دكتور فادي الجيز ودكتور نادر صعب لتكبير المؤخره الكل يدخل بليز

السلام عليكم ورحمة الله وبركاته
شلونكم بنااات
بدخل فالموضوع على طول قبل كم يوم رحت لعيادة رويال مديكال ودخلت على دكتور فادي الجيز استشاره بخصوص تكبير المؤخره
وقالي كل شي ورواني صور الي سواهم قبل ورواني السليكونه الي بيحطها
الحين ابي كل وحده سوت هالجراحه اتقولي تجربتها بالتفصيل الممل لان وايد خايفه من الالم ومن الحركه بعدها بليز بنات قولوا لي كل شي كل شي عن الي صار من أ الى ي والنتيجه النهائيه واذا احد سوو عند فادي الجيز او دكتور نادر صعب سواء فالدوحه او فلبنان لان قالي ان البنات يجونه لبنان يسونها مايسونها فالدوحه وايد وابي اعرف عقب العمليه شلون ركبتي السياره اوج احس يعوور وشلون مارستي حياتج الحركه والقعده والمشي واذا كان عندج دوام وكل شي ابي اعرف حتى التفاصيل الصغيره واذا كانت العمليه بنج كامل او موضعي وشنو احسن وكل شي بنات الله يخليكم

انا مؤخرتي صغيره وابي اكبرها استانس فيها
بلييييييز الي جربت عند فادي او نادر او غيرهم تذكر تجربتها سواء قطريه او غير قطريه
وانا سمعت من وحده ان نادر اشطر من فادي بس مو عارفه اسويها عند منوو
بليز ساعدوني بنات انتظركم

Up
Up
Up

انا سمعت عن دكتور كروز يقولون وووووووايد شاطر

انا ابي دكتور يجي الدوحه او موجود بالدوحه لان ماقدر اسافر للاسف
ودكتور فادي الجيز بيسافر بكره ونادر صعب بيجي تاريخ 30 الشهر
بليييييز بنات فيدوننني الله يخليكم

فديتج والله اني قلت لج تجربه الدكتور ادوارد عبدالنور في لبنان روووووعه ماشاء الله الله يهنيها بمؤخرتها

ويعينج وتلاقين اللي يسوي لج اللي تبينه وترتاحين نفسياً حاسه فيج ياقلبي والله وودي افيدج ياعمري

لكن الدكتور فادي الجيز ذكرتي رواج الصور امانه شلون شفتي الصور قبل وبعد وشرايج كان شكلهم ok

حياتي ام فهد وناصر اي شفت الصور الصراحه شغله حلو ومرتب وكلش ماشفت شي اوفر مسويه بس للحين متخوفه خصوصا ان مافي احد من البيئه الي حولي مسويها والي يسون محد يتكلم يقول التجربه واخاف اسويها ماتضبط وتخترب علي وبدال ماستانس الطم بعد امي مو متشجه لها وايد لما قلتلها طالعتني بنظره وسكتت خصوصا انها بنج كامل وامي ماتحبه كلش ومن النوع الي وايد تخاف علي وتحاتي واليوم اتصلت لعيادة د نادر صعب في لبنان وكلمت السكرتيره سالتها عن تكبير المؤخره وقالت لي ان الدكتور يفضل الابر لان شكلها طبيعي اكثر من السليكون وهي فتره مؤقته لمدة 3 الى 4 سنين يمتصها الجسم وقالت لي الدفع على حسب استطاعتج قلت لما يجي الدوحه راح اخذ موعد واروح اشوف وتقريبا كنت خلاص مقتنعه بفكرة الابر ورحت لدكتور عوني دلول لما سالته قالي السليكون افضل بكثير خصوصا ان تكلفته اقل من الابر وطول الحياه اما الابر كل 3 سنين بتجين تبين ينفخ مره ثانيه وسالني قالي انتي تدرين الابره الوحده بكم ؟ قلتله كم قالي 30 سم ب 10 الف واقل شي راح اتحطين ابرتين في اليمين واليسار وهذا ممكن مايبين حتى احسبيها لو في كل وحده ابرتين راح تطلع عليج ب 40 الف وهذا انتي ماستفدتي شي وطبعا مو مكفيه الابرتين وراح يمتصهم الجسم واتكونين قطيتي فلوسج على ولا شي انا افضل السليكون تختارين الحجم الي تبينه وتالمين مره وحده وماترجعين تنفخين مره ثانيه نفس الابر خصوصا انها مؤلمه وان مكان كل ابره راح تحتاجين لخياطة غرزتين بس ف الاخير انتي سوي الي مقتنعه فيه ورجعت افكر ف السليكون صح كلامه انا مقتنعه فيه 100% بس ادور احد جرب حتى لو مو عند هالدكاتره او في قطر بليز بنات ساعدوووني وربي محتاجتكم

