|
|
السلام عليكم … انا ملاحظه من فتره ظاهره انه ايي الشخص يخطب وبعدين يقول خل نملج وبعدين اعطيكم المهر على ما ازهب الفلوس على ما ووووووووووو !!!!
مادري شهالاوادم الحمدالله والشكر … بعد الاصول اصول والسنع معروف …
شلون تكتب عقد زواااااااااااااااااج وانت مو دافع مهر وتقول حق الملاج مهر وقدره —– !!!!!!!!!!! شنو اسمه هدا تزوير ولا نصب واحتيال … هذا زواج مو لعبه
شدعوه يعني ياي تتزوج ماعندك ولا فلس !!!! ع الاقل تسلف من اهلك اختج اخوج ربعك لو انبغى من البنك وعط خطيبتك مهرها واذا دبرت الفلوس ردهم حق اللي متسلف منهم … ليش هالحركات يعني وتفشلون نفسكم جدام اهل العروسه ..
لا تنسين ان في ناس تعتمد على الـ 4000 مالوت الحكومة لانها تساعد واااايد و يكملون عليها و ييبونه
تعتبينه عليه لو كشت و ماياب المهر إلا قبل العرس بشهر
بس اذا تأخر اسبوع ولا اثنين على مايكمل اوراق و ياخذ الـ 4000
وين المشكلة ؟؟!!
بعدين اذا الثقة معدومة من البداية و مو واثقين انه ييب المهر .. ليش تملجون اصلاً ..!!
اهو لو صاج ونيته صادقه جان دبر الفلوس من تحت الارض والناس اذا قالهم ابي الفلوس سلف حق زواج اكيد بيعطونه.
هذا شكله يبي يتزوج وبعدين لي خذا لفلوس ماراح يعطي العروس ولا فلس حمر.
غلطانه اللي ترضى ابهالشي.
|
المشاركة الأصلية كتبت بواسطة رماديه
 اختي فررررح هالشي يختلف بين البدو والحظر أقصد العادات تختلف لأن عند الحظر لازم اول شي إييبون الدزه واهي المهر قبل الملجه ابمده ( تقريبا شهر ) علشان العروس يمديها تشتري واتزهب حق الملجه تشتريلها بدلة الملجه وبدلات الطلعه لأنها من تملج بتطلع اهي وياه لييين إيي العرس.
|
قلتي اللي بقوله ……….وفعلا هذا المتعارف عليه
يعني يدز بالاول المهر بشيك بعدين الملجه ، والبعض يحدد الملجه والعرس بنفس اليوم ، والبعض يسافر بيوم الملجه ………عادي حسب اتفاق الاهل او الريال يتفق مع مرته …………مو شرط حسب الاصول محد يتقيد الحين
لا بعد الحين العرس مو علي العروس ، يتفقون الاسرتين علي تكاليفها مع بعض ………… والله اهم شئ سعادتهم
طبعا الثقه معدومه شخص ماعرفه ولايعرفني وبيتزوج ببلاش شكوووو؟؟
ومن وين بنت الاوادم تجهز من مخباتها
الملجه وبعدين المهر
انتوا غير عنا
والرسول عليه الصلاة والسلام قال ان الريال لازم يعطي المرة مهر ولو كان تمرة …؟ متخيلين شلون البساطة ليش احنا مسوينها مشكلة ترى البساطة حلوة وايد "ومن ترك شيء لله أبدله الله بشيء احسن منه" وما تدرين يمكن لما تقدرينه الله يرزقج ويرزقة وحلو الصبر بالعكس صراحة
اتمنى ما احد يزعل والله يا بنات انا مو قصدي اقلل من كلامكم بالعكس انا احترمكم كلكم بس ببيلكم من تواضع فقد تواضع لله والفلوس آخر شي
يعني اهلج ما يزوجونج الا واحد ثقه ويعرف الاصول وولد حموله مو نصاب من الشارع
في جم وحده معارضه وقالت عادي … واعتقد اهمه من البدو وهالشي يمكن عادي عندكم لانه البنيه ماتطلع مع الريال من اول شي … فلو لو لو فرضنا المعرس نصب ماراح تعطونه بنتكم .. فمايقدر يلعب بذيله … اما بنات الحضر من بعد الملجه يطلعون مع المعرس وتروح البيت وياه ولا تدخل داره بعد ..
اما لو بناتنا مايطلعون مع رياييلهم جان قلنا عادي في كل الاحوال احنا ع البر ..
وبعدين الحين لاتقولين ولد ناس ولد حموله سعرف السنع يعرف الاصول !!! ترا لا يغركم الظاهر ياما ناس يهبلووووووووون ومعروف عنهم الاخلاق والسنع وكل دوابيرهم من تحت لي تحت…
الحق حق .. صج الكل تقريبا يعتمد على 4000 الحكومه بس ماعتقد انه اللي ياي يخطب مايقدر يدبر فلوس المهر ولما يعطونه الحكومه يسدد اللي تسلفه .. السالفه مسأله وقت يعني مايقدر يطلب من احد او يكون ميمع من معاشه شوي مثلا شدعوه !!! ماعنده غير انه ينطر بنت الناس !!!!!!!!!!!! اصلا فشله بحقه ياي اتزوج وحتى مهر عروستي مو قادر ادبره !!!
بس من ماحية دينية ما اعتقد يجوز انة يكتب بالعقد مهر و قدرة و اهومو دافع!!!
يعني السالفة مايبيلها عالم, يعني هذا العقد من الممكن مايمشي جدام الملاج و الاهل و على الورق
بس هل يمشي على الله!!!
فيمكن مايعتبر زواج صحيح لانة في نصب و كذب
و بعدبن ليش العجلة!!!
ييب الفلوس و بعدين نملج
مو إلا يشوفني الخميس, و الاثنين مالجين!!!
الله يعينه عليج وعلى تفكيرج