(( دكتور محمد الهيفي وعمليات تصغير المعده ))

الدكتور :

محمد براك الهيفي

أستشاري جراحة عامة و المناظير والجهاز الهضمي والأورام

زميل كلية الجراحين الملكية البريطانية
عضو كلية الجراحين الملكية في اسكتلندا

تخصصات الدكتور في الجراحه والمناظير :

1- شد ترهلات البطن وازالة الشحوم الزائدة

2- جراحة السمنة

مثل :

) بالون المعده – تصغير وتحويل مسار المعدة – تحزيم المعدة )

3- جراحات المناظير المتطورة

مثل :

( عمليات فتاق البطن عند الصغار والكبار – المرارة – الطحال – فتاق الحاجب الحاجز – القولون – التعرق المفرط – الاحماض الزائدة – الزائدة الدودية – دوالي الخصيتين )

4- عمليات كيس الشعر بطريقة تجميلية

5- جراحة جميع أمراض الغدة الدرقية والغدة الصماء

6- جراحة اورام الثدي

7- جراحة جميع الأورام في الجسم

8- علاج و جراحة قدمين السكر و دوالي الساقين

9- علاج وجراحة جميع أمراض الجهاز الهضمي والقولون

10- عمليات الشرج

مثل :

( البواسير < بالدباسة الجراحية < – الناسور – الشرخ )

أفاد الدكتور محمد الهيفي استشاري جراحة عامة وجراحة المناظير المتطورة والجهاز الهضمي بالكويت، بأن عمليات تصغير المعدة وتحويل مسارها تساعد في القضاء على مرض السكر بنسبة 80 بالمائة.

و أشار الهيفي إلى أن 70 بالمائة من الكويتيين يعانون من السمنة، في حين تصل نسبة الذين يعانون من سمنة مفرطة وبحاجة إلى تدخل جراحي إلى ما يقارب 40 بالمائة، حيث أن السمنة تعد المرض الأول على مستوى العالم، وقد تتسبب في أمراض كثيرة مثل أمراض القلب وتصلب الشرايين والضغط والسكر، بالإضافة إلى التأثير النفسي على المريض.

وأوضح الهيفي في تأكيد لمنظمة الصحة العالمية أن أنجح علاج للسمنة المفرطة هو التدخل الجراحي، وأن عملية تصغير المعدة وتحويل مسارها من أفضل العمليات لعلاج السمنة.

عنوان الدكتور :

الشعب البحري : شارع بن الخطيب متفرع من شارع الاستقلال و بجانب مجمع فاطمه .
قطعه : 8
قسيمة رقم : 28
الدور : الأول
شقه رقم : 2
هاتف العياده : 2665058
فاكس العياده : 2665059
مونتانا كلينك
ايميل الدكتور :dr_alhaifi@hotmail.com

واتمنى لكم دوام الصحه والعافيه

مراسلتكم : * دبدوووبه*
من عيادة الدكتور : محمد براك الهيفي
موقع كويتيات دوت كوم

شدعوا ولا احد عبر الموضوع ؟
وانا تعبت نفسي علشانكم

مشكوره حبيبتي بس بغيت أعرف جم يسوي بالون المعده ودي أسوي
شكرا
دمتم سالمين

هلا حبيبتي جلنار
شوفي اهوا على حسب
المسشتفى الي تبينها
وجم يوم بتنامين

لان كل مره اسأله
يقول وايد تفرق
مايقدر يحدد
لان على حسب الحاله
بس يعطيج المقارب
واتصلي على العياده وشوفي
واهوا ينصح المريض
شنو ينفع له
بالون
تحزيم
توصيل
تدبيس

مشكوره دبدوبه وعسى الله ينولج الي في بالج

بس منو مجرب شد البطن عنده ابي اشيل بطني واشده واقطه بحر

أنا سوا لي البالون بحدود 1300 مع المستشفى طبعا سعر الشيل غير تقريبا 300
بس أنا حطيته اسبوع و شلته أقل بعد تقريبا 3 أيام أو 4 بصراحة شي لا يطاق
و حطي بالج بعدها تتوسع معدتج و ماكو شي يشبعج و أي سؤال حاضرة

دارين
والله في بنات كاتبه مواضيع عن الشد
بس انا ماجربت
وافكر اجرب بعد سنين ههههههههههه ان الله عطانا عمر

حرام والله
جان نطرتي شويه
يمكن اول فتره من العمليه
بعدين يصير عادي
تصدقين انا كنت ناويه اسويها
بس لم قريت كلامج في احدى المواضيع
قلت لا لا مابي ههههه
مشكوره ياقلبي

هلا هلا دبدوببببه

اسفين عالتأخييييير

مشكوره عاد انا كلش ماعرف بالدكاتره الا الشي البسيط بالامور الي اهتميت فيها

حياج الله مسس ياقلبي

مشكووووووووووووره الهيفي يستاهل كل خير
ياطيب هالريال

دبدوووووووووووووووووووووبه

يا بعد عمري والله تسلمين على المعلومات وكل شي

واسفه جدا على تاخيري بس من ذاك اليوم ما دخلت النت كلش انشغلت حيل والله

بس صراحه ما قصرتي انا قاعده افكر بتحويل المسار بس بيني وبينج

الكل يقولي خلي بالج ترى راح تضعفين وايد مو شوي ، ومو حلو تكونين وايد ضعيفه خليج شوي متروسه احلى مو عظمه ، حيروني قاعده افكر وايد

ويقولون ان بيكون في دوخه وغيره ما ادري انا ناطره شهرتسعه عشان اروحله واشوف شنو يقولي

فديتج بعد قلبي ما قصرتي

بس صج يقطع ابليسج كلما اذكر اول كلمتين كتبتيهم لما تاخرنا بالرد اموت ضحك هههههههههههههههه شكلج انتي الي بتزنطيني ههههههههه

بعد قلبي والله شعر بناااااااات
حبيبتي هههههههههههههه افا عليج
انا المج ما ازنطج هههههههههه

شوفي ياقلبي
محد يقدر ينصحج
اكثر من الدكتور
والعوار بكل شي موجود
حتى بشلعة الضرس
حتىى بغزة الابره
انتي استخيري
والي الله كاتبه لج
ان شاءالله لج الخيره فيه
واي شي ياقلبي
انا حاضره

تسلميلي حبيبتي والله دبدوبه
ما قصرتي
وانشاء الله بروحله بس هم بعد انا مفكره بشغله سمعت عنها مره قالتها لي بنت اختي
تقول في جهاز حق شد البطن سالتها عنه قالتلي ان جهاز يمشونه على الجسم رايح راد واهو يشد الجسم ويروح الكرش بس ما ادري عنه شي

بصراحه انا بطني اكبر مافيني الي يشوفني يقول حامل تخيلي بطنج جدامج واكبرمن جسمج شتسوين فيه بالله ؟

ميته خوف من الترهل وزني صك العداد وخايفه اسوي اي شي واندم حتى الضعف خايفه اضعف واندم لما اشوف جسمي مترهل
عاد احنا موقاعدين على بنك كل شوي ندفع عمليات وكل عمليه الشي الفلاني صعبه حيل تسوين عمليه وعقب عمليه ثانيه شد افصج قهر

انشاء الله شهر تسعه بروح واشوف شنو يصير وابلعج ياعمري فديتك وتسلملي والله على الحضنه دام منج اكيد روعه يالغاليه

جنه الموضوع دعايه للدكتور