اذكر بنت خالة رفيجتي سوتها كانت حلوه وناطه حتى مو مبين انها مو طبيعيه بس اذكر كانت ماتقدر تقعد فتره كله علا بطنها تنام وبالسياره ماتقدر تسوق

للامانة اختي توها مسويه نفخ موخرة واستشارة الاستشاري قالها السيلكون مع الوقت يتحرك يرتفع فوق الابر احسن واكيد اغلى من السيلكون قالها انتي لو عندج دهون بجسمج راح تكون النتيجة احسن بس للاسف اختي ضعيفه وايد اضطرة تنفخ ابر 6 يمين و6 يسارللامانه مكوتها كانت ممسوحه الحين برزة و ناطره بس مو الحجم الي تبيه هم بترد تنفخ دكتورج اذا بيسوي السلكون تحت العضله اتوقع ماراح تحرك واضمن

حياتي ممكن تسالينها عن االتفاصيل
ب اي ماده حشى لها وكم الفتره الي قعدت تالم واذا للحين النتيجه نفس الشي وانتي شفتيها شلون كانت نطتها يعني نفس مريام او من ؟ وهي شلون كانت قبل ماتسوي مسطحه ولا فيها ؟

ايه من جذي انا مابي الابر لان مايجون قد الحجم الي ابيه وغالين وايد السليكون ارخص ونفس اختج انا ضعيفه مافيني دهون كلش حتى الدكتور قالي اوفر لج اتسوين السليكون وتكون مدى الحياه
اي انا سالته قلتله ان يقولون ان تحرك وجي قالي كلام فاضي السليكون احطه تحت العضل مايتحرك اما لو فوق اكيد بس انا ماسويه فوق
سالي اختج عن كل شي الله يخليج الالم وكل التفاصيل بلييززز

لو عندك دهون الافضل تسويتها ب دهون جسمك
بس السيلكون صراحه مجازفة بالذات تقعدين عليها اغلب وقتك
على الاقل سيلكون الصدر فوق وما عليه ضغط
بس المؤخرة ككككككل حمل جسمك عليه يوم تقعدين
ولك حرية الاختيار

انا ضعيفه مافيني دهون ابد
وفكرت ف الابر بس انا صراحه ماعندي كلفتهم غالين وايد ومافيني ارجع اسويهم كل 3 سنين وغير هاي ان الحجم مو ثابت وكل مالها تفش
من جي متشجعه للسليكون ثابت ومدى الحياه
ثانكس بنت سمي السيف على النصيحه
وبنات شدعوا محد قاعد يرد علي بليز ابي تجاربكم

اب
اب
اب

فديتج عياره والله
المشكله ان وزني يرتفع وينزل بسرعه وايد مازمني حتى لما امتن مايكون في فرق كبير او واضح شي بسيط جسمي صار فيه ستريج مارك من كثر مامتن واضعف
ايه انا ارتحت للابر بس يختي غاليه وايد الابره الوحده ب 10 الف ريال وانا صغيره مؤخرتي الدكتور قالي لو بتحطين في كل منطقه 3 ابر ماراح اتكون النتيجه مثل ماتبين وبتكلفج 60 الف ! والسليكون ب40 الف
وسالت الدكتور عن اضرار السليكون قالي ان مالها اضرار ابد حتى شفتها رااواني اياها ماتنقص قعد يمجع فيها وانا اقوله بتقصها خلاص يقولي ماتنقص انا اراويج وان حتى لو جبت اله حاده وقصيتها فيها الماده الي داخلها مش سائله جامده يعني مو مثل الماي ماتنزل من مكان القص
بس انا لحين افكر رحت لدكتور عوني دلول قالي بيسويها ب 45 الف ودكتور فادي الجيز قالي بحدود 40-42 واطلع في نفس اليوم
انا قاعده افكر فيها وايد وامي اتفكر للحين ماعطتني القرين لايت والدكتور فادي بيجي نهاية الشهر بروح له اشوفه بستفسر اكثر
والله يختي تعبت منها صغيره وف الملابس ماتبين حلوه كلش واحين نازل وزني بعد مختفيييه حدها
يارب الله يسهل لي كل شي ويعطيني الي فيه خير
ايه وعلى طاري الحبوب والله مابقى حبوب ماكلتها مابقى خلطه ف النت ماخذتها مابقى كريمات ماستعملتها والله لدرجة اصرف على هالاشياء الي اشتريها ب 3 وال 5 ولين ماوصلت لل10 الف ومافي فايده ولا تغير بسيط حتى