دكتوره نجوى مستشفى دار الشفا . اترك الحكم لكم؟؟؟

مرحبا كويتيات
حبيت اكتب لكم تجربتي مع الاستشاريه الدكتوره نجوى
وبصراااااااااحه ابي رايكم فيها
انا من فتره اراجع عند دكتوره زينات متابعه حمل
ومن دخلت شهري التاسع للاسف ما كنت اتصل واشوف مواعيد دكتوره زينات, اروووح على البركه وماحصلت زينات فأشوف منو الموجود سألت قالولي اكثر من دكتوره بس طبعا اخترت دكتوره نجوى لانها من استشاريين القسم بدون قصور بالباجين
وانا بحمالي الاولي ولدت بقيصريه عند دكتور اسامه لان البيبي ما نزل للحوض
المهم دخلت على الدكتوره قبل 10 ايام وسوت لي سونار وقالت وضع البيبي زين ووزنه زين حاولي ما تكبرينه عشان تحاولين تولدين طبيعي؟؟؟
وقالتلي بعد اسبوع تعالي اشوف نبض البيبي ما راح اسوي سونار
وثالث اسبوع نسوي فحص داخلي واشوف اذا نازل الراس للحوض او لأ؟
حللووو للحين الكلام مقنع
مع العلم اني ما ارتحت لأسلوبها يعني كان كلامها صحيح 100% بس ما طالع فيني حتى وهي تكلمني
المهم يابنات ماجيت اراجعها بعد اسبوع وبصراحه بغيت زينات لان اسلوبها يريح اكثر واول وتالي هذي متابعه حمل عاديه يعني اي دكتوره تفي بالغرض
امس رحت وللاسف كانت طالعه دكتوره زينات وسألت منو موجود قالو لكشمي ونجوى فطبيعي اخترت نجوى
دخلت عليها…………………….
وكانت مبطله ملفي
والله يابنات بدون مبالغه توني ما تعدلت وقعدت على الكرسي الا تقووولي………………
متى تبين موعد العمليه؟؟؟؟؟؟؟؟؟؟؟؟؟؟؟؟؟
انا تبلدت مشاعري وانصدمت وعبالي سمعتها غلط
قلت لها ليش عمليه دكتوره ؟؟
هذا حملي الثاني يعني يمكن اولد طبيعي
قالت ( آه بس انتي مش كنتي والده قيصريه عشان الحوض صغير والبيبي مش نازل )
قلت اوكي (وبيني وبين نفسي اقول هذي ليش تناقض نفسها قبل 10 ايام تقول نحاول والحين تقول حددي موعد عمليتج)؟؟
انا الحمدلله مؤمنه بقدري والتساهيل من رب العالمين بس حرتني حيل بأسلوبها
المهم لما شافت تعابير وجهي حست
قالت تعالي نسوي سونار واشوف
وهي تسوي سونار قالت وزنه اكبر من المره اللي فاتت (طبيعي)
وشافت مقاسات بطني من برا قالت الراس للحين فوق
خليني افحصك من الداخل
قلت لها : لا ما تفحصين

دكتوره انتي من اللمس تقولين راسه فوق وقيصريه شحقه الفحص؟؟
المهم ما اعجبها كلامي (وقالت انتي حره)
وسألتني قالت عندك سكري؟
قلت لأ
وقمت والله يابنات احس دشيت عالم ثاني من اسلوبها
واخر شي قلت دكتوره جم تقديرج بالميه اني ممكن اجيب طبيعي قالت (معرفش ما اقدر احدد )
بس انتي الحين بيعدي لك اسبوعين حابه تنتظرين انتظري يمكن تجي طلوق واذا ما جات ما راح نصبر عليك
سبحان الله يومج ما تعرفين التقدير ليش تطلبيني احدد موعد لعمليتي؟؟
يعني لو انا عند اي دكتوره ثانيه بتقولي امشي او اصبري هذي اخر فرصه لج بالطبيعي او اي كلام يطمن مو تصدمني
وهذا اللي صار وابي منكم تقييم للدكتوره وبكلامها لي
واسفه على الإطاله

ونسيت شغله مهمه
قالت التشققات زايده بالبطن لازم تستخدمين كريم للأثار
قلت لها انا الحين ارطب جسمي دايم اخلي الكريم عقب الولاده؟
جان تقول ابتدي من الحين
قلناااااااااااااا اوكيه
الله يعافيها صرفتلي كريم ب 32 دينار ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟
حتى الصيدلي قال لزوجي فيه كريمات ارخص بكثير
بس اشتريته وماكان لي خلق ارجع لها مره ثانيه

الله يسهل ولادتج انشالله وتولدين طبيعي انا اللي اعرفه اللي من اول مرة تولد قيصريه باجي ولاداتها كله قيصريه في بعض الحالات يصدف طبيعي انتي استخيري وجربي دكاترة ثانيين مو الا نجوى

