|
|
الســـــــــــــــــــــــــــــلام
طبعا في وايد بنوتات من حزب الطماشة يحبون يطمشون ويقرون مواظيع هني . . في مواظيع ممكن تفيد
وفي مواظيع تغث وتجيب الهم والغم وتخلي الوحدة تفكر انها ماتتزوج صح !!!
اللي بقوله ..
ان مواظيع الطلاق والخيانات اللي قامت تنكتب هني كثرت .. وكل يوم والثاني نقرا وحدة انصدمت من زوجها او وحدة بتطلق وللحين ماكملت السنة ..
كل هذا لسبب واحد
للاسف اهالينا قامو يزوجونا بدون مايسالون عن الخاطب
وفي عوايل تزوج من غير النظرة الشرعية وهذي مصيبة أعظم !!!
فشنو اللي بيصير ؟؟؟؟؟ حب و رومنسية ووفا ؟؟ طبعا لأ الا من رحم ربي
فاللي بقووووله
تكفووون تكفووووون قبل لاتتزوجون فكروا مليون ومليونين مرة عشان لاتسوون (انشاء موضوع جديد: ابي اطلق من زوجي!!)
ديرو بالكم تكفووون
خلو اهاليكم يسالون عن الريال عدل عدل .. واللي بتقول في اشياء ما تبين الا بالعشرة انا اقوولها بس في اشياء تبين من قبل الزواج والواحد يسوي اللي عليه والنتايج على الله
لأن في بنات حرام ينصدمون ان زوجها يشرب او مدمن مخدرات…وهالاشياء ترا تبين قبل الزواج لو الاهل سائلين عدل .. هذا اللي اقصده
.
.
.
في ناس والله بنفس يوم الشوفة يحددون المهر وثاني يوم طيراان ع المحمكة !!!!!!!!!!!
ونهايتها ؟؟؟؟؟ ماتمر سنة الا البنت ظايفة موضوع هني والسنة اللي وراها في بيت اهلها ويمكن يكون معاها طفل بعد !!
الخلاصة يا حزب الطماشة
لاتتحبطون من مواظيع الطلاق والخيانات اللي تصير لأن لكل انسان وظروفه ولا تاخذونها كقاعدة ترا في ناس سعيدين وفي رياييل زينين (إن خليت خربت)…. بس قبل لاتتزوجون سالوا عدل .. ولاتنسون الاستخارة
يمكن تظحكون لكن اهلنا بشكل عام من النوع اللي ياخذون فترة اسبوع او اسبوعين على مانرد على اهل المعرس لأن ياخذون وقت على مايسألون ويدورون .. وعمامي حتى يشوفون اذا عنده ملف بالداخلية ويشوفون مني ومناك ليما تطلع روحهم
والحمدلله الحمدلله الحمدلله ماعندنا ولاحالة طلاق بعايلتنا .. وانشالله دوم .. لأن اللي بدايته صح نهايته صح
وهالموضوع لوجه الله واتمنى ان حتى و لو وحدة بس تستفيد من هالكلام ..
