خلونا نساعد عرايسنا بأحسن الاسواق للتجهيز

محلات لتجهيز الماكياج

جمعية مشرف فوق كل الماركات والعطورات وفيه محل بودي شوب خارج الجمعية
جمعية الشامية والشويخ فوق
ماكياج المنصور( عجيب كل شي موجود فيه يصلح اكثر شي للحمر وصبغ الاظافر وووكل شي) اعتقد انه في مجمع العربيد اذا مو غلطانه
سوق المباركيه في العاصمه الكويت سرداب خاص للمكياج بصراحه حلو وكل شي فيه
اذا تبين رخيص وحلو فيه لاند مارك في السالميه والشويخ
محل شارمل في مجمع الحمرا مول في الفروانيه وفي مجمع السندس في حولي
ماكياج المنصور اعتقد بالعربيد
عروس البحر

محلات قمصان نوم والبيجامات وملابس داخلية منها:
الايوب مجمع في حولي
محل لاسنزا في مجمع العثمان في حولي
نعومي بكويت ماجيك
الطاهر وانور بالنقره
ماركس اسبنسر ولاند مارك ودبنهامز
وفيه محل في جمعية الدعية في منطقة الدعيه يجنن اسمه بيكوكس يبيع بجامات وملابس داخليه وقمصان نوم واكسسوارات وبدل باسعار معقوله بعد حلو وااايد
قمصان النوم من المحاميد قمصانهم حلوة ب3 دنانير او دينارين ونص …
محل عجيب للبيجامات اسمه لونا بالسالميه
محل اكسفورد في مجمع المهلب في حولي ومحل القاسم ومحل وومن سيكرت كلهم بالمهلب
تلقين محلين بالحمراء مول(قميص الدخلة عندهم رهيب وسعره معقول خذيناه بـــ28 دينار أوف وايت وكشخة0)0وبجنبه محل يبيع قمصان بعد رهيب
ومحل الجوهره عندهم قمصان رهيبه وموديلات حلوه
الطاهر ومجمع الأيوب
والاسواق الشعبية في كل منطقة الفروانية والفحيحيل وخيطان

البدلات والتنانير:

النقره الشمالي والمهلب وريفا بالعربيد بلازا وزارا ومانجو قطع ذربة وراقية
السالميه القديمه شارع سالم المبارك
مجمع المهلب بحولي
مجمع النقره الشمالي والجنوبي
مجمع الحمراء مول والعربيد بلازا بالفروانيه
مجمع أجيال بالفحيحيل
مجمع كويت ماجيك
مارينا مول

ذهب ومجوهرت:
في المباركيه عماره مليانه محلات ذهب+محلات العربيد للذهب+لازوردي+زماني+محلات الذهب بكل منطقه بالكويت لكن المباركيه احسن شي

اسواق لملابس الشقة ( الجينزات والبوديات والتنانير القصيرة):

سنتر بوينت الشويخ والسالمية عجيب
والاسواق الشعبية لا تستهينون فيها عجيبة مثل خان الخليلي والموعد
ومجمع الدبوس بالفحيحيل
مجمع العدساني بحولي

محلات الجناط واالنعال

في السالمية ( مجمع منيرة وحوله مجموعة كبيرة من المحلاات)
سنتر بوينت
الحمراء مول والعربيد بلازا بالفراونيه
ومجمع منيرة بالسالمية وسوق شرق
وتقريبا كل مجمع فيه محل او محلين للجناط والنعال

محلات الاكسسوارات:
اسواق الاكسسوراات
مجمع الدبوس ( الفروانية)
سيتي سنتر ( السالمية)
سنتر بوينت
مجمع المهلب بحولي ومجمع الحمرا مول بالفروانيه في محل تحت اكسسواراته حلوه.وسرداب المكياج في سوق المباركيه في واحد يبييع اكسسوارات حلوه .
نوران
وتلقين بمحلات الهنود اللي بالاسواق الشعبيه .

السنفرات والكريمات :
وجوده في الجمعيات او الصيدليات او العطار وبعد في محل في منطقة الصالحيه جدام مجمع الصالحيه في سوق المتحده في نفس مجمع محل اولادنا
وسوق الموعد

الخامات والاقمشه :
سوق البلوكات او سوق الاقمشه بالعاصمه و سوق اسمه سوق دبي للخامات رخيص وحلو

العطور والبخور:
عبدالصمد القرشي لهم فرع بالمباركيه ولهم فرع بمجمع الكوت
والشركه العربيه للعود بالكوت بالفحيحيل.
ومحلات العطور بسوق السلاح عطونك اياه ار خص من كل المحلات
وبالعربيد بلازا او الحمراء مول فيه محل عطور وعود

يالله نشوف خبرتكم