|
|
مرحبا يالغوالي
مادري اذا كانت هذي مشكله تستحق الطرح لكني اشوفها مشكله وابي لها حل
انا من ملجت لي حوالي 3 شهور
واكلم خطيبي تلفون .. دائما يحسسني اني مو رومانسيه واني مقصره معاها في كلمات الغزل
وانا استــــــــــحي انا من النوع الخجول وايد
ماعرف شقول له اقول له كلام الحب المعروف شيبي بعد !!
يقول لي انا بسكت وباخذ دور المستمع وقولي لي الي بقلبج انا ماعرف استحي وماعرف شقول وهو يزعل مني
انا احسها مشكلة متعبتني شقول له
وش الكلام الرومانسي كيف اتعلب على خجلي
ابي اكسب خطيبي
ممكن مساعده واراء ؟
وهذا حال اغلب البنات الخجل صفة حلوة في البنت
ويزيدها حلااااااوة لاجت خجولة
حبيبتي اهو خطيبج بس والا ملج عليج يعني بالشرع زوجج
اذا خطيبج انصحج تظلين على خجلج اما اذا املج عليج يعني زوجج حاولي
تخففين من خجلج شوي شوي لحد ماتتعودين عليه تلقين الرومنسية تطلع بمناسبة وبدون مناسبة
وعسى الله يوفقج حبيبتي
قولي وبدعي بعد خليه ينصدم
بس هااااااااااااااااااااااه ديروو باااالكم تتعدوون الخط الاحمر
مااعرف شقولج تقولين عاد انتي بدعي الله يهديج
بس كلمة استحي اهو يفهم انج خجووله وماتقدرين تقولين كلام حلوو
انا عندي فكرة حلوة بما انج خجولة و ما تحسين الكلام يطلع منج تلقائي
اكتبي خاطرة مو قصيرة ولا طويلة لأ متوسطة و خبريه انج كتبتي له خاطرة عن إحساسج و كوني انتي المبادرة فيها يعني ما تنطرين لما يسألج اهو
و بعدين القيها بصوت هاديء و بنعومه و بإحساس قوي وديري بالج تمشين مع الخجل لأن عمره ما ينفع بهالمواقف
خصوصاً ايام الخطوبة لا تضيعينها في خجل و بنفس الوقت لا تصيرين جريئة حيييل
اذا تبين أي مساعدة من هالناحية – او حتى بكتابة الخاطرة مثلا اعطيج رايي فيها بشكل أدبي(بمشاعرج وكلامج انتي طبعا) راسليني عالخاص
اييييه وفي شي ثاني بعد اقري خواطر و اشعار عشان يكون عندج موسوعة غزلية كلامية واسعة و تتآلفين مع كلام الحب بشكل أكبر..
و ممكن بعد تكتبين بعض الكلمات و الجمل ع ورقة – افكارج عن وجوده بحياتج -الشعور اللي يبعثه خطيبج في نفسج – احساسج بالعشق ناحيته و بالأمان و السعادة و دخلي هالجمل بمكالماتكم
الرجل الرومانسي الحساس لما يحب يعبر و يسمع كلام من شريكة حياته لازم البنت تتواصل معاه و تغذي عواطفه عشان ما يحس إن خجلها حاجز بينهم ويشعر بالإحباط بعدين
الرجل ما يبي الكلام بعدين لما تتعود عليه و يصير الشي تحصيل حاصل ويجيه الكلام و هي معاه في البيت او زواجهم قريب
ضروري الكلام والتعبير بذروة علاقتهم بالبداية لما ما يكونون عايشين مع بعض بوجود الشوق مع الاحتفاظ ببعض الخجل بس طبعاً ما يكون كل الكلام انحكى و انعاد و تطييح كل الحواجز مرة وحدة
لأ شوي شوي بس التعبير مطلووب
اكيد قايلين حق خطيبج عن تجاربهم بهالمرحله فهو بخاطره يحس بالشي نفسه
وطريقه سما حلوه
مع الايام مل قام كله يسألني يقولي تحبيني اقوله اي يقولي اي شنو اقوله اي احبك مااقدرر ياربي مع الاياام تجرأت وصار عاادي خصوصا بالزواج
الحين صار العكس انا اقوله تحبني يقولي ايي اقوله اي شنوووووووووووووووووو اففففففففففففففففففف خووووووو كمممممممممممل
استغلي هالمرحله ترى باجر تتحسفيييين
قوليله كلام الحب والغزل مو الحين
خاشته لك حق عقب الزواج
والله راح اشبعك منه
واخليك تقولي تكفيييييييييين كلميني جد
لووووووووووووول
موفقة حبيبتي والله يهنيكم
اذاانتي تستحين تقولين اكتبي له بالمسجآت مثل :,
حبيبي_عمري_حيآتي _قلبي_دنيتي_
عآد انتي وابدآعآتك
موفقه
|
المشاركة الأصلية كتبت بواسطة الكويت غالية
 حبيبتي انا ما اشوف فيها مشكلة بالعكس طبيعية
وهذا حال اغلب البنات الخجل صفة حلوة في البنت ويزيدها حلااااااوة لاجت خجولة حبيبتي اهو خطيبج بس والا ملج عليج يعني بالشرع زوجج اذا خطيبج انصحج تظلين على خجلج اما اذا املج عليج يعني زوجج حاولي تخففين من خجلج شوي شوي لحد ماتتعودين عليه تلقين الرومنسية تطلع بمناسبة وبدون مناسبة وعسى الله يوفقج حبيبتي |
هلا الغلا اي هو خطيبي صارت ملجه يعني زوجي
وان شاء الله بحاول اتشجع بكلامي معاه
ويسلمو على الدعوه..
