خاص للعضوه (( ** )) رد على موضوعج >> رفيجتي الغاليه

اول شي … انا المقصوده من هالموضوع والعضوه (( **مريوم**)) كانت بيوم من الايام رفيجتي واليوم بالصدفه وانا قاعده افرفر بالمنتدى لقيت هالموضوع اللي مكتوب عني ..

بس انا حبيت اوصلج رساله …

اول شي انتي ما تحبيني ولو تحبيني صج جان قلتيلي عن الموقف اللي صار وياج مع الخدم

وخدامتي اللي قالتلج انا عارفتها اهي تبي تزلغ وايرات بيني وبينج ومع الاسف كنتي صيده سهله لها وعلاقتنا لو من البدايه قويه ولو صج تحبيني جان ماهزتها خدامه والخدامه قالتلج هالحجي لانها منغثه من عيالج وما تبيكم تجون ,,,, عرفتي الحين ليــش قالتلج هالحجي ترا مو حبا فيج …

وانا لو ابيج تجيني بيومها جان ما دقيت عليج وعزمتج وبعدين انا ما قلتلج ريلي هني او مو هني انتي اللي سألتيني وانا قلتلج اي هني والبيت بيتج وريلي كان اصلا يبي يطلع

ويشهد الله علي اني كنت مجهزه فطاير وحلو وقهوه وجاي وقاعده علبون انطرج وانصدمت لما دقيتي وقلتيلي هذي ثاني مره تسوينها فيني وانا صراحه صارت علي علامة استفهام شنو اللي سويته فيج للمره الثانيه ..؟؟

وانا مو ذنبي انج تسمعين كلام الخدم لان هذيل خرابات بيوت

وسبق اني شكيتلج من الخدامه والسالفه اللي سوتها معاي ويا بيت عمي وكانت تبي تخرب علاقتي فيهم ..

وبعدين انتي كذا مره سويتي فيني مواقف وانا اطوفها لج لاني احبج واغليج وكنت التمس لج العذر واقول ظروفها ميخالف مع العلم اني اكون كاشخه وناطرتج ومن ضمن المواقف قبل جم يوم لما طرشتيلي مسجات ودقيتي علي قلتيلي بمرج وعقب ما لبست تطرشيلي مسج اخر الليل تقولين لي اعذريني ما اقدر امرج انا بالعياده ..وماقلت شي وعذرتج بس للأسف بهالزمن ما ينفع الطيب !!!

والله انصدمت فيج حيل حيل

وتقولين اني انا قريت مشكلتـــج وعشان جذي بعدها ما دقيت

لا حبيبتي انا مو طبعي هذا ولو في شي جان واجهتج فيه انا الحمدلله ما اخاف وما اخش راسي هذا مو طبعي

بس للأســـــــــــــــــــف !!!!!!!!!!!!!! وماكان العشم فيج ياام ناصر …