|
|
السلام عليكم بنات
بدش بالموضع على طول
خطيبي مغتر بنفسه عشان شكله .gif "Eh S(13)")
اهو صج وسيم مااقول لا بس شايف حاله وايد وواثق من ذوقه مع اني مااحس ان عنده ذوق
حتى ليمن خطب ماقال ابي وحده بمواصفات جديه وجديه , قال اخطبولي وبس مايهمني قدي اواكبر مني اوجيكر ماهمه شي
مع ان شباب هالايام همهم بس الجمال فوق كل شي
هالشي زين منه بس مدري حسيته بعد الموقف اللي بدكره انه يبي ياخد وحده اقل منه جمال ويفكر نفسه اهو التوب
مع ان الحمدلله موناقصني شي الكل يقولي قمر وتقدمولي ناس واااااااااايد بس حظي الاقشر خديته مالت علي
ماعلينا .. نجي للمهم
انا منقبه والبس عباه
اول ماانخطبت كان يوديني مطعم واللي يشتغلون فيه بنات وشباب وانا اتضايق حيل لان البنات هناك احسهم قليلات ادب مبرجين ومايعات وصرت ماحب اروحه هالمطعم . وقلت له هالمطعم مابي اجيه مره ثانيه
قام يضحك يقولي تغارين . قلتله اشدعوه اغار بس ماحب اشوف بنات يشتغلون في مطاعم , خو قلو الشغلات للبنات عشان يجون اهنيه وحتى لوكان فيه رزق لهم بس كفايه منظرهم اعوذ بالله
واذا رحت معاه السوق احسه يستانس لما بنيه تطالع فيه احس جديه , بس مايقولي طبعا بالعقل يعني راح يقول 
بس اتدكر مره رايحه المول واول مادخلنا المحل جان البنت الكاشير اللي هناك طالعت فيه بالغلط وانا طالعت فيهم اثنينهم حسيته استانسسسسسسسس يبان على ويهه وقام يقلب ويحوس في الهدوم واهو في باله يقول ياارض اشتدي ماعليكي ادي يفكر البنت منعجبه فيه مالت
مع ان البنت بس طالعت فيه جديه بالغلط وبعدين على طول شالت عينها منه بس لانها اتطالع في الباب واحنا دشينا
واحسه يحب البنات تناظر فيه
ودايم يقولي رحت امس المستشفى جان بنت تطالع فيني ومسطله مدري اشفيها هالهبله وطبعا يقولها واهو مستانس
مو مره ولامرتين ولاعشر دايم يفتخر ويقول فيه بنات قليللات ادب قاعدين يطالعون فيني ماشالو عيونهم مني
والبارح تأكدت لما رحت معاه نفس المطعم اللي يشتغلون فيه البنات ,انا قلتله مابي اروح بس اهو حلفلي وقالي ان البنات انطردو من المحل لان طلع عليهم كلام وهالكلام سمعته بعد من رفيجاتي وخواتي عشان جديه رحت معاه والظليمه شينه اهو صج مايدري انه فيه بنات .. طبعا راح تقولولي اشمعنى قالج نروح هالمطعم .. بقولكم عشان اسعاره رخيصه ههههههههههههههه
اول ماوصلنا مااشوف الا بنات في ويهي في الرسبشن انصدمت .gif "Eh S(1)")
قلتله مو انت قلت انهم طردوهم وحتى رفيجاتي وخواتي قالول انطردو ايش ردهم مره ثانيه
قالي غريبه والله بس هديلين لبسهم محتشم وماهم متبرجات يبين عليهم جاين عشان رزقهم موعشان قله ادب
بعدين بلعتها وسكت
وبعدها جلسنا عالطاوله وبعدها ياتنا(وحده من البنات اللي تشتغل ) واهي توزع ابتسامات وتقول اشتبو تاكلون
انا ماانكر ان البنات اللي هناك شفتهم محتشمات وحتى عيونهم ماتطالع في عيون الشباب بس دي البنت قهرتني
لا وريلي يعطيها المنيو وحسيته مستانس ويقولها مشكوره .gif "Eh S(4)")
وبعد ماطلعت بفتره واحنا نسولف الا هو يقول اللــــــــــــــه قالها واهو مستانس , يعني الحين عادي نجي هالمطعم صح؟ لان البنات المايعات انطرودو وهديلين يبين عليهم بنات ناس
واااي بط جبدي