لأن نار العنووسة ولا نار الطلاق يابنات
لازم الوحده تخلي اهلها يسألون عدل عن اي واحد يتقدم للزواج
بس ابي اقوولج شغله يا قلبي
ترى في ناس تكوون سألت وتطمنت ان هذا الريال محترم ويعطوونه بنتهم
وسبحان الله يتغير الريال من حال الى حال
ربج اذا اراد يهدي العبد يهديه بدقيقه
واذا اراد يقلب حاله ويعفسه بعد بدقيييييييقه
والزواج والطلاق نصيييييييييييييييييييييب
مشكوره و تسلملنا انامج الذهبيه على كتابه الموضوع 
وبعدين عن اذنج انا بقول شي بس
انه انتو يا بنات اذا انتي شايفه نفسج انه انتي مو مال استقرااااااااااااار لا تفكرين انج تتزوجييييين لانه الريال مافكر يتزوج الا علشان الاستقرار ويب اعيال ويبي كلامه هو الي يمشي
مو انتي متزوجه ريال على كيييفج واذا الحرمه تبي استقرار بس في شغلات ماتعجبها بريال قالت طلقني انت مو مال استقرار ولا معاشره حتى مافيهم صبر
للاسف يعني هذا الي انا اشوفه في بنات هلوقت مو كلهم في منهم جذيه وجذيه الصبر للاسف مايمر عليهم اصبرت سنه قالت صبرت
يرحم حريم اوول تصبر اسنين اعيالها اكباااار وهي تقول لج للحين انا صابره عليه بلكت الله يهديه
مشكوره مره ثانيه على الموضوع الرائئئع واسفه الكلام الي قلته لانه جد شي اشوفه وايد وزايد الحين
اي والله اختي صاجه في أكثر من موضوع طيحو قلبي ومرات افكر اني ما أتزوج
اخاف الدنيا تدور علي واحط موضوع من هالنوع >> طلاق وخيانه ومن هالشي
الله يكون بالعون
والله في شغلات عندنا هي السبب الطلاق الرئيسي واللي ذكرتيه اول شي
مثل النظرة الشرعيه بعض عوايلنا عندهم عيب وفيها قبايل لان اعتقادهم " الامهات والاباء" : تشوف بنتنا
وبعدين ماتعجبك وبعدين تقول مابيها >>> للعلم هالموضوع يأثر بنفسية البنت لاني سامعة جم سالفه عن هالشي
واذا على السؤال اهلنا مايقصرون بفصفوون الواحد حتى ربعه يعرفوونهم وشهادته وشغله وبأي مسجد يصلي >> قوي بأي مسجد لوول
عموما .. يابعد عمري مشكوووورة على هالموضوع وفعلا سالفة الطلاق مو هينه وهالنوع من المواضيع كثر بالمنتدي
سوري عالاطاله
بس اكيد انا معاكم ان الطلاق والزواج قسمة ونصيب .. بس خلي الاهل يسوون اللي عليهم والباجي على الله ..
بس ولا انه يقطون بنتهم قط .. واخرتها الريال مدمن مخدرات ولا صاحب سفر 24 ساعة !!! حزتها غلطة الاهل مو الريال
لو اني اعرف هالمنتدى من قبل لا اتزوج يمكن جان ما تزوجت من المشاكل اللي اقراها
والله عدل كلامج
في اشياء الواحد يقدر يتفاداها بالسؤال عن المعرس مثل الشرب واللذي منه
وفي اشياء ماراح تبين الا مع العشره وهذي اشياء يبيلها صبر بعصر السرعه
ترا سوالف الطلاق اغلبها بتيي من الاستعجال
خاني طلاااق
سافر طلاااق
تغدا برا طلاااق
شفي حتى الخيانه الجايده اللي محد يرضى فيها لا الله ولا عبده هم في مرات تقدرين توسين على عمرج وتغفريله طبعاااااا في حالات استثنائيه
القصد من كل هذا يا حزب الطماشه
كل شي مكتوب الزواج والطلاق والعيال
بس هم الواحد يحتاط ويسأل قيل الزواج
ويصبر على ما بلاه ربي لين الله يسنع اموره
والابتعاد عن كلمه طلقني على اقل امور تصير بالحياه الزوجية
تسلميلي ام مرايم
انا بصراحة عندي قنااااااااااااعة ان البنت اللي مو متزوجة ماتضيع دام ان عندها شهادة وموظفة ومعاشها بأيدها وقاعدة عند اهلها معززة مكرمة ومدللة
شتبي بعوار الراس والحرات والقهر؟؟ شنو بيفيدها الريال
لا تقولون لي اهلها مو دايمين لها……..اشدراكم ان الريل بيدوم لها ؟؟؟ يمكن يطلقها وتصير علج بحلوج الناس ويمكن يتوفى وهم بتم البنت عند اهلها فأهلها اهم اللي دايمين لها مو الريل
بصراحة انا مو هامني الزواج كللللللللللللللللللللش ولا افكر فية مع ان مرات الناس ينظرون لي نظرة شفقة لان عمري وصل 27 وانا بعدي مو متزوجة بس ما هموني الحمد لله انا ببيت اهلي ومدلللللللللللللللللللللللة ومرتااااااااااااااااااااحة ولما اسمع سوالف المتزوجات اقول الحمد لله اني ماتزوجت والله لا اييب هذاك اليوووووووووم