|
|
السلام عليكم يا بنات وخواتي العزيزات…..بعد التحية
بنات بقولكم على شي خالتي ام ريلي لما اروح الزوارة وايد تفرق وخصوصا بالجناين يعني اذا تاخرت شوي 5 دقايق ما ينطروني عالغدا واذا مرت حماي تاخرت تقول نطرو فلانة والله مرة يت الساعة 2 ونص واحنا ناطرين المسعدة تيي وتغدينا الساعة 3 .
ولما رحت احجز صالون ولا أروح مكان قريب وما اطول تتحلطم على عيالي حتى بنتي قالت لي يدتي تقول هدت عيالها وراحت وبنتها اللي هي حماتي كل يمعة تطلع ما تقعد وما تيي الا بالليل الساعة 9 وبناتها قاعدين ما تقول لهم شيئ .
مع اني زينه معاها بس ما ادري ليش تتحجى من وراي واذا تكلمت ولا أبديت رايي بشي تجعمني أسكت وما ارد عليها كونها مرة كبيرة واحترام لها .
السؤال :هل خالاتكم مثل خالتي ولا في فرق ولا كلهم نفس الشيئ ؟
والمصيبة اذا ما رحت الزوارة تقولي ليش ما تيين ليش تقطعين ماني عارفة لهم .
ارجوكم عطوني حل بس مابي تجريح اللي بترد ترد رد حلو ويبرد القلب شالدبرة ومشكورين وبترك لكم الكيبورد 
الله يهديهم بس .. انا اعتقد اذا ماكانت تميز حماج عن ريلج >> فيها عقده نفسيه وتغار منج
تدرين الحين لازم شتسوين لانه انتي مشكلتج طيبه
لازم اذا احد كلمج من اي مكان وحاول يجرحج لا تسكتين كلش يدوسونج ترا
ردي بأدب لا تسكتين بأدب وهدوء وابتسامه
الله كريم
طنشي سمعي من أهني وطلعي من أهني أهي مره عودة وخليج احسن منها وهالشي بيزيدها حرة وبنفس الوقت بتكبرين بعين ريلج لانج محترمتها وماتردين عليها
اقري موضوع جواهر طرق للمهبوله في ارضاء الحموله لوووووووووووووووول
انا كنت احس احساسج بالاول ( مع اني من اهلها و واجبها اكثر )
اتكتشفت انه السالفه اوهام وحساسيه زايده
اولا : اذا كانت اتعمل احد غير عن احد
يمكن اتعاملها زين ( خوفا منها !!! ) ما تسلم من لسانها او زوجها ما يرضى احد يتكلم على مرته
ثانيا : يمكن انها اتمون عليج ( لحظي امج دايم تنتقد تصرفاتج وما تنتقد اختج ) وفوق هذا ما تزعلين – لانها امج
علشان جذي لا تكونين حساسه ( اتعبريها امج )
انا شخصيا امي تحب حيل مرت اخوي الكبير ( بنت اختها ) بس دايم اتفشلها اذا سوت شئ غلط
والباقي ما تتدخل بحياتهم ( لما عاتبناها ولا تفرق بينهم ) قالت لنا – – هذي حسبت بنتي ما احب بنتي اتغلط وامون عليها لما اجرحها ولا هي تزعل ولا انا ازعل منها
وفعلا لما سئلت مرت اخوي قالت ( ازعل من امي !! ) مدام تنصحني ما ازعل
والله يهديها لج ( تهدوا تحابوا ) ولا تنسين الهديه اتأثر بالنفس ترا
مو كلهم 00000000000 معانتنا جميعا
كل ماشافتج مبتسمة وعادية ومو مفتكره فيها احسهااااا بتستحي على ويها لانها مره كبيره ولا تفتكرين فيها اهم ماعليج اعيالج وريلج
وبردي على قلبج ولا عليج منها تأخرتي مازرتيهم ماشاركتيهم ولا علييييييييييج انتي كيفج حررررره بتصرفاتج وقراراتج ولا اذا بتمين
الا قالت من وراي الا قالت تأخرتي بتعورين راسج وقلبج خليها تقول اللي تقولة هههههههه من الغيييره والحررره
ولصاحبة الموضوع اقول اتعاملي معاها على حسب اخلاقج ولا تدققين عليها
الحريم الكبار تصرفاتهم كلها جذيه .. اعتبريها حسبة امج .. ولج الأجر ان شاء الله.