مع اني عارفته دين ومحترم بس مدري اشفيه احسه مدري كيف حتى اذا رحنا السوق يقعد يطالع في البنات ويتكلم عليهم يقولي شوفي دي شنو لابسه وشوفي دي تضحك جنها جليله ادب
حتى اقوله ليش تطالع في البنات اشدخلك انت فيهم ربي يحاسبهم وحتى اقوله بغمشره عشان لايزعل اقوله عيب تطالع في البنات
يقولي عيل لاتخليني اجي معاج السوق اذا ماتبيني اطالع لانه اشكالهم غلط عشان جديه طالعت وعلقت
طبعا يبي الفكه عشان لايوديني السوق حريمتــــــــــــــــــــه
اهو صج مايطالعهم عن اعجاب بس يخز فيهم وافشتل ايش راح يقولون ؟معاه زوجته واهو يطالع حتى لوماابتسم معاهم بس عيييييييب هالشي واحسه يطالعهم عشان يطالعون فيه ويستانس
اقولكم ماخد في نفسه مقلب مااااااااااااالت بس مالت
ومن بعدها قلت انا مستحيل مستحيل اطب معاه هداك المطعم
والله لوتشوفونه واهو مستانس ودي اعطيه كف على ويهه طاح من عيني واهو يقولي البنات محترمات ومامحترمات
شسوي الحين؟
انا مستحيل اشك فيه انه ابو بنات لان اخواني واولاد خالتي دوم اهو وياهم وعارفينه حيييييييييييييييييييييييل انه دين وغير عن باقي الشباب
بس مستغربه منه حيل وماني عارفه هل انا ابالغ في تصرفي والا ايش
ايش رايكم شسوي؟طبعا روحه المطعم اللي فيه بنات احط عليه اكس صح؟
وفرحان بعمره كل يوم ولاصور مفكر نفسه مهند على غفله ومكبر صورته قد طول الباب مغتر بنفسه وع مالت
ايش فايده الواحد اذا كان حلو واهو ملابسه خمه تفشل ,واحسه اناني حييييييييل
لومانا اللي اشتريله ملابس حلوه واغصبه يلبسها
وانا معروفه عند الكل بأناقتي وكشختي والبسله واتعدل له واهو ولاجنه يشوف ودايم يقولي ليش تفكريني غريب وتكشخين لي ,.لبسي بيجامه اريح لج
واهو اذا لبس شي يديد يقولي احم احم مومنتبه لشي اليوم؟ يعني يبيني اقوله انت كاشخ اليوم واهو عمره ماقالها لي
حريمته اقوله مالت عليه
و دايم يقول فلوس ماعندي وعارفه ان راتبه على قده ويحاول قد مايقدر مايقصر وياي
ويقولي ماعندنا فلوس عشان نشتري غساله بس ان شالله حد من اهلي يساعدونا كلامه ده
والبارح شايفين استيريو كبير ويش قده بمدري جم الا هو يقول بشتريه حق سيارتي
قلت في قلبي الحين بتطلع الفلوس من اول مافيه
واهو ماعنده بس مايحط في خاطره شي ويفتخر بهالشي يقول انا مستحيل مستحيل يصير خاطري في شي ومااخده , وانا لوبموت وبتقطع وابي شي يقولي ماعندي واذا قلتله عالاقل اتسلف بعدين ردهم يقولي ماحب اتسلف
ماااااااااااااااااااااااالت على حظي الاقشر
شسوي وياه؟ اصارحه والا شسوي مع قراده حظي
خايفه على مستقبلي حييييييييل ومستحيل اتطلق لاني ان تطلقت ابوي بيروح فيها لان عنده الزوج يقتل زوجته ولا انه يطلقها تفكير حجري
اففففففف مليت من هالعيشه لوانا اللي ميته بدل اختي التؤام لما كنا صغار كان وايد ابركلي من هالعيشه اللي تقصر العمر
يطالع بالبنات ويقوولوج هذى فيها وفيهاا .. مو احسن من انة يخزهم من تحت لى تحت وانتى ياغافلين لكم الله .. وترا عاادى الشباب يستانسون اذا وحدة خزتهم او حتى نظره خاطفهم .. على باله انه توم كروز … واهو باين علية رقلة وماعندة ماعند جدتى .. بس يبى يطفرج
من كلامج واضح انج سعووديه ..!! الكرسونات والسيرفيس عندكم بنات !!
