|
|
مساء الخير كروشات
عندي لكم خبر يضحك ويحير بنفس الوقت وصج احتاج لخبيرات بالموضوع
انا رحت سويت سونار كذا مرة بالمواعيد وقالولي بنت ولله الحمد
اليوم رحت سويت سونار رباعي ملون
وكانت تبدل بين الابيض والاسود الى الملون
الابيض والاسود طلع بنت
والملون…
طلع
ولد 😂
تبدلها لي التو دي بنت
ترده رباعي ولد
جان تقول يمكن هذا الحبل السري اللي بالرباعي
لان الثنائي يقول بنت ومو مطلع الحبل السري
فأبي رايكم وخبراتكم بنوتات
شكله هالبيبي بتيننا
ومشكورين
انا قالوا ولد بعدين بنت والله يستر بعد باجر شيقولون
بنت خالتي قالوا لها فيج بنت بنت بنت لين الولاده الا ولد
مع انهم بالمواساة واجهزه متطورة مو اي كلام
امي ٣ ولادات يقولون لها بنت ويطلع بالاخر ولد
انا ايست صراحه مابي اعرف
اللي يجي من الله حياه الله
واذا ع التجهيز والاستقبال بسوي كله الوان محايده وعبارات تناسب البنت والولد
مو خوش خبر
انا جهزت و خلصت
عسى مايطلع السونار غلط
الحين الكل يقول الرباعي اضمن
وما بين اخر شي وتقول يمكن الحبل السري
وفوق هذا مغطيه ويهها ههههههه
فديتها
صارت عندي حاله نفسية وعقدوني هالسونارات
وخلاص نفس ماقلتي لون محايد
واذا طلع ولد ياويله لان شريت ملابس بنوته
بنطر لي الولادة والله يسهل
عادة الاقي زوجي متحمس وفي كل مرة
واليوم اهو قال خنسوي رباعي
اليوم عادي قالتله بنت عادي قالت بعدها جنه ولد عادي كان بارد
جنه مأيس من السونار ان مو مضبوط ههههههه
بس مستانس ان شاف البيبي حلاتها
انا كل مره ايكدولي ولد عاد بنطر السونار الرباعي واشوف
انتي باي اسبوع سويتيه!؟
ووين سويتيه!؟
بالنسبة للاستقبال مثل ماقالوا البنات الوان محايدة اوف وايت.. بيج.. ابيض.. ودخلي عليهم سيلفر او ذهبي.. واذا ناوية تكتبين شغلة او شي كتبي baby al-family
يعني كلمة بيبي واسم العايلة او new baby
والملابس اشتري ابيض بيج اخضر اصفر بنفسجي برتقالي.. نوعي بالالوان المحايدة
وإذا بنت على حسب شطارة دكتور
وبعد اسبوع ادش السابع
وخلاص سويت سونارات وايد ووالله نفسيتي تعبت من هالموضوع
ننطر لي الولادة ونشوف شنو يكون
وان شاء الله يكون من الذرية الصالحة
وانا حبيت استفسر منكم بنوتات من خبرتكم
حرام دفعنا وايد
توكلي على الله وسوي لون محايد
والله يعطيج الي بخاطرج
سويت سوار بمستشفى الأمومة و قالي ولد ،، ما شاء الله وايد شاطر ين و صح طلع ولد
وان شاء الله بنطر موعدي الياي ورى العيد عسى يستقر الجنين على راي
والله ما عدت اصدق لا الاحلام ولا السونارات برد على ايام قبل هههههههههه
وشكلي بولد بالبيت بعد لووووووول
ولد بنت ولد بنت بنت بنت بنت – بنت ولد ولدبنت ��
الله يسامحهم لعبو باعصابي ��
بس وين مسويّه سونارج !!
معروف الرباعي يبيّن اكثر وتشوفين العضو بوضوووووووح
بس شلون جذي يطلع لج كل شوي جنس!!
انا قاعدة اكمل تجهيز اغراض البنوته واللي فيه خير اهو المكتوب
اهم شي يوصل بالسلامة بس لا اتوهق بتجهيزي حرام قاطة وايد
