|
|
السلام عليكم
اشلونكم بنات شخباركم طبعا عرفتوا من العنوان مشاكل طلبة القانون الي ماتخلص
انا من بنات اول دفعة 2024 طبعا واااااايد جازفت بالتخصص لأن كان توه يديد وانا بصراحة كان ودي من زمان ادش حقوق بس المعدل خاني شوي فدشيت حق بديل رغبتي الي اهو دبلوم قانون .
الحمدالله دشيت وشديت حيلي ويبت معدل قوي وكنت اسمع ان دكاترة القانون قاعدين يراكضون علشان نكمل بالحقوق طبعا حق الي يايب 3نقاط وفوق بس كلية الحقوق رفضتنا ماتبي دبلوم قانون انا تحبطت وضاق خلقي بس قلت ميخالف انشالله اخلص والقاها بالوظيفة وكنت حاطة طموح اني اتعين بالمكان الي في بالي. بس تخرجت وقدمت عالديوان على طول والحمدالله تم قبولي بعد 6 اشهر من تقديمي وطلع اسمي بالجريدة وانقبلت بالجمارك بس للأسف ريلي مارضى لأن الجمارك سمعته مو شي حق البنات فحاولت اراجع الديوان وادور بديل ولكن للأسف وظايف دبلوم القانون محصورة و مافي بديل الا الداخلية والشئون وكلهم نفس الجمارك محد يبينا الا 3اماكن وسكرت فيني الدنيا وضاق خلقي عاد لقيتلي واسطة كبيرة بالهيئة(التطبيقي) وخلاص بكمل اجراءات تعييني وبحول من الجمارك الى التطبيقي ويزاهم الله خير مشوا اوراقي الديوان وحولوني من الجمارك الى التطبيقي وخلصت من الديوان لكن لطوالة اطلعت من التطبيقي اتخيلوا من شهر 8 ولحد الحين و اوراقي عندهم مادري اشينطرون صارلي 3 اشهر واسمي تحول حق التطبيقي وحيل طولوها مع ان الشي ماياخذ اسبوع بس مادري شسوي .
واذا في مجال كملي برا بمصر او اي مكان..
والله يوفقج يارب..
انا وياج قانون ..بس لسه ماتخرجنا
رفيج اخوي قانون وكمل بلاردن بس سنتين
بس اذا ماتقدرين للخارج نطري الاجازه الدراسيه بدوامج ..
والله يوفقج ان شاء الله لا تيئسين بسرعه خليكن عندج امل …
ورفيجتي بعد تخرجت من هذا التخصص وان شاء الله بتوضف بلادله الجنائيه بلشويخ خوووش مكان اخذت فيه ميداني وعجبهاا