|
قوووووووووووه بنات
أنا الصراحه قاعده أحاول كثر ما أقدر أني أضعف وأوصل وزني لل50 علشان يصير جسمي متناسق
المهم عقب ما اخلص سالفة الريجيمات خايفه ان يزيد وزني برمضان السبب أن أحنا متعودين فطورنا على النحو التالي
تمر بالزبده
باديه تشريبه (كل يووووووووووم)
قلاص لبن كامل الدسم
غير القطايف اللي متروسه شيره وصب القفشه والمعجنات
وعقب الفطور ننفجع جنه بيوقفون عننا الأكل ناكل بطريقه مو طبيعيه وأذا شفت كل أهلي ياكلون هم أنا أبي آكل
شسوي؟؟؟ لاتقولون غيري أكلج والا أكلي سلطه وشوربه واشوف أهلي ياكلون ما لذ وطاب
في شئ يحرق الدهن والا شئ ممكن اسويه علشان يصير في كنترول لأكلي؟؟؟؟
اناامي بصراحه وايد قاعده تعدل شغلات عشانا لانه قمنا نشتكي من الاكل الثقيل
فشنو سوت بدل الفيمتو عصير فراوله وبدل السنكويك او تانج تحط عصير برتقال طبيعي ترى العصاير اذا كثرتي منها تاكلين اقل
وطبعا تبوله وسلطه لاااازم وضروري
انا انصج تفطرين بتمره وشربي عصير وقومي صلي بعدين كملي اكلج على الراحه وموبسرعه وانتي اطالعين التلفزيون بكل راحه لانه الاكل بسرعه يخليج تاكلين كميات اكثر
اللبن وخري عنه حق الكروووش والتخثل
واكلي تشريب عادي بس شنو كللقمه تشريب لقميتن سلطه وراح تشبعين وانتي ماكملتي باديه التشريب
ولا تنامين بعد الفطور هذا اهم شي
شوفي يا قلبي
اكلى عالفطور وورها
صلى التروايح
بعد التروايح ارتاحي ساعه
وبعدين دقي رياضه حاميه مثل المشى السريع
الدراجه الثابته
صعود الدرج ونزوله 10مرات
اول خمس مرات بطىء ثاني خمس مرات سريع
وبعدها راح تحسين نفسك تعبانه
لا تشربين الا الماي
وبالليل بتموتين من اليوم
بس مسكى نفسك للسحور
ويكون سحورك 5 تمرات وحليب خالي الدسم علبه وحده وورها قلاص ماي يوميا
انا ضعفت برمضان على هالطريقه
وبالذات سحوري
وسبحان الله ما احس باليوع
ومع اني اكل كل اللي بخاطري القى روحي نازلة عالاقل 3 كيلو لي العيد وناسة
وحتى القبغااااات اذا اشتهيتي شي اكلي لا تحرمين نفسج ولا تاكلين الاكو والماكو……
انا عندي لج حجي بس اذا راح تزعلين منه ماراح اقوله
تصدقين أنا متشجعه اضعف لين اوصل ال50 قبل العيد والسبب خدامتنا كله تشوفني عالميزان وتضحك تقول من اول ما ييت بيتكم من سنه و9 أشهر وزنج يزيد بالريجيم ما ينقص ماراح تضعفين لو شنو
عاد أنا قلت يا انا يا الخدامه اضعف يعني أضعفففففففففف
تحقيق خخخخخخخخخخخ