دفترج التحضير

مرحبا كويتيات

انا سيم سيم يو اخذ الدفتر من السنافر
واغلفه من عند الفلبينيات اللي عند تغليف الهدايا

انزين شنو في غيرالسنافر شغلهم حلو؟؟؟؟؟؟؟؟

هالسنة بغير

ماادري وين بوديه

أنا والله أسويه بالبيت أطبع اوراق وغلاف وبس اودي أي مكتبة أسوي تغليف حلزوني

هالسنة بنطر بشوف شلون التحضير أول

أذا عندكم ورق جدران غلفي دفترج (والله عملي وحلو في نفس الوقت )

انا دفتري فايل انا اسويه
و عاده يكون ساده ما عليه شي

انا تعيين جديد

بالميداني خذيته عادي من المكتبه و غلفته عند محل تغليف هدايا بس ما وصل نص الكورس الا صاير مو مرتبب و متنتف

ابي هالمره شي غير التغليف

بانتظار تجاربكم يا بنات

أنا نفسك

والله آنا عندي فورمة تحضير جاهزة

وأشتري ملف عادي من الجمعيات

مثل جمعية العديلية في عندهم فايلات حلوة ومرتبة ومغلفين تغليف حلو سعرهم ما يوصل حتى دينارين

ومرات آخذ من جمعية كيفان ..ومرات من الروضة

بصراحة التغليف إللي عند ملوت الهدايا مو عملي وايد خاصة إذا البنات شالوا أغراضج ما يخلون لج شي صاحي

موفقين يا احلى أبلات

7

7

انا العام غلفته بالجوخ كان روعه
لو عندي صورته
بس اهو بالمدرسه

انا شريته من الجمعيه عادي وخلفته بتغليف على ورد عادي وحطيت عليه شرايط علي جنب حلو وعملي بس ودي بتغير
ياحلوين وين صايره مكتبه السنافر؟

انا كنت اشتري الدفتر واغلفه عادي بس يكون حلو ومرتب وابدع من داخل بالاوراق المطبوعه والاستكرزات والتسطير والخ
لكن هالمرة افكر بالملف ودي اغير وما ادري للحين ما رسيت على بر
في وحده اهنيه معانا تغلف الدفاتر وشفت لها عينة وما ادري والله للحين والله كريم
لكن الاوراق جاهزة عندي سواء كان دفتر او ملف

انا ادخل النت وايمع صور حلوا عن الماده العلميه وبعدين بالباور بوينت ادخلهم على بعض وكل صوره يم الثانيه وازينه بالكمبيوتر واحط اسمي واطبعه والزقه عالدفتر كله واغلفه شفاف طالع حلوو وتغيير بدال التغليف بالخام او الجوغ حلوو وعملي ويطلع كله ملون ورسومات يشد شوي

متى الله يمن علينا و نفتك من هم التحضير و هالدفاتر
أنا كل سنة أغلف دفاتري عند مكتبة السنافر
و شغلي كله ع الكمبيوتر و اطلع صور خاصة بالمادة و اسويها كـ خلفية للدرس
اختي Funkia cool عندج صورة لدفترج .. أحس فكرتج حلوة
موفقات يا رفيقات الكفاح المسلح