|
|
السلام عليكم .. بنات انا بعد جم يوم بدش الشهر التاسع .. و اراجع حاليا عند دكتورة فاريبا بعناية كلينيك و ماعرف احد جربها من قبل كلش.. و ذاك اليوم وانا اسألها عن الولادة قالت انا راح احاول معاج طبيعي بس احنا ما ندري شيصير وقت الولادة و اذا حسيت ان في شوي خطر عليج ولا على البيبي راح اولدج على طول قيصري 
المهم يوم سألتها عن خياطها قالتلي ان اهيا تسوي غرز اللي تنشال بعد جم يوم
سؤالي.. موجن في طرق وااايد احدث والا انا يتهيالي ؟؟؟ مادري يتهيألي الغرز جن تترك اثر جايد والا انا غلطانة ؟ بصراحة انا مادري اذا انا بولد قيصري ولا لأ بس يهمني اذا احتجته على الاقل اني اتخيط بطريقة ما تأثر على نفسيتي بعدين … بليييز ردوا علي انتوا شنو اللي تعرفونة عن طرق الخياطة لأن ردكم علي راح ابني عليه قرار مهم واااااايد واهوا اني اكمل مع هالدكتورة ولا لأ
بلييييز لا تحقروني ناطرتكم
شوفي حبيبتي انا مرتين قيصرية ولحد الان اثرها خفييييف وما يبين لان تجميلي بس خط صغير عند البكيني لا تحاتين
انتي طلبي تجميييلي
بس رفيجتي بالعدان كلبسات موشي
منو مدح لج هالدكتوره .. اول مره اسمع فيها
الله يسهل عليج وان شاءالله ما تحتاجين قيصري ولا تتعذبين
بليز معلومات عن خياط القيصري
|
المشاركة الأصلية كتبت بواسطة نبرمان
 مادري والله ليش ما اتروحين لدكتور ثاني ؟ ولا انتي تبينها !!
منو مدح لج هالدكتوره .. اول مره اسمع فيها الله يسهل عليج وان شاءالله ما تحتاجين قيصري ولا تتعذبين |
الله يسمع منج والله انا كنت عند معصومة لين الشهر السابع و تالي قام ينزل علي دم و كانت حالتي تحتاج اهتمام و للاسف مالقيته عندهم كلش و مالقوني ويه فمدحتلي وحدة هالدكتورة ولما رحتلها كنت في حالة انهيار و شفتها وااايد مهتمة و عطتني رقم موبايلها بصراحة نفسيا ارتحت مع اني ما دقيت عليها ولا مرة بس حسيت ان في رعاية من صوبها و قلت بكمل معاها .. بس الحين مترددة على هالسالفة قلت اخاف الله لا يقول خياطها خوارة واتوهق 
انا خياطي كان كبس ليه داخل …ومن بره ليزر وعلى الجنب الخياط غرزه على اليمين واليسار ومغطينها بغلاف بلاستك مادري شلون ……وبعد 21 يوم رحت بطلت اللزاق ماكو جرح بس هالغرزيت على الجنب …بطلت البلاستك وقصت الخيت واسحبته من الطرف الثاني ولاحسيت فيه ..وكان الخيط نايلون …مو خيط عادي …
وسلامتج…
انا ولدت عند الدكتوره لينا بالمواساة…