درس السكون

السلام عليكم
يحتوى منهج منتسوري على درس مهم جدا اسمه درس السكون
والله انى جربت الدرس ده فيه اهداف كتيرة هقولها بعد ما اعرفكم عليه ان شاء الله (مع ذي الاعاقات والعاديين )
الدرس ده ياجماعة بنطلب فيه من الاطفال الصمت التام – السكون- بنقلد التمثال لاحركة
طبعا اللي بيصدر منه حركة بنستبعده او بنعيد الدرس مرة تانية
اثناء درس السكون بتذهب المعلمةالى مكان خفي (وراء سترة خلف كبت برة الغرفة ولكن قريبة من الباب وبتصدر اصوات مختلفة (صوت قطة – تصفيق – صفارة ) اي اصوات طبعا بتذهب وبترجع مكانها بهدوء تام وطبعا لازم تقوم بنفسها بأداء الخطوات امام طلابها قبل ماتطلب منهم ادائها ولو معها معلمة مساعدة تقوم بنفس الاداء- بعدها بنسأل الاطفال ايه سمعنا وبهدوء بنتحاور وبنعرف الصوت ومين بيصدره زي المواء للقطة والنباح للكلب -عزكم الله
وبيكون فيه دور يعني طفل طفل بيروح ويعمل نفس ماعملت المدرسة – النتيجة رائعة والأولاد بيستمتعوا جدا —
طبعا طالب الاحتياجات لايهمل مهما كانت اعاقته يشارك بأن تأخذه المدرسة وتساعده في اداء دوره حسب قدراته
بنشكر الطالب بعد اداء مهمته ويحيه الطلاب الاخرون

اتعلمنا ايه من الدرس :

1 – تنمية حاسة السمع
2- التذكر
3- تنمية لغوية
4- تنمية انتباه وتركيز
5- احترام الدور (تدريب على مهارات سلوكية )
6- مهارات حركية (قيام الطالب -اداء الحركات مثل الصفق -الدبدبة بالقدمين – الدق على الباب )
7- زيادة ثقة الطالب بنفسه وبانه يستطيع اداء مهامه بنجاح
8- تفاعل اجتماعي مع اقرانه
9- مفيد لطالب فرط النشاط والحركة حيث ستزداد فترات جلوسه وفيها حركة تناسب حالته
10- المحاكاه لانهم بيقلدوا المدرسة في كل خطواتها اللى قامت بيها
11- تقدير دور واداء كل طالب قام بمهمته المطلوبة بشكره وتحيته (مهارات اجتماعية )

في الحقيقة دا اللى حضرنى دلوقتى ارجوا اكون افدت الجميع وشكرا وشكرا للاخت الصابرة فموضوعها السابق شجعنى على الكتابة