|
|
السلام عليكم
حبيباتي ياريت تفيدوني اذا في احد يعرف مكان يعطي دورات في تربية الطفل
انا عندي بنت وحده عمرها الحين سنتين بس احس انها وايد تدلعت بشكل مو طبيعي من ابوها وابوي وامي ويدها من ابوها ويدتها من ابوها
بنتي بجري و اول حفيده لاهلي ولاهل ابوها
فصارت دلع شي مو طبيعي الي تبيه يصير ومحد يقولها لا واذا قلتها لا او عيب على تصرفات غلط تبجي بجي مو صج وصارت انا عودوتها اهي تحبني وتلعب معاي وتوبس فيني بس انا مصدر الرعب عندها لانه محد يعارضها او يمنعها الا انا
فالي خايف منه انها تظل على طول جذي وهذا شي مو زين او انها تكرهني وهذا الشي الي بيتعبني خصوصا انه زوجي واهلي الله يسامحهم مو راضين يساعدوني كلش والبنت ما ترد علي اذا قتلها لا تروح حق ابوها او يدهااا ويسون لها الي تبي
تخيلوو اذا زفيتها اتيب لي التلفون عشان ادق لها على ابوي يزفني 
الي يشوف انها مشكله بسيطه وباجر تتعدل غلطان لانه انا كنت نفسما وتعبت وايد بحياتي اثر علي الدلع حتى لما تزوحت انا وايد احب بنتي اهي كل شي بالنسبة لي ما ابيها تتعب مثلي لانه فعلا هالشي مو زين والتديل الزايد مو زين 
فالي تعرف مركز استشارات بالتلفون او بالايميل او حتى انا اروح لهم واخذ منهم دورة ياريت تفيدني واكون شاكره لكم
بس الدورة عن هذا الموضوع