خبراتكم بالولادات السهله والي ماطول الله يسهل

حبيباتي الله يخليكم اشرايكم نستفيد من تجاربكم او من تجارب امهاتكم وحتى جداتكم او حتى من تجارب حريم سمعتو عنهم

شنوووووو سووووو عشان الله سهل عليهم ومايمديهم اروحون المستشفى الاساعه ساعتين اولدووو بالسلامه مثلا شنو شربو شنو كلو انا بقولكم سالفه اعرف وحدة من ايها الطلق حطت جنطتها بدبه السيارة وقالت حق ريلها ودني الممشى والله ماشاء الله عليها وتمشي لين خلاص اتحس بتعب وتركب السيارة وريلها على طوووول مستشفى الولاده والله ان مرة ربت بالسيارة عند باب المستشفى يعني النيرسات افتحو باب السيارة لقو المرة اتعصر واااااااااااااااااااااااااااااي الله يهون على كل وحدة يارب

اي اعرف وحده ثانيه كان فيها طلق وهي ام اعيال يعني مو تو اشتغلت ذاك اليوم فالبيت اكرفت كراف وبعدها حست بتعب ونسدحت جان اتربي مكانهاااااا يعني ربت بالبيت
السهاله من الله انا انطر ردووودكم

انا بولادتي الثانيه كنت رايحه الافنيوز ومشي مشي و كليت اناناستين رجعت البيت والفير رحت المستشفا و ما شالله ساعتين جان اولد

انا بولادتي ما سويت شي لا مشي ولا اكل معين بس الله سهلها الحمدلله

احس نوع الجسم يلعب دور و الدعاء بالتساهيل بالدرجة الاولى

فولادتي الثانيه ناويه اكل تمر وايد و امشي وايد و احرص ان مايصير فيني امساك باكل الاناناس و حبوب يوكاربون الملينه و الله يسهل

مادري احس مو شرط والسهالات من الله

الي يسهل الولادة انك تبخرين من تحت بمرمريه وتشربين دارسين وتمشين والسهاله من الله تعالي

السهاله من الله وكل شي بوقته بس بني ادم دايم عجول

مافي حل سحري
السهالات من الله
مرات الوحدة تطبق كل شي المشي والمشروبات وووو
وتتعسر وتطول بالولادة
الله كريم

انا بولدي الثاني رحت حدي موصله قعدت يوم كامل اطلق وبس دخلوني الطواري فحصني وقال الراس كاهو احس فيه وبس دخلوني غرفه العمليات ما مداهم حطوني على السرير جان يطلع الراس

المشي و زيت الخروع و كانت ولادتي سهااااالات الحمدالله،،ماكان فيني شي بليل بس شربت خروع ولدت الصبح بس صج طلقي كاااان حامي يذبح

على قولة أختي ناتشو ، فيه ناس مايبقى شي الا مسويته ومع هذا تتعب !
بس اللي أنا أنصح فيه ومتأكدة من نتيجته المشي المشي المشي !
بس وين؟؟
على ممشى أو على تراب البحر ! وربي نتايجه معروفه ومضمونه ! لاتقولين رحت مشيت بالسوق !
لأن المشي المتواصل المنتظم يساعد على تليين عنق الرحم وفتحه ،،
بس من آخر الثامن إمشي عشان ماتطولين بالتاسع ،، والله يهون علينا كلنا يارب ،

انا مع
العووووبه

السهالات من رب العالمين

و المشي

السهااااااااااااااااااااااااااااالة والله من ربج البجر لازم تتعب شوي

أنا هالمرة بشرب كف مريم يقولون وااايد زييين وبسرعه يفتح الرحم والله يسهل علينا

السهاااااااااالات من الله وكل ولاده غيييييييييير عن الثانيه
بس هم المشي زين

عليج بالجماع
والسهالة من الله سبحانه