|
|
السلام عليكم
رجعنا لكم من بعد الزواج ✌
قلنا نخلص من عوار الجهاز ونتزوج وتزوجنا وجينا بهمووم اكثر 😂😭😭
بنات انا عندي 4 محاور اساسيه>>والله متعوب على هالجمله 😂
واوله موضوع حساس حيل
وامانه انا ماكتبت هالكلام الا اني صج متضرره منها
والله اكتب الكلام وامسحه
انا ما احس مع زوجي باي شي
واذا بديت احس ودخلت جو الا هو مخلص !! فهمتوا علي
انا بالضبط صارلي 10 شهور من تزوجت
وهو الحمدالله زين معاي
بس انا تعبت صح ببداية العرس كنت اسوء من جذي مافي ابدا اي ردة فعل وهو بعد اسووووء بواجد بس الحين اشوا بس مع ذلك ولا مره وصلت لشهوتي
وساعات مايجيني الا يوم بالاسبوع او يوم وترك
ونادر مايجيني مرتين بالفراش واذا جاني المره الثانيه ناااااادر ماينجح ! فهمتوا علي يقعد ربع ساعه واخرتها يتعب
ويروح تخيلوا !!
وهو من بدايه العرس يعرق ويلهث ويشتكي ظهره وعوار ودقات قلبه هل هذا طبيعي ولا لا
ومشكلتي اني استحي حيل وهو يستحي بزوووووووود مني
شلون اوصل له انه ماوصلت لشهوتي ولا مره وهل يمكن ياخذ فكره مو زينه عني او اجرحه ! وشلون اقوله يطول بالمداعبات بطريقة ماتحرجني لاني مثل ماقلت استحي حيل
احس اكثر من شغله بكتبها من كثر ما انا كااابته وساكته ومدري انا فيني الخلل ولا هو !!
وثانيا وزياده على هذا اذا ماتكلمت معاه هو مستحييييل يكلمني !!
مافمتوا علي
اوك يدخل البيت ماتكلمت او توني قاعده وما تكلمت معاه عااادي نقعد طوول اليوم طرمان
ومره قالي سولفي انتي وتكلمتي انا استحي ! صرت ابادر واذا سكت يرجع لطبعه
مره قلت بسكت هالاسبوع اللهم الكلمات العاديه تبي شي محتاج شي وجذي تخيلوا اسبوع لا جاني بالفراش ولا كلمني
جنني بهالطبع
وثالثا في شغله محيرتني وسببت لي مشكله الصراحه الحين دايم البس واكشخ مكياج وحركات بس سبحان الله ماعمره جااني وانا كاشخه
صرت ما احس بانوثتي لا البس قمصان نوم ولا شي انام ببيجامه واحيان ليقنقز وتي شيرت بعد ! وانا توني
انا صرت اشتهي وانا بنت وصرت اتعمد اسوي حركات مغريه والبس شغلات تغري ومره ساتر شوي يعني موطبيعي مايقرب مني !! وينام وانا كاشخه له وانا طيب صارت عندي الرغبه بالجماع اكثر منه !
وطار معاشي كل على هالقمصان اقول يمكن ستايلي مايعجبه وهم بعد مافاد
ورابعا زودن على هذا وذاك ابيه يصرف علي صح انا موظفه ومو عن ب اكسر طهره وجذي لا والله بس زوجي معاشه قوي وللحين ماعندنا عيال ولا خدامه وساكنين ببيت اهله بس اللي عليه اغراض الجمعيه واوقات اشتري جم شغله للبيت بس هومسؤول عني وقبل صارت بينا مشاكل بداية الزواج كان من بينها الفلوس وانا سكت عالموضوع بس الحين ابيه يصرف علي عالاقل احس عندي رجال لي احتجت شي مايقصر علي
شلون اقوله يمشي لي فلوس كل شهر
اماااانه اللي عندها حل تعطيني وربي انا الحمدالله بنت متدينه ولله الحمد واخاف ربي بس هالشغلات تاعبتني
وادعولي تكون ولكم ان شااء الله بالمثل
الرياجيل مو واحد تقولين يلهث ويتعب ومايقدر اكثر من مره يمكن مريض
موضوع الصرف اتضح لي كل الرياجيل مايصرفون عنده فلوس ولا ماعنده فلوس بس يبي يعود مرته تصرف من معاشها انتي لا تبينين هالشي يزعجج بيني له فلوسج وفلوسه واحد وسالفة يعطيج معاش شوي صعبه بس انتي بطريقتج خليه يدفع عنج وكل التزاماتكم ومصاريفكم اذا هو يدفعها كافي خير وبركة
عمره 28 ومدخن والله احسه فيه شي بس مايبين لي ماادري ��
زوجج الظاهر والله اعلم يمارس العاده …. لان وضعج غريب صراحه ومو طبيعي
حاولي تشوفين تلفونه شعنده ما عنده
وحسيت من كلامج نفسيته خايسه بس غلط انج تجارينه باسلوب يعني يوم شفتيه ساكت المفروض ما تسكتين و تسوين نفس حركاته