روحي حق حسام او زكريا حيييل يصبرون عليج

الله يكتبلي ما فيه خير
شاكره مرورج

اي مستشفى تقصدين؟؟؟
انا اراجع بدار الشفا وناويه اروح لدكتور اسامه

الله يوفقج

والله صراحه لو انا مكانج ما ارد لها مره ثانيه … انتي قاعد تروحين لها بفلوسج مو بلاش وجذي نفسها بخشمها ؟؟
انا صراحه ماعرفها من كلامج عنها احسها مليقه

والله انا اراجع بطيبه عند دكتوره منى والله تهبل وشحلاتها بس معاملتها لج تخليج تروحين وتردين عليهااا ….

الله يسهل عليج وانشالله انشالله تولدين طبيعي

ياحلو دكتوره زينات
كنت اراجع عندها بحمالي بولدي ,, وولدني دكتور اسامه الله يجزاه الف خير يارب

والحين بحمالي هذا اراجع عند دكتور زكريا .. بدار الشفا واذا مو موجود دكتور زكريا
اروح لزينات فديتها صبوره وكلامها يريح

انتي هالايام احجزي موعد وروحي لزينات دامج مرتاحه لها
وخل تشششوفج يا قلبي .. وهي تحدد مالج شغل بكلام نجوى <ماارتاح لها سبحان الله

شاكره مرورج

شاكره مرورج ومشاركتج
وباخذ مشورتج واروح لزينات والله يسهل يااااااااارب
وبقولها اذا احتاج الامر قيصريه ابي دكتور اسامه
لان اهو اللي سوى قيصريتي الاولى
يارب سهل لي ولادتي ولبنات الحلال

آه بس انتي مش كنتي والده قيصريه عشان الحوض صغير والبيبي مش نازل
مو سالفة فلوووس ومو عارفه دام بالملف مكتوب جذي مايصير تولدين طبيعي حرام للبيبي الحوض صغير
واكيد لما شاففة الملف قالت عمليه جم وحده تمر عليها باليووم شي طبيعي تحكم عليج من الملف اهي مو متابعتج من البدايه لان لو اي دكتور انروح عنده او دكتره اول ما يطلبون الملف عشان يعرفون الحاله
مو سالفة دفااع انا هالدكتوره ما اعرفها ولا مرت علي
الي تعاملت معاهم لاكشمي حبوبه كانت والي ولدتي معصومه شاطر بس معاملتها زفت ما افكر اروح عندها

حبيبتي الحوض صغير هذي جايبتها من مخها
البيبي ماكان نازل للحوض صح؟؟
وحتى لو الحوض صغير كل الدكاتره اللي بالعالم مو بس الكويت لااااااازم يعطون الأم الحامل للمره الثانيه فرصه انها تولد طبيعي
ومو من حقهم يحرمونها من المحاوله
واساسا اليوم رحت لدكتوره زينات الله يوفقها وطمنتني وقالت لاتسرعين
والله قادر على كل شي
قلت لها تقدرين تعطيني نسبه ؟؟
قالت ما اقدر الحين نطري على الاسبوع الجاي
احس اني فعلا اكلم دكتووووره مع احترامي لنجوى اللي اول اسبوع قالت نصبر عشان كان مزاجها اوكي وثاني اسبوع قبل ما اقعد على الكرسي قالت عمليه (تناااااااااقض)؟؟؟؟؟
وفوق هذا كله السالفه سالفه راحه نفسيه وهذا انتي قلتي ما راح اروح لدكتوره معصومه مره ثانيه لانج ما ارتحتي لها
شااااااااكره مروووورج
والله يسهل علينا ويكتب لنا ما فيه خير يااااارب

تبين نصيحتي روحي حق دكتور لان الحريم خوافين ومايصبرون على طول عمليه وانتي دام تبين تولدين طبيعي روحي لدكتور ويحاول فيج طبيعي وفيه واحد بالسلام اسمه الظاهر جمال كان بالعدان قبل يصبر على الوحده لين تولد طبيعي انصحج فيه لانه بنت عمي كانت نفسج اول واحد عمليه وعقب تبي طبيعي وكان هو بالعدان والحمدالله جابت عيالها2 طبيعي والحين حولت عنده لانه راح السلام
انا حاسه فيج لاني بولدي الاخير قالولي الراس فوق وانا كنت بالتاسع ولعب بنفسيتي ودكتورتي كانت تقولي نصبر نشوف لين بعد اسبوعين احتمال عمليه .بس خواتي قالولي اروح لدكتور محسن طلبه لانه شاطر بهالحركه والحمدالله رحت له ولف راس البيبي تحت وولدت طبيعي ولله الحمد

دكتور حسام ودكتور زكريا في مستشفى دار الشفا