|
المشاركة الأصلية كتبت بواسطة رفيف الحزن
وييييييييييييه عااااااااااااااااااااااادي
قولي وبدعي بعد خليه ينصدم بس هااااااااااااااااااااااه ديروو باااالكم تتعدوون الخط الاحمر |
انا خلني اتجرا واغازل شلون اتعدى الخط الاحمر بعد
فديتج نورتي بمرورك
|
المشاركة الأصلية كتبت بواسطة gourges
ممممممممم مااادري والله .. احس لوو تحاولين تتغلبين على خلج شووي بس راحح يشتاق حق كلامج اكثر وينطر اليوم الي تكونين فيه معاه ..
مااعرف شقولج تقولين عاد انتي بدعي الله يهديج |
ان شاء الله احاول اتغلب على هالخجل وشكرا لمرورك
|
المشاركة الأصلية كتبت بواسطة @ام ضاري@
عادي حبيبتي قولي خل اتعود عليك اكثرر واحبك لان للحين استحي
بس كلمة استحي اهو يفهم انج خجووله وماتقدرين تقولين كلام حلوو |
مايفهم ولاشي يزعل علي ويقول انتي ماتحسسيني باهتمامك وماتقولين كلام حلو
مع اني اقول بس مادري شيبيني اقول ازيد
|
المشاركة الأصلية كتبت بواسطة سماء الحسين
سلام
انا عندي فكرة حلوة بما انج خجولة و ما تحسين الكلام يطلع منج تلقائي اكتبي خاطرة مو قصيرة ولا طويلة لأ متوسطة و خبريه انج كتبتي له خاطرة عن إحساسج و كوني انتي المبادرة فيها يعني ما تنطرين لما يسألج اهو و بعدين القيها بصوت هاديء و بنعومه و بإحساس قوي وديري بالج تمشين مع الخجل لأن عمره ما ينفع بهالمواقف خصوصاً ايام الخطوبة لا تضيعينها في خجل و بنفس الوقت لا تصيرين جريئة حيييل اذا تبين أي مساعدة من هالناحية – او حتى بكتابة الخاطرة مثلا اعطيج رايي فيها بشكل أدبي(بمشاعرج وكلامج انتي طبعا) راسليني عالخاص اييييه وفي شي ثاني بعد اقري خواطر و اشعار عشان يكون عندج موسوعة غزلية كلامية واسعة و تتآلفين مع كلام الحب بشكل أكبر.. و ممكن بعد تكتبين بعض الكلمات و الجمل ع ورقة – افكارج عن وجوده بحياتج -الشعور اللي يبعثه خطيبج في نفسج – احساسج بالعشق ناحيته و بالأمان و السعادة و دخلي هالجمل بمكالماتكم الرجل الرومانسي الحساس لما يحب يعبر و يسمع كلام من شريكة حياته لازم البنت تتواصل معاه و تغذي عواطفه عشان ما يحس إن خجلها حاجز بينهم ويشعر بالإحباط بعدين |
هلا الغالية سماء الحسين
والله اني مو مقصره معاه من هالناحيه
صج انا ماكتب خواطر واشعار وكذا ماعندي ميول ادبي كلش
بس ادز له مسجات كلها رومانسيه تبين له شكتر هو غالي حيل علي
وان وجوده غير حياتي للافضل وووو الخ
لكن مشكلته مايبي بالرسايل يبي بالكلام لا وبعد يقول انا اسكت وانتي قولي لي كلام حلو
قلت له كل الكلام الحلو الي اعرفه شسوي خووو انا مو شاااااااااااعره منين اجيب كلام وغزليات
شعوري وقلته له حبي ووصفته له وهو كله يزعل يقول ماحسسه بحبي!!
احترت معاه
وايد مشكوره اختي على ردك
|
المشاركة الأصلية كتبت بواسطة no0o0nah
السلام عليكم ,,
اذاانتي تستحين تقولين اكتبي له بالمسجآت مثل :, حبيبي_عمري_حيآتي _قلبي_دنيتي_ عآد انتي وابدآعآتك موفقه |
عليكم السلام الغلا
والله استحي موت واذا جيت بقول كلام حلو بالتلفون اتلعثم وماعرف اركب الجمل من الفشله اتخربط
وبالمسجات مو مقصره معاه
ربي يوفقج
شكرا لكل الي ردووو على موضوعي
ادعو لي بالتوفيق..