لا بالعكس غيريه انتي والله بيدج تغيرين اطباعه
اذا دش عليج وما تكلم انتي كلميه سولفي معاه مو تعباتبينه ، سوالف عاديه
و طلبي منه فلوس قولي ناقصني و محتاجه ما اتوقع بيبخل عليج
مشكلتكم ما تصارحون بعض وساكتين
وكلميه بموضوع النومه و فتحي له قلبج لا تستحين
يمكن يكون عنده كلام او شايف اشياء و ساكت مو عارف يعبر
عوديه ع الكلام و المصارحه
وانشالله مشكلتج بسيطه و حلها سهل بس يبيلها شوي صبر
الله يفرج همج و يهدي زوجج
انا شاكه بجذي بعد بس كان ببدايه زواجي الحين ما اتوقع
وبالنسبه لتلفونه مالقيت فيه شي وهو حبوب والله وطيب معاي ومو نفسيه بس من الحيا الزايد
وزايده بعد انا طلعت حياويه بس والله قاعده احاول والل يشهد علي وبالنسبه لموضوع الفراش والله ماني قادر اصارحه او اقوله شلون لساني ينربط
وجزاج الله خير��
اقولج شي على انه عيب بس في يوم بدلي الادوار انتي اكليه اكل خليه منسدح ولعبي فيه لعب حاولي تثيرينه تعرفين شنو اهو يحب
واذا تبين تطولين المداعبه قوليله ماشبعت منك مابيك تخلص ليما اقولك ونخلص مع بعض لازم الصراحة بهالامور
انا اول مره اتكلم بهالاسلوب احس جريء بس اضطريت وعلى اسلوبه حاولي تسحبين منه حجي تخلينه يسولف لج عن يومه وجذي ليمن ياخذ عليج
وعن اللبس قوليله شنو اكثر شي يعجبك شنو الستايل اللي تحب تشوفه علي
لاااااااازم تعودينه عللمصارحة اريح لج عوديه مايكتم مشاعره عنج
ارد واقول والله استحي انا قايله لكم ابي ابين له بطريقه تخليني ما انحرج واتوتر اذا كلام معين اوك اقدر احفظه واقوله لاني والله استحي
حاولت وبدلت الادوار وقعدت اسوي له مسااااج بس حتى ماجاني مايقدر ! اذا فهموتي علي
واذا عالسوالف انا صرت اعرف ادا تكلمت تكلم واذا سكت سكت حتى خواته يقولون مايسولف هو يسولف عندج ! وانا من كسرة خاطري اقوول اي الله يخليه لي انا ابادر بالسوالف والحركات بس لي متى
لبسي كله مايشوفه ليقنقز تتانير شورتات فساتين قصيره وطويله الا اذا كانت بجايم منهريه ورايحه فيها اوك هني لعبته !
يعني الحمدالله انا قدرت اقوله عن شغله ما احبها امس ومدري شلون طلعت منى
لان وربي اللي يشوفي يقول هذي مستمتعه عالاخر وانا ما ابدي اصير متبلده معاه لاني ما احس بشي ولا ابي اجرحه
مَش شرط الرغبة تكون متساويه عند كل الريآييل
والريال لو ماله خاطر لو تمشين مفصخه مآقرب صوبج
وبالنسبه للسوآلف انتي كوني ع طبيعتج وبس
هو طبعه هذآ دام انه زين وحبوب بس
والمصرف لو اضطريتي تتنازلين عن وظيفتج تنازلي
اهم شي لا تتنازلين عن مصروفج
جمله حفظتها من قبل ما آتزوج الريال لو ماصرف عليج بيدور غيرج يصرف عليهآ
والله ييسر لج عزيزتي
طمنتيني شوي اللهم لك الحمد
طيب بالنسبه للمصرف انا اخليه يشتري جذي وجذي واطلبه بس ماعمري خذيت منه واستحي وهو والله مو بخيل بس حتى يستحي تخيلي اذا رحنا السوق انا اطالعه بس وهو يطالعني والله
وذيك المره قال بنروح السوق اشتري لج بلوفرات وجذي
يوم وصلنا للسوف وجيهنا طقت طمااااطه
ولازم اخذ باليد ولا عادي
وحاولي توكلينه جرجير وسوالف تزيد رغبته وانا اشوف انه كسري حاجز الحيا وتحجي باللي بخاطرج ماعليه شوي شوي راح يتغير
المشكله عاده الريآل لازم يبادر ويساعدج بكسر حآجز الخجل
بس يلآ ماعليه عوديه انتي اطلبيها صريحه محتايه فلوس !
مَش صعبه .. واي شي تسوينه سواء ع الجانب العاطفي ولا بحياتكم بشكل عام
تكلمي بثقه وعااادي ولا تبينين خجلج ابدآ تدريجيآ راح تنفج عقده الخجل عندكم
الله يسهل لج غنآتي
وادعولي عفيه