|
|
بنات
بردوا ع قلوبنا منو منكم خانها زوجها او حب عليها
وقدرت انها ترجع زوجها لها
وافتكت من البنت اللي كان يخون معاها
حبيبتي في موضوع موجود اهني بالمنتدي اعتقد اسمه اسرار العشيقات يمكن يفيدج
راح ادور الرابط واحطه لج.
حاولي تتقربين منه اكثر وتلعبين بحسبته صح
راسليني علي الخاص وان شاء الله افيدج
تحياتي
افيدوني الله يجزاكم خير
حبيبتي انسي انسي اخذيها مني وحاولي اتناسين قد ما تقدرين
خل نستفيد
بعد قلبـ قلبكمـ
مع تحياتيـ softlady
.
إنتي إنسانة مؤمنة بالله تعالى وكوني على يقين بأن الله مع الصابرين إذا صبروا
وإن طال الزمن ولاّ قصر يظل زوجك وأبو اعيالج
والله وايد أعرف حريم اصبروا على فساد أزواجهم بس في النهاية يرجع لها
لأنه عارف ومتأكد إن محّد راح يكون حنون عليه كثر زوجته أم عياله
أختي أكثري من الدعاء لله سبحانه وتعالى في هداية زوجك
إن الله قريب مستجيب الدعاء
انا من دشيت شهري وانا صايره موصاحيه بس اوسوس ادش هالقسم اقرى مواظيع عن خيانات واقعد اوسوس استغفرالله
مع انه زوجي بعد قلبي مافي شي ولا عنده هالسوالف بس انا اصيره موصاحيه
والله ساعات اقول بسسسسسسسسسس ماراح ادش هالقسم والله قمت اشك
حتى اروح ابجي عنده اقوله ان جكيتك ولا طحت عليك تخون والله لاذبحك والله لاكت عليك ماي حار !! تخيلو خخخخخخخخخخخخخخخخخخخ استغفرالله
حتى زوجي مرات يظحك يقولي الله يهديج شكلي بمنع عنج هلمنتدى انتي صايره موصاحيه
والله ساعات من يدش الشقه اقوله عطني بفتش تلفونك خخخخخخخخخخخخخخخخ اهو ينصدم ويعطيني
المشكله اهو طول اليوم عندي ويرد بسرعه البيت يعني مو كله هايت ومادري عنه
مادري ليش مستخفه انا
بنات زفوني اخاف يزهق هالرجال من هالسالفه البايخه اللي صايرتلي
الحين اهو يظحك ومستانس علبو بتغار عليا بس اخاف بعدين يزهق ويمل خخخخخخخخخخخخخخخخ
تهقون لانه قربت الولاده قامت تجيني هالوساوس؟؟
الحوااامل انتو باخر شهوركم بمريتو بحالتي
حيل حيل حيل اوسوس
هذا هو رابط اسرار العشيقات والله انه افادني كثير
والله يعينج اقرأيه عدل مدل وانتي ان شاء الله يفيدج
تحياتي
عن تجربه اول شي الاتكال على الله والدعاء المستمر انه الله يهديه ويسخره لها والاستغفار … الله قادر ينسيه حريم الدنيا كلها في لحظه … ولازم الصبر ومسك الاعصاب في هالحاله …. وابدا ما تترك بيتها لو شو ما صار ولا تترك له فرصه انه تلعب عليه الحبيبه …
انا زوجي الحمدلله ما خاني بمعنى الكلمه بس مره صدته يكلم وحده بالتلفون … المشكله انه وايد وسيم الله يحفظه لي ويبعد عنه بنات بليس.. والبنات اهم الي يركضون وراه مو هو …. الصراحه اهو عاقل … بس شفتوا الانسان سبحان الله بطبعه خطاء الا ما يغلط … بس الحمدلله قدرت احتوي الموضوع من اوله وارده لبيته
طبعا الوحده منا تمر بظروف الحمل والولاده وارهاق وتعب … ودايما يكون الخطر في هالفتره … لانه غصب عنك تبتعدين عن زوجك مو بكيفك … بس هذا ما يعني انها ما تنتبه شو قاعد يصير مع زوجها
بس صدقوني الريل اذا يحب زوجته حتى لو لا سمح الله خانها اذا عرفت كيف تحتوي الموضوع وما تكبره اكيد اكيد بفضل الله راح يرجع لها بدون كلام …
المهم الوحده اذا خانها زوجها ما تقعد تكبر السالفه وتخبر اهلها وتشكيلهم … لا عليها بكتمان الموضوع عن الكل ولا احد يدري بالموضوع الا هو وهي … بتكبر في عين ريلها ويقدرها اكثر … وبعدين تقعد معه بهدوء اهم شي الهدوء وتصارحه بالي تعرفه في البدايه راح ينكر بس اذا كان معها دليل تجيبه وهني ما ممكن ينكر … وتقوله بهدوؤ انها ما توقعت هالشي منه لانه كبير بعينها واخلاقه ارفع من انه ينزل لهالمستوى وانها انصدمت ان زوجها الحبيب يخونها بهالسهوله ومع وحده من الشارع وانه جرحها جرح ما سهل تنساه وانه وانه وانه … اهم شي تخليه يستحي من نفسه وما يقدر يرفع عينه بعينها بس كلامها ابدا ابد ابد ابد ما يكون فيه تجريح او اهانه اواستخفاف فيه … لانها لو غلطت عليه صدقوني الطاوله بتنقلب عليها وبتخسر المعركه من اولها…. وبعدين تزعل عليه ولا تكلمه ابد ( مثلا 3 او 4 ايام) تحسسه انها مكسوره ومصدومه من الي سواه بس لا تقصر في واجباته بالعكس تكون احسن عن اول …
اذا هو فيه خير ويحبها راح يجي لها ويعتذر ويوعدها انه ما راح يكرر خيانته لها ( مع انه ممكن يكررها ) … هني تسامحه ولا تكبر االسالفه بس اهم شي تاخذ عليه ضمانات انه ما يكررها واذا عادها يسمحلها انها تروح لاهلها ( طبعا تهديد مو صح تسويها)…
عزيزتي … تاكدي انه 99% من الرجال الا خان او عرف على زوجته لو مره بحياته… يعني انتي لا اول ولا اخر وحده يخونها زوجها .. بس الذكيه فينا ما تهد بيتها وتشتت عيالها من اجل نزوه يمكن ما تتكرر حتى لو تكررت لازم الوحده فينا تحافظ على بيتها… طبعا درجة الخيانه تختلف من واحد لواحد … بس لو الوحده فينا من البدايه قدرت ترد زوجها لبيتها اكيد انه الخيانه ما راح تتطور اكثر من المكالمات … بعدين نصيحه مني ولمصلحتك ابد ما تدوري ورا ريلج وتفتشي تلفونه واغراضه …. اول شي ( حكمه قالتها وحده من الخوات الله يوفقها) انه مستحيل تكشفي ريلج اذا الله رايد يستر عليه وانه لو شو ما يسوي عشان ما ينكشف والله ناويه يفضحه بينفضح … تصدقي انا عرفت عن المكالمات بدون ما افتش وراه بالصدفه بس … غير انه ما بتكسبي شي من ورا ملاحقتك له الا الشك والمرض النفسي والوسواس ….
سمحولي عالتطويل بس ما حبيت اطلع وما افيدكم عن تجربتي … ان شاء الله حد استفاد لو شي بسيط منها…واي سؤال انا حاضره بس يا ريت عالخاص اخاف ما اشوف الموضوع … والله يعينكم ويخفف عليكم جرح الخيانه بس ما خاب من اتكل على الله