|
|
السلام عليكم والرحمه ,,
شحالكم بنات ؟ ان شاء الله بخير وسهاله
يسعدلي مسآآآكون ~ صباحكون كليآتكون .gif "Eh S(22)")
اليوم حبيت انزل بعض المعلومات والنصايح ورآح تفيد المقبلين على الزواج والمالجات
اممم انا ملجت شهر 6 الحمدالله والعرس ب شهر 8 > قصه حياتها
~
البنت اول ماتنخطب سيييده تسير وتتثقف بأمور الزواج سواء عن طريق صديقتها
او النت والمنتديات ونادرا ما الام .. المهم يعني بعض البنات وانا كنت منهم اول مانخطبت
حطيت فبالي اني لازم اتخلى عن اغلب عاداتي وان اخلي ريلي شغلي الشاغل !!
الاهتمام حلو ماقلنا شي بس مب بدرجه الاوفر لان يصير ممل !! وكئيب
وممكن الشي ينقلب ضدج ! على الرغم من طيبج ونيتج الصافيه
الحمدالله رجعت لصوابي وقلت غلط واكبر غلط البنت تتخلى عن عاداتها (قبل الزواج) بس لانها اتزوجت
لازم تتمسك بشخصيتها ورايها وتفرض كيانها ,, ولكن اكيد في تنازل بعض المرات ..
يعني في بعض البنات اذا تزاعلت مع ريلها وصارت مشكله بينهم تقلب حزن ومأساه وكئابه ومرض
ليييش كل هاذا ؟ المفروض البنت تكون قويه وبدال ما تضيع وقتها فالصياح والكئابه
تدور حل للمشكله !! لان كل هاذي الدراما ماراح اتفيدها . .
والبعض الاخر يقعد يترجا الزوج في طلب المسامحه وشوي واتحب ريوله .gif "Eh S(1)")
عفوا عزيزتي
اقولج انتي غلطانه لان بنظرج راح تكسرين الخاطر لكن بنظره هو تذلين نفسسج !
– لاتكبرين المشاكل ولا تصغرينها عطي كل مشكله حجمها !
ياحبيبتي ياقلبي انتي حبي نفسسج ! خلج نمبر ون 1 بكل شي وبعدين زوجج
انا اذا كشخت راح اكشخ لنفسي !
واذا سويت رجيم ف راح اضعف لنفسي وعشان البس اللي اباه وبعدين حق زوجي !
اذا رقصصت فانا اونس عمريي
واذا اهتميت بزوجي فانا احبه واعشقه واكسسب الاجر
بس هاذا مو معناته اني راح اصير انانيه و ماراح اعطيه ويه لا حبيبتي انتبهي !!
لازم تسوين واجبتج الزوجيه على أكمل وجه واهم شي النيه الطيبه والرضى
لازم ماتقصرين على ريلج حبيبج بو عيالج ! عشان ماتسمحين له بيوم يعايرج او يقولج انتي مقصصره
واهم شي حسسيه ان ريال كفو ونعم الريايل امدحيه بحدود عشان لايكبر راسه ههه وخليه يكون معاج
اذا رحتي الجمعيه او سرتي العياده لازم يتحمل المسؤوليه ومايقط كل شي عليج
ولازم يحسسبلج الف حساب ويعرف ان ممكن بيوم يخسسرج لا سمح الله !
وايضا من الاهم الاشياء انه يصررف عليج ! حتى لو كان عندج معآش لازم لازم لازم لو بجزء بسيط
حياتنا عمرها ماراح توقف على انسان لو منو ماكان هاذا الانسان
لازم الانسان يتعلم انه يتابع وبدون مايتكل على شخص ثآني ممكن يذله بيوم من الايام
الزوج يحب حرمته تكون غامضضه (مب معناته ماتشاركه حياتها)
يعني باختصار ماتخلي حياتها كتاب مفتوح
سوي اشيا مايتوقعها ريلج مثل (الرقصص) أو غيري كلامج خلي كلامج مثثير او جريئ
غيري استايلج لبسج ديكور غرفتج ..
صيري جريئه اذا كنتي حياويه ( بس بحدود ) والعكس تماما !!
الابتسامه والكلمه الطيبه والسوالف الحلوه والضحك من اهم الاشياء
واتمنى ان موضوعي افادكم ولو بالقليل .gif "Eh S(8)")
.gif "Eh S(17)")
وصرخ على جدام ربعه لين كلمة امه وقالت حق اخو واهو يخاف من اخوه وقال ان كلمت لبنيه وقاعد تهددها او تمد ايدك انا بنفسي
باخذها مخفر وتشتكي عليك لان صج ريلي مو كفوو سوري طلعت من باب موضوع بس هذا لي صار معاي
سويت كل له ولا بين بعينه
|
المشاركة الأصلية كتبت بواسطة loloki
 سويت الي قلتي عنه من فتره بس عينه مايترسها الا لتراب حسبي الله ونعم الوكيل حاط ربعه اول اهتمامه
وصرخ على جدام ربعه لين كلمة امه وقالت حق اخو واهو يخاف من اخوه وقال ان كلمت لبنيه وقاعد تهددها او تمد ايدك انا بنفسي باخذها مخفر وتشتكي عليك لان صج ريلي مو كفوو سوري طلعت من باب موضوع بس هذا لي صار معاي سويت كل له ولا بين بعينه |
لا حول ولا قوة الا بالله
واهلج شنو موقفهم ؟
لازم يحترمج
مشكورة حبيبتي صاحبة الموضوع
اللهم صل وسلم ع سيدنا محمد
|
المشاركة الأصلية كتبت بواسطة perfúme
لا حول ولا قوة الا بالله
واهلج شنو موقفهم ؟ لازم يحترمج مشكورة حبيبتي صاحبة الموضوع |
اهم اذادخلو بحياتي اعفسوها ف انا ما ا
خلهم لان انقرصت منهم
Loloki
امبيه شكو يصارخ عليج جدام ربعه !! سوري بس ريلج مريض ؟
لازم يكون في حل ..!!
الله يوفقكم ويخليكم لبعض
يعطيك العافيه حبيبتي ماقصرتي