خايفه بورم بالثدي

حبوبه ما انصحج باخذ العينه
انا سويت سونار وعندي كتله حجمها 8سانتي والدكتور قال يا انها تنشال بعمليه جراحيه او كل 6 اشهر اسوي سونار واتطمن
لان اخذ العينه اذا لاسمح الله فيه شي خبيث بعيد الشر عنا وعنكم راح ينشره وقالي اذا الحجم ثابت مافيه اي خوف

حبيبتي ما تشوفين شر

ان شاء الله ماكو الا العافية

و استشيري اكثر من دكتور

و بشرينا عنج ..

الله يشفيج حبيبتي
لا تحاتين انتي اللي فيج حييل صغير
وزين انج تلاحقتي على عمرج
انا فيني ورم بصدري و حجمة اكبر منج 8 وضخم
وطلبوا مني عينة لما رحت مستشفا مبارك ترددت وايد و خفت
ياليت اذا رحتي ياخذون منج العينة تطمنيني اذا يعور او لاء صراحة انا خفت من العوار و من شكل الابرة

ان شالله مافيج الا العافيه

سوي اللي قالولج عليه الدكاتره واستشيريهم

وان شالله يطلع ورم حميد اتشيلينه وتفتكين منه

وبشرينا عنج

ضروري تسوين عينه علشان يحددون نوع الورم واكيد يستخدمون بنج موضعي بس لازم يكون طبيب شاطر ويا بنات ما في داعي للخوف اذا كان حميد اوخبيث لا سمح الله العلاج بالمراحل الاولى وايد اسهل ونسبةالشفاء اعلى رجاء رجاء لا تتاخرون في الفحص توكلو على الله وراجعو الصحة والله يطمنكم ويسهل كل اموركم وبدعي لكم الله يشافيكم ويعافيكم

والله متردده وخايفه بس بستشير وربي كريم

الشر ما ييج ما قصرتي

ان شاء الله خير

بشوف شنو يصير معاي وابلغج ما قصرتي والله يبعد عنكم شر المرض

انا نفسج خايفه من العينه بروح وابلغج شنو يصير معاي

تسلمين حبيبتي ما قصرتي

ان شاء الله خير والله يبعد عني الخوف

المصيبه ما احاتي نفسي احاتي المدارس والعيال

ويحفظج يارب

الله يسمع منج والله يبعد عنكم كل مكروه

الله كريم الله يبعد الخوف عنا

ما قصرتي

والله يسهل ربج كريم وما قصرتي على الدعاء في ميزان حسناتج

بنـــــــــــات شلونكم شخباركم اليوم رحت وخذوا عينه وتطلع النتيجه الاحد ان شاء الله خير

والابره ما كانت تعور شكه بسيطه

حبيبتي ما يعور شي بسييييييط وحطو مخدر ما يحتاج خوف انا كنت خايفه بس خوفي طلع ولا شي