|
|
السلام عليكم خواتي من غير مقدمات انا ولدي 3 أبتدائي اليوم عطوه المدرسه ورقة مسابقه من قسم الرياضيات وهي عباره عن (مشروع احسن وسيلة مبتكره من منهج الرياضيات )واخر يوم التسليم يوم 10/5/2009
وصراحه ماني عارفه شلون اسوي هذي الوسيله وابي فزعتكم معاي وافكاركم الحلوه
شوفي حبيبتي امونه
اول شي اشتري لعبه الدومينو تعرفينها ؟ وبعدين جيبي ورق صغير وقصيه على شكل مربع صغير وكل دومينو وحده الزقي مربعين بس خلي الخط الي بالنص يبين الي بالدومينو . وكل دومينو وحده حطي بمربع عباره مثلا 30 ÷ 5 والمربع الي جنبه حطي اي عدد مثلا 14 , والدومينو الثانيه نفس الشي بس غيري التعبير الرياضي والعدد مثلا 4 + 10 والمربع الي جنبه حطي اي عدد .وكرري على كل الدومينو
الوسيله هذي مرتبطه بالتعلم عن طريق اللعب والطالب يجي ويرتب كل عباره جنبها العدد الناتج .
اذا ما فهمتي عطيني خبر , واذا فزتوا ترى الجائزه بالنصيفه !!!!
شكوره حبيبتى على المشاركه وماطلبتي الا عزج يالغاليه
انا مو شايفه منهج الابتدائي
موفقه
ابلاتنا اشدعوه ابي فزعتكم معاي ضروري بليز لوسمحتو
هلا قلبي يريت اقدر افييييدج بس بحاول اسال وارد علييج
هلا اختي امونه انتي ولدج باي مدرسه واي صف
هلا والله اختي العنود انا ولدي 3 ابتدائي بمدرسة ثابت بن زيد
اوبس والله انا اكره شي اسمه رياضيات انشاء الله البنات يفيدونج