|
|
بنات أول مرة أكتب مشكلتي بس ما أقدر أقول حق أحد بمووووت
.
.
.
زوجي بعد قصة حب وزواج كان يخون على طول الدرب خيانات مع بنات عن طريق التلفون وأنا كنت باقية عليه ، لي درجة إني صرت مريظة بشي اسمه شك ، وقمت أحس إني خانقته ولكن في المقابل هو ما تمر عليه سنه إلا وألاقي عنده شي عوج.
.
ما أطولها عليكم في الفترة الأخيرة قام يغط بالويك إند بالساعات ولما أواجهه يتهاوش معاي ونتي شكاكة لين خلاني أحلف على كلام ربي إني ما أدور من وراه وصدقته وحلفت وحسيت إني الزوجة الممله واللي اتطفش مع إنه قلبي ناغزني .
شنو صار بالنهاية؟؟؟!!!
جاي يعطيني مضاد حيوي عن مرض خطير ينتقل عن طريق الاتصالات الجنسية إذا سامعين عنه الكلاميديا ويسبب عمى للطفل أثناء الولاده وأنا بشهري الأخير .
ولما واجهته قال اي قص علي الشيطان ورحت حق وحده بشقتها بفلوس وهي شكلها مبتدئة ونمت معاها ، الحقيييير ، وهي مرة وحده ما غيرها.أحسه كذاب لأن سالفة سهراته من زمان بس يبي يهون علي شوي . لما قلتله احتمال جابتلك غير هالمرض ونت عديتني يقول أنا تبت وأنا مسوي تحاليل وإنتي صلي وادعي كلشي يطلع تمام.
يعني يمكن أنا جاني أيدز منه.
بنات تدرون شنو مصيبة لما الوحده تحس نفسها زبالة وصدقت واحد جايبه منه عيال ومعاه فوق ال10 سنين وأتلاها شنو ؟؟؟
أمراض قذرة وقام من وحده قذرة وجاني وأنا اللي أبكي لأني ظالمته وكاسر خاطري !!!
جاب أغلب تحاليله اليوم الفضل لله وحده زينه وباقي تحليل يوم الخميس بس أنا مادري بالظبط وش هي هالتحاليل وبروح أشيك عليها ومادري إذا أمراض مثل الايدز شاملتها هذي التحاليل ولا لأ؟!!
نفسيتي زفت وماني عارفه شسوي فيه المصيبة يا بنات إني أحبه والله العظيم إني يوم أشوف نظرته المنكسرة ونومته بالديوانية ( لأني طردته من داري ) وأطلع ما أرد عليه سافهته والله قلبي يعورني عليه يا بنات هذي عشرة عمر وهو مو شخص عادي هو أقرب إبنادم لي بالدنيا بس شسوي؟
ما علمت أحد طبعا وهو توه ارتاح شوي عقب النتايج بس هم ما حاول إنه يصعد لي ويكلمني ، يدخل يبدل ويطلع ، تبين شي ، حتى جهاله مايجيهم مادري شسالفته بس إنه التزم بصلاته أشوفه.
استهدي بالله الغلط منه اكيد بس يارب ينعدل حاله ومايطلع فيهم بعد شي التحاليل
وحاولي تهدينه بطريقتج وتابعيه بالصلاة الريال يمكن يبي حد يهديه ويمشي معاه
ماحد مايغلط بس حسافة وعوار قلب لو فضل مستمر بغلطه
ربي يهديه للطريق الصح ويرجعه لج بايمان وروح جديدة
ممكن هذا درس له من رب العالمين
ربي يقويج
شوفي ماافي انسان ما يغلط
شوفي شنو الاسباب اللي خلته يغلط
و ان شاء الله تطلع النتيجه ايجابيه ومافيه الا العافيه
هو اللي جته عدوى الكلاميديا ولأنه كان يمارس حياته معاي بشكل طبيعي احتمال صار فيني انا بعد.
