالج والحين نزلت دورتى

ياربى ياحبيبى ماتمر هالسنه الا وعندج
اللى بخاطرج ..
باذن وااحد احد

الله اعينج

وصبر قلبج ويرزقج

يالله يارب يا حبيبي يا ارحم الراحمين يرزقج باللي تبين وافضل وصدقيني الله ما يسوي الا الخير كوني مقتنعه بهالشي واقري البقره وكثري استغفار يارب يارب نكون كلنا حوامل

مالومج حبيبتي بس خلي املج بالله كبير الله كريم وماراح ينساج الله يرزقج ويرزقنا معاج

حبيبتي ،فرضي اهي حملت ، شنو صار يعني ! الدنيا راح تنفجر ؟ بالطقاق خل تحمل و خل تاخذ البريق ، تخيلي أسوأ احتمال ممكن يصير

و تأقلمي مع الوضع ، أدري إن قاعدة أقول كلام مؤلم ، لكن حرام تضغطين على نفسيتج جذي و ارحمي جسمج اللي تعب من العملية

و عطيه فرصة يرد لطبيعته ، راجعي عند دكتورة خل تعطيج مضاد حيوي أو أي شي يوقف الالتهاب ، تعالجي عشان نفسج و عشان راحتج

مو عشان الحمل ، و ان شا الله تكون سنة خير و بركة علينا كلنا ، نحمل و نولد فيها ، رفعي ايدج آخر الليل و طلبي اللي ما جعل دونه حجاب

و انسي شريجتج و انسي ريلج ، عيشي حياتج و محد راح ياخذ إلا رزقه المكتوب باللوح المحفوط

تاكدي من هرمون اف اس اتش

من الحرمة اللي عالجتك ابي عنوانها لان بعد بعد الحقن المجهري بس مرتين الدورة احين لا ذا الشهر

الله يرزقج ويعوض عليج صبرج والله يسخرلج زوجج ويرده لج وتكونين انتي ام عياله يارب على اذان هالفجررر