بس ليش حسيته استانس لما شاف البنات في المطعم؟ وحسيته يخز في البنات من تحت لي تحت
وفرحان ويعددلي جم مره البنات يخزون فيه؟؟ هالشي دابحني
بس والله فصلت عليج كل اشوي ""مـــــــــــــــــــالت بس مـــــــــــــــــــالت "" حسيتج مقهوووووووووووووووووووووره منه
بس غريبه بالسعوديه يشتغلون بنات بالمطاعم والمول
تغارين من فلبينيات الله يهداج؟؟
لا تسوين مشاكل وانتي توج ما تزوجتي ولا دخل عليج
بعد ما يدخل لنا خطة اسمها التحبيط لوووول
دايم انقدي عليه وانقدي على شكله قوليله ترى انتي عادي مو وسيم لحد يقص عليك
واذا في احد بيشوفك بااسوق خو حتى الهنود البنات تشوفوهم
|
المشاركة الأصلية كتبت بواسطة ام احمد الزاهر
 هههههههههههههههههههههههههههههههههههههههههههههههههه ههههههههههههههههههههههههههههههه والله فصلت عليج ضحك هههههههههههههههه احس نفسج وايد حلوه الله يتمم عليج عااااااااااااااااااااااااااااااااااادي يبه عادي احسن من انه يكون علاقات من وراج وبعدين هو يبيج تغارين عليه لاكثر ولا اقل واذا خز في البنت انتي خزي الشباب وقوليله اففففف شوف السكسوكه حدها عجيبه شكلها موضه ولا قولي امبييييييييييييييه جسمه مو صج رووووووووووووعه حتى لو تجذبين خليه هو يغار عليج حسسيه انه مو هامج حتى لو انه حللو حسسيه انه فيه احلى منه
بس والله فصلت عليج كل اشوي ""مـــــــــــــــــــالت بس مـــــــــــــــــــالت "" حسيتج مقهوووووووووووووووووووووره منه بس غريبه بالسعوديه يشتغلون بنات بالمطاعم والمول |
اي حبيبتي فيه بنات يشتغلون في المطاعم وسعوديات وجم مره تصير مشاكل في هالمطعم بس شنسوي ماباليد حيله
بس المول كان بالبحرين موبجنوب السعوديه
وشكلج تبيني اتطلق هههههههه مااتخيل شكلي اقوله شوف الريال جسمه حلو واااي استحي ايش بيقول عني 
|
المشاركة الأصلية كتبت بواسطة غلا ستايل
بنات يشتغلون وين؟؟؟
تغارين من فلبينيات الله يهداج؟؟ لا تسوين مشاكل وانتي توج ما تزوجتي ولا دخل عليج بعد ما يدخل لنا خطة اسمها التحبيط لوووول دايم انقدي عليه وانقدي على شكله قوليله ترى انتي عادي مو وسيم لحد يقص عليك واذا في احد بيشوفك بااسوق خو حتى الهنود البنات تشوفوهم |
ياليت فلبينيات
سعوديات وربي , وهذا اللي قاهرني
والقهر دايم اقوله شكلك موحليو اذا حلقت لانه يصير اجرد يفشل بس اهو يستانس بسشكله يفكر نفسه حلو اذا شالهم
وحتى صوره اللي مافيهم شنب ولالحيه اقوله مابيهم بقطهم ههههههههههههه
بالله عليج ريال مافيه شعر وين الرجوله
ماااااااااااااالت بس
|
المشاركة الأصلية كتبت بواسطة اختكم بالله
في بنات يشتغلون بالمطعم عندكم بالسعوديه ؟؟؟؟؟؟؟؟؟؟؟؟
|
اي فيـــــــــــــه
خو السعوديه الحين تطورت هع موزي قبل
الحين حتى بنات جده يسوقون سياره عقبال منطقتنا ههههههههههههههههههه
نتفتيه وكل شوي مالت عليه ياحلووج روووقي شوي
هو صح يبط الجبد انه مغروور اخييييه اكره هالصفه بس انتي بعد ذكيه مطنشه له وماتمدحينه
كلششش احقريه لاتحسسينه انه وسيم عشان مايصدق عمره
بعدين انتي قلتي انه مو راعي بنات بس يبي يستفزج واضح انه يبي يشوف انتي تغارين ولا لا هههههه
الشي الثاني مب قادره احكم عليه هل هو بخيل او لا لان انتي قلتي مايبخل على عمره كلششش
اللي يتضح لي ان ريلج فيه عيبين مغرور + اناني نفس زوج اختي لو هو حافي منتف ياخذ سلفه عشان ياخذ اللي بخاطره او عشان يسافر في الصيف واذا مرته طلبت ساعات يقول لها ماعندي مع ان حرام حلييو >> خايفه من اختي اهي مشتركه معاي باليوزر نيم اخاف تقرا ردي
.gif "Eh S(15)")
موضوعج مايستاهل ان تفكرين بالطلاق انتي بس معصبه
الحل ان تكشخيــن واتدلعين وترفعين ضغطه وكل شوي قولي في ناس يسالون عني ويمدحوني واقهرييه عشان يفشش شوي لان مصدق عمره والشي الثاني وهو الاهم ادعي ربنا سبحانه وتعالى انه يسخره لج
والله يوفقج
احس اني قررررقه حيل مو
غريبه
انا نسيت مشكلتج من صدمتي انه سعوديات يشتغلون بمطعم بنقاايهم
سوري
بس اي تذكرت زوجج يخز البنات ويعلق عاادي داامه جدامج وشي جديد عليكم انه بنات يشتغلون بمطعم لا تصعبينهاا سهاالات
من صجج انتى !!!
والله يوفقج يارب ويسخركم لبعض ولايدخل الشيطان بينكم