|
|
قووووووه.. شلونكم ياباش مهندسات, ودي بهالموضوع احنا مهندسات الكمبيوتر نتقرب من بعض ونسولف عن مهناتنا وشغلاتنا وشنو يصادفنا بالحياة اليوميه ودواماتنا ونعرف من نفسنا
المهم اعرفكم بنفسي اول شي
خريجه هندسه كمبيوتر جامعه كلورادو امريكا
اشتغل الحين بوزاره الطاقه
يالله دشوا لا تستحون 
واعتبروه ملتقى وملاذ لنا
ماكو احد معقوله؟ 
شلون الدراسة في هذي الجامعة ؟ من ناحية المستوى الأكاديمي ؟ المنطقة حلوه ؟ الناس زينين فيها ؟ غاليه أو رخيصة ؟
بصراحة ودي اكمل ماجستير بره الكويت بس ماني عارفه الجامعات اللي بأمريكا ..
أنا خريجة جامعة الكويت .
الولايه وايد حلوه من كل النواحي طبيعه اسواق سياحه وكل شي الولايه امنه والله بس طبيعي ان ما يستحب انج تكونين بره البيت الساعه 12 بليل بالويك اند لان يكثرون الهوملس والسكارى وهذا شي طبيعي وانا تخيلي رحت بروحي ف الحمدالله امان ومافيه شي
والمنطقه حلوه والناس زينين وكلش مو عنصريين وحيل اجتماعيين. وبالنسبه غاليه او رخيصه ف نفس كل الولايات وامريكا معروفه يعني كل شغلها ارخص من الكويت
الله يوفقج يارب
انتي الحين تشتغلين ولا بطاليه؟
دورت بقوقل عنها واكتشفت انها مو بعيده عن كاليفونيا هم حلوه حق ديزني لاند و 6 فلاجس .. انا بصراحه مارحت امريكا بس من كثر ما اتابع اوبرا .
اهم شي بنسبه لي الأمان وبصراحه طمنتيني لأني سامعه في ولايات حدهم الساعه 7 وبعدها حتى شرطه ماتشوفين .. بس انها ارخص من الكويت هذي اول مره اسمعها !
انا حاليا مهندسة بوزارة الاعلام .. والحمدالله مرتاحه وودي اكمل دراستي عشان اكون اكاديميه بالجامعه .
وانتي ؟
وكل الي قلتيه صح.. اهي قريبه من كاليفورنيا وايد وترى حتى الولايه بنفسها تونس
واي فعلا ترا امريكا ارخص من الكويت بوايد اشياء
بالالكترونيات والسوق وكل شي
الله يوفقج حياتي
انا الحين مهندسه بوزاره الطاقه ونفسج والله وايد مرتاحه وسالفه التكمله والله ودي اكمل
بس احس صعبه