دعواتكم باجر عمليتي مع الدكتور اشرف عبدالقادر

صباح الخير شلونكم بنات
ابي دعواتكم

باجر عمليتي شد وشفط بطن ونحت خصر وشفط الظهر مع الزنود وحقن الدهون بالخلفيه
طبعا هذا كله شغل الدكتور 2200 والمستشفى مع المشد والتحاليل 800 طبعا بالزهير
ادعولي اقوم بالسلامه انا حدي خايفه
وان شاءالله بس اخلص ابلغكم بالنتايج

ياعمري سهلات انشالله

هالخوف عادي طبيعي اتقومين بالسلام

حبيبتي بطوطه تسلمين عالرد الله يطمنج
والله يسلمج ياربي ابي انام موقادره ��

اتقوميين بالسلاامه قلبي

فديتج نرجس الله يسلمج حبيبتي

تقومين بالسلامه يارب وانا بعد عمليتي عنده ورا العيد وحدي خااايفه احااتي

عسى الله يقومج بالسلامه حبيبتي

الله يقومكم بالسلامه طمنونا عليكم لاتحاتون ان شاء الله سهالات

معصبه وايد
وشوق الغلا
حياكم في موضوعي عن عمليتي عند الدكتور اشرف وهالموضوع ضم تقريبا كل اللي مسوين عنده

معصبه وايد
الله يقومج بالسلامه حبي وطمنينا شصار معاج والنتيجه
شفتج كاتبه ب موضوع انج بتسوين الخلفيه سليكون
ليش تراجعتي عن السليكون وقوليلنا شصار مع عمليتج بالتفصيل الممل من قبل لا ادشين لين اليوم

لله يقومج بالسلامه حبيبتي ونبي تجربه بالتفصيل انشالله وسعره حلووو رخيص

الله يقومج بسلامه طمنينا عليج الله يوفقج

مشكورين بنات ماقصرتوا والله تعبانه اليوم طلعت وماشال البربيش قالي ثالث ايام العيد بس باجر الصبح بروح العياده عشان يشوف الجرح ويغيرلي

ورد فاخر انا ماتراجعت عن عملية السيلكون بس ماقدر اسوي العمليه مع عملية البطن لان عمليتي لازم انام على ظهري عالاقل عشر ايام وعملية السيلكون لازم انام على بطني يعني العكس انا الحين من حقن الدهون حس الخلفيه وارمه وتعورني حيل
بنات خلوني جم يوم ارتاح واوافيكم بالنتايج لان جد تعبانه وفيني ارهاق السموحه

حمدالله عالسلامة

الخلفيه راح اتم يابسه جنها طوفه وبعدين اتفش

طمنينا عليج

تقومين بالسلامه وطمنينا عليج