خــالد الصبيــح

قوة بنات شلونكم ؟

منو جربت سوت خشمها عند خالد الصبيح … و شلون النتيجه ؟؟؟

و منو سوت اكثر من عمليه ؟؟

و بجم اوصلت عملياته ؟؟؟

انا حست وايد مادري وين احط الموضوع …
بس
بليز المشررفات … خلوو موضوعي اهني بهالقسم ….

وشكرا حق اللي بتجاوب ..

مااااااااكو ولا رد ؟؟ !!

أمـــــــــانه بالله ما شفت شغله بعيني
بس رفيجت أختي إمسويه عنده واهي كان عندها عظمه بارزه وشالها وضبط لها الشكل بعد
وعلى كلامها تمدح شغله وحدها مكيفه من النتيجه
وكلفتها العملية 1500
أتمنى اكون فدتج وإنشالله البنات بعد يفيدونج ما يقصرون

والله مادري ناس يمدحونه وناس يذمونه انا اختي ودها تسوي خشمها محتاره بينه وبين عبدالمحسن جعفر والله يكتبلج ويكتب لها الدكتور الزين اللي يبرد جبدكم وموفقين

السلام عليكم اختي فاطمة انا رفيجتي سوت عنده بس اهي قبل كل شي سالت عنه كاستشاري انف واذن وحنجرة لانه راح يسوي لها عملية بخشمها ولازم يكون مجرى التنفس والفتحات والحاجز الانفي والجيوب الانفيه تمام لانها اسمعت وايد عن دكاترة تجميل يسون الخشم مضبوط والتنفس الله يستر عليه وراحت وشافت د.خالد الصبيح وصورها بالاستديو اللي عنده وحط لها صور خشمها اشلون راح يطلع شكل خشمها قبل وبعد العملية واسوت اشعه مقطعية للتاكد من سلامة الجيوب والحاجز الانفي وقال لها انه شكل الخشم اللي بالصور راح يكون مثل الطبيعي بنسبة 80% واتفقة مع الدكتور على السعر والموعد وكل شي وسوت العملية والحمدالله طالع خشمها حده ينن وايد طبيعي والتتنفس والحاجز تمام مشالله شغلة وايد حلوة ونظيف

الدكتور خالد الصبيح شهادتي فيه مجروحه بصراحه كل عايلتنا تتعامل معاه من ناحيه العلاج خصوصا اغلبنا عنده انسداد وماشكل بالتنفس
وفي من اهلي من سوا عنده تجميل والنتايج روعه
انترظوني باذن الله اخذ الاذن من صاحبه الموضوع وانشر لكم صورة خشمها قبل وبعد
انا بالنسبه لي بسوي خشمي عنده بس انتظر اجازة نص السنه يقولون العمليات بالشتا احسن من الصيف

انا بتكلم كلمة حق عن الدكتور خالد الصبيح بصراحه رائع وأكثر من رائع يدرس اي شخص يبي يسوي عملية تجميل نفسيا قبل لا يبدأ بالعمليه ويقنعه بشي اللي يناسبه ومحترم وذووووووووووووووووووق وأخلاق
وترى سوت معاه لقاء حصه اللوغاني في بنات وبس والله انه روووووووووووووووووووووعه جد يستاهل ان الواحد يحط خشمه عنده بأمان ولا يخاف

السلام عليكم
الصراحة انا ما سويت عنده بس اخت رفيجتي سوت عنده ومدحته و خشمها طلع مضبوط , اهي راحت له استشارة اول شي بعدين صور خشمها ترا عنده استديو داخل العيادة ووراها شلون راح يعدل في خشمها , الصراحة خشمها صار احسن من قبل انا شفته , روحي استشارة وشوفي وان شاء الله خير

وليييه بلشنا

ما جربته صراحه انشالله يفيدونج البنات

ماجربته والله ولا شفت احد من اللي مسوين عنده .. بس ماحبيت اطلع بدون رد

وعندي تعليق على اصحاب المشاركات اليتيمه لول اتقو الله تكفون

رفيجتي مسوية خشمها عندة بس الصراحة ماشفتها من عقب ماسوتة بس كلمتها تقول خشمها زين بس مو نفس الي تبيه

بصراحه انا سويت عمليتي عنده والحمدلله طلع خشمي حده عجيييب وبعدها اختي حتى خشم اختي حلو وطبيعي