|
|
هاي بنات
انا وحدة من اللي سوو عملية لتجميل الانف ، وقبل لا اسوي العميله سألت وتعبت وانا ادور واسأل ، اللي اعرفهم ما يعترفون بعملياتهم ولا يساعدون ، ولو بسأل اي عيادة اكيد بيمدحون نفسهم ، ودورت بالنت وبالمواقع وكانت الاجابات قليله وما عرفت مين احسن الدكاترة ، وبعدين لقيت هالمنتدى وصرت ادخل كل يوم واقرى وادور فيه ، وتعبت وانا ادور بصفحات المواضيع واخذ وقت كبير معاي ، لها السبب فكرة بهالموضوع ، عشان الكل يستفيد وما يتعب بالبحث ويعرف عن تجارب البنات ،،
في شويه اسئله بحطهم وياريت كل وحدة تدخل تجاوب عليهم عشان كلنا نستفيد من بعض ، بليز بنات خلينا نساعد بعض ،،
– مشكلة الخشم ؟
– شنو اسم الدكتور اللي سويتي عنده التجميل ؟
– كم تكلفة العملية ؟
– كم يوم اخذتي بين الاستشارة والعملية ؟
– من دلك على الدكتور ؟
– بعد كم يوم شلتي الفتايل ؟
– بعد كم يوم شلتي الجبيرة ؟
– راضية عن النتيجة ؟
– معلومة مفيدة تساعدين فيها اي وحدة توها بتسوي العمليه او سوتها وتبي النصيحة ؟
وسلامتكم .gif "Eh S(17)")
– مشكلة الخشم ؟
انحراف بمجرى التنفس ، الارنبه شوي كبيره ، وعندي عظمة بنص خشمي
– شنو اسم الدكتور اللي سويتي عنده التجميل ؟
الدكتور الاستشاري – حمد الجابر – قطر
– كم تكلفة العملية ؟
العملية 25 الف ريال ، و تقريبا الفين تحاليل واستشار وادوية بعد العملية .
– كم يوم اخذتي بين الاستشارة والعملية ؟
تميت ادور سنه تقريبا ورحت لعدة دكاترة وما ارتحت ، لين لقيت الدكتور حمد ، شهر بين الاستشارة والعملية .
– من دلك على الدكتور ؟
قريت اسمه هنا بالمنتدى وما كنت اعرفه من قبل ، قريت تجارب بنات وبنات سامعين عنه ، بس ما اعرف حد شخصيا سواه ، وفي بنت اسمها انثى برستيج كاتبه تجربتها كاملة هنا بالمنتدى وصور قبل وبعد ، وتشجعت .
– بعد كم يوم شلتي الفتايل ؟
بعد يومين من العمليه ،
– بعد كم يوم شلتي الجبيرة ؟
بدلت الجبيرة بعد اسبوع والاسبوع الجاي بيشيل الجبيرة ، يعني اسبوعين كاملين .
– راضية عن النتيجة ؟
للحين ما شفتها عشان احكم للامانه ، بس متفائلة .
– معلومة مفيدة تساعدين فيها اي وحدة توها بتسوي العمليه او سوتها وتبي النصيحة ؟
اللي ماسوت العمليه لازم تدور وتقرا عدل عن دكتورها ، واللي سوتها اول الايام تكثر عصير اناناس وعصير رمان ، وتخفف من الاكل الي فيه دهون ، عشان ما يطلع حبوب بالانف .
وشكرا
الله يعطيك العافية
لحمية ، انحراف بمجرى التنفس ، الارنبه شوي كبيره ، التهابات مزمنة عمرها 20 سنة
– شنو اسم الدكتور اللي سويتي عنده التجميل ؟
الدكتور الاستشاري – شجاع رهبري مركز الأخصائيين الطبي ، دبي – الإمارات –
– كم تكلفة العملية ؟
العملية 30 الف درهم للتجميل الخارجي ، والمشاكل الداخلية تحملت بطاقة الثقة عدنا قي الإمارات التكاليف بما يزيد عن 15 ألف و التحاليل واستشار وادوية قبل وبعد العملية تتحملها الثقة والمريض يتحمل تقريبا 10%
– كم يوم اخذتي بين الاستشارة والعملية ؟
شهر بين الاستشارة والتحاليل والعملية .
– من دلك على الدكتور ؟
قريت اسمه هنا بالمنتدى وما كنت اعرفه من قبل ، قريت تجارب بنات وبنات سامعين عنه ، بس ما اعرف حد شخصيا سواه ، وتشجعت واستخرت وتوكلت على الله .
