|
[COLOR="Red"]السلام عليكم
مادري اذا الموضوع مكانة اهني او لأ , بس لاتنقلونة .
خواتي مالي غيركم ساعدوني انا من عمري اذا رفعت ايدي لله يستجيب دعائي والحمدلله في اي شي , بس انا ملاحظة
من سنتين دعائي غييير مجاب حتي لو ادعي الليل والنهار وحتي لو اصلي صلاة الحاجة او ادعي
بدعاء ( ياودود ياودود)الله مايستجاب لي , حبايبي انا خايفة من الله ليش يرد دعائي لة ,
شنو الذنب الي لله مايستجاب لة مع اني ماسويت شي يغضبة ؟؟؟
الله يوفكم
بلشهر الفضيل تردون علي اسئلتي .
الواحد لازم يحسن الظن بالله عند الدعاااء ** واستغفري الله سبحااانه وان شااء الله يستجيب الدعااء **
لا تيأسين من رحمة الله
يمكن اختبار منه سبحانه
ادعي وادعي وبيستجيب لج باذن واحد احد
بس ترى مو شرط نفس اللي تبينه يمكن اللي تبيه شر لج ؟؟
يمكن الله سبحانه يبعد عنج شر بمقدار دعائج ؟؟
يمكن ربي اختارج الافضل ؟؟
يمكن ربي مأجل الاجابه لوقتها افضل لج بدينج ودنياج ؟؟
وحى لو الله ما كتب لج استجابة الدعاء أسأل الله لج الاجابة ..حتى لو ما قبل ربنا سبحانه تأكدي أنه خيرة لج وفيه مصلحتج
والله لو اقولج عن موقف اني دعيت شكثر ما تتخيلين انا شلون كنت ملحة للجعاء لشغلة أبيها وماصارت وبعد فترة اكتشفت انها مو لصالحي والله اني سجدت شكر لله أنه ما استجاب لي هالدعوة .
فلا تستعجلين الاجابة ماتدرين ربنا شنو خاش لج والله يرزقج خير ما تتمنين
راجعي نفسج اذا عموما شنو الذنب اللي سويته وللحين مصرة عليه او ماتبتي منه ؟
شوفي شنو شغلات غلط صرتي تسوينها
هل صايرة تاخرين عن الصلاة مثلا تغيرت قناعاتج بشيء
هل تكلمين شباب بالمسنجر ومن هالسوالف الي صايرة عادي بين البنات وان كلمتيها قالت عادي مسنجر بس مو تلفون
هل صرتي تحبين فنانات ومطربين اهم شيء تذكري شنو الفرق بين قبل والحين يمكن صرتي متكبرة على احد
او مثلا صرتي تعاملين الخدم بقسوة
فكري ورديلي خبر ناطرتج وربي يوفقج يااااارب
وهذا اختبار من الله
كلنا قاعدين ندعي وننطر الاستجابه من الله سبحانه ..
بس راضين بحالنا اللهم لك الحمد والشكر ..
1-الانسان يدعي وقلبه لاهي بعيد عن الله سبحانه
2-الدعاء بظلم او حقد او حسد تزول نعمة غيرج او انه وحدة يصير لها ضرر هذي ماستجاب منها الا دعوة المظلوم على الظالم مستجابة
3- الحقوق المالية كثير من الناس مستهين فيها والامثلة عليها واجد خاصة الموظفين بدواماتهم الي تصورلها طبخة بطابعة الوزارة او اوراق الوزارة اللي شابكة على النت من كهربا الوزارة لاتقولون شدعوة مو هالدرجة(سالو مشايخ فيها) غير اللي تاخذ طبية بدون سبب وقيسو عليها اشياء ثانية
واما اذا لم يكن بالداعي هذه اثلاث فتكون عدم استجابة الدعاء لحكمة من احكيم العليم اما لدفع ضرر او جلب منفعة
والحمدلله ما اعتقد انة عندي ذنوب اللهم عندي بس دين صيام ماقضيتة بسبب ظرف حملي ونفاسي يعني متراكم لان كل حمالاتي ورا بعض
**
نصيحه اقعدي مع نفسج
شوفي شنو شغلات غلط صرتي تسوينها هل صايرة تاخرين عن الصلاة مثلا تغيرت قناعاتج بشيء هل تكلمين شباب بالمسنجر ومن هالسوالف الي صايرة عادي بين البنات وان كلمتيها قالت عادي مسنجر بس مو تلفون هل صرتي تحبين فنانات ومطربين اهم شيء تذكري شنو الفرق بين قبل والحين يمكن صرتي متكبرة على احد او مثلا صرتي تعاملين الخدم بقسوة فكري ورديلي خبر ناطرتج وربي يوفقج يااااارب |
الله يهداج اختي مطيرية شنو اكلم شباب انا متزوجة وام عيال , وبلنسبة للفنانات حالي حال غيري عادي اطالع التلفزيون
واقول فلانة حلوة وعلانة مو حلوة.
واللــــــــــــــــــــــه سبحااااانه وتعالى كريم
ماتدرين يمكن هالشي اللي تبينه فيه عاقبه سوء لج ويمكن الله يأخرج لج هالدعاء ليوم القيامه ويعطيج ماهو أفضل منه رحمه منه
واحسني الظن بربج
الله يهدينا وإيااااااج يااااااااااااارب ياااارب ياااااارب
انا كان عادي وقلت مثل ماقلتو يمكن الله يبيني اكثر الدعاء لة , بس الي خلاني اشك اني من يومين كنت اسمع دعاء للشيخ الشعراوي
الله يرحمه وكان يدعي ويقول ( اللهم اني اعوذ بك من دعاء لايستجاب ) واهني عاذ انا خفت وشكيت , يعني الي ما يستجاب دعائة شي مو زين.
**