دشيت الثامن

بنات انا بجـر ..
والخوف مسيطر على اهل ام الي يابوني ..
شسوي ..
انزين صج البجر تاخذ شهرها كله !!
ولا اولد قبل موعدي ؟!!
انزين متى ابدي امشي !!
ولازم امشي على البحر !!

موشرط البجر تاخذ شهرها كله الله يهون عليج وعلى المشي اسالي دكتورتج احسن لان انا بثاني اسبوع بالثامن والدكتوره قالت لي ارتاحي لاتمشين وبطلي طلعت السوق عاد انا ماجهزت ولاسويت شي يس يمكن قالت لي كذيه عشان البيبي صغير ويجيني عوار ويروح

هلا حبيبتي الله يسهل عليج ياقلبي بولادتج اغلب البنات الي بالبجر ياخذون اسبوع ورا شهرهم وعلى حسب
واول ماتدشين شهرج ابدي امشي عادي ياقلبي

انا بجري اخذت اسبوعين بس من شهري
لاتحاتين سهالات ان شاء الله الله يهون عليييييييييييج يارب

انا اقولج شغله لاحظتها بكل اللي يولدون ولادتهم البجر
وهي ان
اللي فيها ولد تولد اول او ثاني اسبوع من التاسع…يعني الولد ولادته اسرع من البنت
واما اللي بجرها بنت…تطول ويمكن تاكل شهرها وشهر طوايفها وتدش اسبوع بالعاشر بعد
انتي قيسي عالشغله على بنات عايلتكم وراح تلاحظينها نفسي
انا بناتي اولدهم اخر يوم بالتاسع…………لما تطلع روحي وامل وابجي طول الليل من الثقل
والله يسهل عليج ياقلبي

مو شرط انا عيالى اكل شهرى وادش العاشر ومااولد الا بابره طلق

يعنى هالشى بيد الله وكل وحده غير الثانيه ابدى امشى من التاسع واقرى على بطنج

مو لااااازم انا بجر وولدت بالاسبوع الثاني من التاسع

الله يهون عليييج حبيبتي .. أنا دشيت التاسع الحين وهم أنا بجر وميته من الخوووووووووف !!!!1
بس أنصحج لا تمشين من الحين لأن قالولي الولادة بالثامن فيها خطر على البيبي … والله أعلم وكل شي ربيد الله
أمشي من بدايه التاسع أنا جذي نصحتني دكتورتي ، وأدعولي الله يهون علي

ليش اتخافووون ؟؟؟ شدعوة

الولادة ما اسهل منها و كلها تساهيل من الله

بالعكس البجر ولادتها اسهل شي لان حجم البيبي عادة يكون صغير

دشوا موضوع ادوية النفاس ( الرابط في توقيعي ) و ثقفوا نفسكم عن الولادة و ان شاء الله اتمر الامور كلها بسلام و يهون عليكم و تولدون كلكم بالف سلامة و شوفة ولدج او بنيتج تسوى كل العوار سواءا بالحمل او الولادة

الله يجزاكم الف خيـر ..

انا دشيت الثامن بعد وحدي خايفه بس سالت دكتوره لينا الي بالمواساة اذا اقدر اسافر قالت لي اي قلتلها بالطياره قالت عادي بس الصراحه انا ودي اسافر بس خايفه من كلامها احس انها خرطي مو شي انتو شرايكم ؟؟

انا كنت حامل قبل هالمره وسافرت وانا بالاشهر الاولى وطاح الياهل وكانت دكتورتي فوزيه القطان قالت اخطر شي انج تسافرين اول الاشهر واخر الاشهر .. والله اعلم كل شي بيده

انا الحين في اخر الثامن وزايغ قلبي على السفر بس مابقه شي هانت

اتا باوله ومستغربه شلون قالت عادي بس ماودي اغامر اخاف اولد بالطريج ومحد معانا بس انا وريلي

انا بعد دشيت الثامن وحدي خايفه الله يستر وودي اسافر رحت حق دكتوري احمد الشاذلي وقالي عادي بس انا خايفه نفس حالتج سينتيا شكلي بهون ماني مسافره ماتسوى علي استانس بعدين يصير الله لايقوله بالبيبي شي والوناسه لاحقه عليها <==== وحده تقص على روحها

اذا انا الحين بالمشي قاعده اتعب اشلون بسافر بس ياربي صج صج بخاطري بس يالله ايام الله وايد