|
المشاركة الأصلية كتبت بواسطة البديلة
 بنتي؟؟؟
هو اللي جته عدوى الكلاميديا ولأنه كان يمارس حياته معاي بشكل طبيعي احتمال صار فيني انا بعد. |
ان شاء الله ما فيكم الا العافيه
حبيبتي كثري من الاستغفار وصلي قيام ليل وادعي ربج وان شاءالله بفرج عليج مشكلتج
ماراح أعاتبج ليش سكتي عن خياناته وماراح أقول لج ليش كنتي تطيحي عليه خاينج
وتطوفينها ترى هوه بهالشي صار يتمادى لان عارف انج ماراح تتكلمين لأحد وماراح تفضحينه
إن شاء الله نتايج يوم الخميس تكون زينة ومافيها شي وربي يطمن قلبج
خوفج الحين يحس بالندم وبكرة لما تطلع التحاليل وكل شي سليم يرجع لتفاهاته بس تكون عن طريق التلفون
الحين انتظري النتيجة وبعد ماتطلع النتيجة فكري انتي بنفسج هل هالشخص هذا يستحق إني أعيش معاه ؟
هل يستحق التضحية اللي أنا جالسة أضحيها علشانه ؟؟
طبعا أنا كل هذا اللي أقوله لج انا مريت فيه بس خيانة ريلي كانت بس تلفون يعني لاطلعات ولاروحات
طبعا قولي له وهدديه هذي آخر مرة بعدها لو أشك مجرد شك حتى لو ماكنت متأكدة راح أخلي ابوي أو أوخي يتفاهم معاك
قولي له مو شايفني ساكتة يعني ماوراي ظهر قولي له ساكتة بس عشان عيالي
وعليج بالاستغفار حبيبتي وربي يهدي بالج ويهدي ريلج ويبتعد عن هالسوالف
لان مسامحتج له في الماضي اهيه الي خلته يكرر الخطأ والخيانة
وانا انصحج انج ادخلين طرف ثالث ابوج او ابوه مثلا وتخبرينه بسالفة كامل
عشان يعرفون زوجك وعيوبه وانج انتي صبرتي عليه وااااااااااااااااااااايد
وشوفي شنو يشورون عليج
ويفضل حتى بعد رجوعج له انج تستخدمين العازل الذكري معاه لين اتأكدين صج انه تغير
والله يهديه ان شاء الله
بس ديرى بالج ان ييى صوبج …..اليوم الله ستر عليكم باجر …ماتدرين شنو بيصير ….والله عطانا العقل ليش !!!مو علشان نفكر فيه صح
فكرى بعيالج اولا…الله لايقوله حاشج منه المرض وقتها لامن ابوهم ولا من امهم …..خليج معاه بنفس البيت بس انتى بغرفه واهو بغرفه…..لين ماتتاكدين صج انه خلاص ماعاد يخونج …..والله المستعان
|
المشاركة الأصلية كتبت بواسطة ملح و سكر
نصيحتى ان كل واحد يقعد بغرفه …احسن من الطلاق ..وعلشان العيال ..وعلشانج …
بس ديرى بالج ان ييى صوبج …..اليوم الله ستر عليكم باجر …ماتدرين شنو بيصير ….والله عطانا العقل ليش !!!مو علشان نفكر فيه صح فكرى بعيالج اولا…الله لايقوله حاشج منه المرض وقتها لامن ابوهم ولا من امهم …..خليج معاه بنفس البيت بس انتى بغرفه واهو بغرفه…..لين ماتتاكدين صج انه خلاص ماعاد يخونج …..والله المستعان |
معاها والله يعينج حبيبتي وانشالله التحاليل تطلع سليمه يارب
الله أكبر عليه !! عقب كل هذا تقولين أحبه !! حبت الظالم القرادة !!
انت فاهمة يعني شنو كلاديميا !! هذا مو بس يسبب العمى حق ولدج هذا ممكن يسبب لج انت العمي و أمراض بالمفاصل و التهابات بالغدد الليمفاوية هذا غير البلاوي اللي راح تطلع لج من تحت .. انا أقول بدال لا تشوفين تحاليله اللي و الله حتى ما يندرا عنها و تاخذين ادوية و بلاوي منه ما يعرف فيها غير رب العالمين .. أول شي تسوينه تروحين الطبيب و تفحصين على نفسج . الواحد ألزم ما عليه صحته إذا طحتي من حيلج منو بيشيلج ؟؟ منو بيربي عيالج ؟؟ أبوهم الفاضل !!
و لا تحاتين الطبيب ما راح يعلم أحد أصلا قانونيا ما يقدر يعلم أحد اذا انت مو راضية !!
و اذا عالطلاق أنا ما أحب أنصح أحد بهالسوالف لأني ما أعرف شنو ظروفج بالضبط وضعج المادي علاقتج مع أهلج أهل ريلج الخ الخ ..
بس بالنسبة لي لو كانت المشكلة صايرتلي الله لا يقوله ما أقعد مع واحد مثل هذا .. أربي عيالي بروحي في بيئة نظيفة أشرف لي من أقعد أحاتي صحتي و أخلي عيالي عند واحد لا دين و لا مذهب .. سبحان الله ربي ما حرم شي عبث
اي و ترى على فكرة هذا الكلاديميا شي من ولا شي بنات الحرام ياما فيهم من الامراض اللي سيده اسم الله عليج على القبر الايدز و الالتهاب الكبدي و الزهري و كل هذيل ترى مالهم علاج !!
عقب ما تفحصين و تطمنين على نفسج قعدي مع ريلج .. ذكري أول برب العالمين ترى جريمته هذي عقوبتها سيده على نار جهنم خليه يحاجي رجل دين يمكن الله يهديه أو انت يبيله ايات و احاديث عن الزنا
ثاني شغله خرعيه بالامراض اللي ممكن تحوشه و ترى على فكرة وايد من هالامراض تظل سنين ما يبين على صاحبها الاعراض بعدين مرة وحدة ينتكس !!
اسفه اذا طولت و الا قسيت عليج بس و الله من حرتي عليج
و الله يسهل عليج و علينا إن شاء الله
صج مصيبه
وبالنسبة لنومتة بالدوانيه، عادي، خليه لين يحس إنه إللي سواه فيج موشويه، ونبيه إذا صار فيج مرض مزمن إنتي أو البيبي، شراح يفكه من عذاب الضمير.خل يعتبر أللي قاعده ايصير له الحين درس له، وإن شاء الله يكون عقبها توبة نصوح وما يرجع للأمور هذي..
ويارب يكتب لج السلامه إنتي و البيبي، ويهدي ريلج