– بعد كم يوم شلتي الفتايل ؟
بعد ثلاثة أيام من العمليه ،
– بعد كم يوم شلتي الجبيرة ؟
الأحد القادم 23/12 /2012 راح يشيل الجبيرة وأكون كملت أسبوع بالضبط
– راضية عن النتيجة ؟
للحين ما شفتها عشان احكم للامانه ، بس متفائلة . التنفس رائع وأفضل عن أول بكثير والانف يبدو شكله الخارجي جميل جدا
– معلومة مفيدة تساعدين فيها اي وحدة توها بتسوي العمليه او سوتها وتبي النصيحة ؟
اللي ماسوت العمليه لازم تدور وتقرا عدل عن دكتورها ، حتى هذه كانت نصيحة دكتوري أن لازم تبحثين كثير قبل ما تقبلين على العملية لأن الأمر فيها صحتج وفيها مبالغ مالية باهضة ،، واللي سوتها اول الايام تكثر عصير اناناس وعصير رمان ، وتغسل أسنانها بفرشاة الأطفال الصغيرة الناعمة وما تتعرض كثير للضوء عشان عيونها والتورم اللي راح يحصل حوالينها وطبعا استعماال الماء المنقع بالمرة كدهان حول زرقة العين والشفايف إن وجد .. كتجربة العضوات
شاكرة لج الغلا على الموضوع الخطيييير قواج الله على فعل الخير بجميع مجالاته
غلاي زايد ربي يهنيج بالنتيجة وانشالله تحسين بالفرق للاحسن ، ومشكورة عالرد الحلو وربي يجعله في ميزان حسناتج ويفيد باقي البنات .
|
المشاركة الأصلية كتبت بواسطة ام فهد وناصر
 الحمد لله على سلامتج مييريا وما قصرتي يابنت ديرتي على نقل تجربتج للفائدة انتي من البنات اللي يحبون الخير لغيرهم عسى الله يهنيج بالنتيجة وتكون أحسن من اللي تبينها يارب بس بغيت اسالج انتي سويتها عند الدكتور حمد الجابر في اي مستشفى ؟
|
الله يسلمج حبيبه قلبي ،،
مثل مافي بنات وايد استفدت من تجاربهم هنا حبيت اساعد غيري ، عشان محد يتعب ومحد ينظلم مع دكتور فاشل ،، النتيجه حبيتها وايد ، حطيت الصور بموضوع لعمليه الخشم الصفحة الاخيرة ، وايد حلوة قصه الخشم ولايقه على ملامحي ، انا رحت له عيادته الخاصه اللي عند المول اسمها مركز جراحه التجميل ، والعمليه كانت في عيادة الدوحة اللي فالنصر ، ويكون عندج يوم ترقدين فيه بالمستشفى ضمن تكاليف العمليه ، بس انتي حرة اذا تبين تباتين بالمستشفى او لا ..gif "Eh S(7)")
^^
ترا اهو يشتغل في الرميله بعد ويسوي عمليات هناك بس مواعيدة وايد بعيده ، كله عقب سنتين ، انا اختصرت الوقت ورحت عيادته الخاصه .
العظم عريض من ناحية العين لي تحت ماخذ مساحه من وجهي والارنبة والفتحات كبيرة بالنسبة لي .
– شنو اسم الدكتور اللي سويتي عنده التجميل ؟
د. اسماعيل ندا / استشاري ورئيس قسم جراحة التجميل . وزميل كلية الجراحه الملكية .وزميل جراحة التجميل , لندن
مستشفى دار الشفا
– كم تكلفة العملية ؟
1500 + الغرفة 60 لليوم . التخدير مادري جم اخذ / المهم الاجمالي الكامل 2000 دينار
– كم يوم اخذتي بين الاستشارة والعملية ؟
من أول يوم رحت له حطيت موعد للعملية وكان بين الاستشارة والعملية 5 ايام فقط .
– من دلك على الدكتور ؟
أعرفه من عمليات سابقه لي
– بعد كم يوم شلتي الفتايل ؟
3 أيام
– بعد كم يوم شلتي الجبيرة ؟
10 ايام
– راضية عن النتيجة ؟
100%
– معلومة مفيدة تساعدين فيها اي وحدة توها بتسوي العمليه او سوتها وتبي النصيحة ؟
اذا البنت تبي طبيب ممتاز لازم تروح تشوف البنات وهم عند الدكتور .