درس نموذجي لعلوم الأسرة والمستهلك

السلام عليكم معلمات
ابي مساعدتكم لدرس نموذجي للصف السادس علوم الأسرة والمستهلك
أنا طالبة تربية عملية ودرسي اهوه :الأزياء -الملابس الداخلية والخارجية -أهمية الأزياء-مايجب مراعاته عند اختيار الملابس -ماذا نستفيد عند معرفتنا للأزياء- أزياء المهن والشعوب
والأفكار اللي جمعتها احسها مكررة وانا أبي شي جديد
عفية ياريت تساعدوني

والله مادري بس حبيت ارفع الموضوع
طيب ليش ما تغيرين الدرس؟؟؟

مشكورة ياعمري
بس المواضيع الباجية جامدة وما تقدرين تبدعين فيه
شكرا عالرد

وااااااااي محد رد علي
عفية ..
يعني كلش مافي أفكار طبقتوها بدرووسكم

حبيبتي انتي تربية عملية مو مطالبه بنموذج درس بعدين ماشاءالله اغلب بنات التربية العملية دروسهم وافكارهم احسن من المعلمات اللي خبرتهم قليله حطي على يوتيوب عن انواع الازياء والشعوب والملابس قديما وحديثا الدرس روووووعه وفيه مليون فكرة ودي اساعدج بس الله تعبانه سامحيني اذا انتي بمنطقة الفروانية يمكن اقدر اساعدح

انتي تربية عملي ليش تسوين درس نموذجي

والله مادري رئيسة القسم قالتلي… انا تابعة الفروانية

اول مره اسمع ان التربيه العمليه يسوون درس نموذجي
كلمي موجهتج
انتي يايه تتعلمين حبيبتي

Uppp

أشكركم للرد
الدرس النموذجي شي مميز على قولتهم

انا بعد نفسج مطالبيني بدرس نموذجي

والله أول مره اسمع ان معلمة تربية عملية تسوووي درس نموذجي !!!!!!!!!!
انت مو مطالبه بالدرس النموذجي ,..

شوفي سوي ندوة هاتي دكتورة تلقي محاضرة ..
سوي محاضرة يمكن يكون شي مميز بس درس نموذجي تو النااااااااس عليه

سؤاااااااااال برئ جدا جدا جدا <<< أنت أي مدرسة ؟؟

خلي البنات يلبسون ملابس الشعوب مثل الهندومصر والكويت الخ مع موسيقى هادئة وتعليق على الفساتين وسوي مجاميع ويبي نماذج لملابس وسمي كل مجموعة باسم مثل مجموعة الملابس الداخلية وهي تختار من المعروض ودائما يبي ملابس اطفال افضل للاختيار ويختارون ويبنون السبب في التسمية مع ذكر مواصفات وفي الاخير خليها ملابس شعبية كخلاصة للدرس مع ذكر مواصفاتها والتعليق عليها كملابس محتشمة وفيها طابع اسلامي …ويبي صور بعض المصممات الكويتيات كمدخل للدرس