|
|
"بسم الله الرحمن الرحيم "
والصلاة والسلام ع اشرف المرسلين
سيدنا محمد صلى الله عليه وسلم وصحبته اجمعين
ياهلا ويامرحبا بالحوامل :-.gif "Eh S(8)")
حياكم نسولف انتي باي شهر
وانشالله شنو فيك بنوووته حلوه والا ولد احلا
قوليلنا عن حملج
بالنسبه لي
انا حاليا بالشهر الثامن والله يسهل علي
وحامل ببنوته حلوه وعوبه خخخخخ
طبعا عندي ولدين الله يحفضهم لي يارب
وكل ماشفتهم ملاقيف اقول ماشالله يقولون البنت
اعوب الله يخليهم لي
بنات انا مثل ماقلت بالثامن ابي حبوب تقوي البيبي
بهالشهر الي تعرف ياليت تفيدني
اخليكم تسولفون يلا كويتيات
حياكم
انا عن نفسي تووني بالشهر الاول اخر دوره ١١/١٢ ونازل معاي قطرات من الدم تكرمين والدكاتره بمستشفى العرف قالولي حجمه صغيييير الجيس مفروض اكبر بأسبوع واحتمال ٩٠/١٠٠ ينزل الحمل ولله الحمد على كل حااال ادعيلي الله يثبته لاني عاالجت والحمدلله حملت وقالولي اصبري اسبوع ان شاااءالله يكبر الامل ضعيييف بس انا واثقه ان ربي ما راح يخيب املي وبشوووووفه بحظني ان شااءالله لاتسأليني ليش هالثقه لاني والله مادري ليش حاسه بهالشي
واي نسيت اقوول عند بنت الله يحفضهاا ٣ سنوات وبنت ٥ سنوات
حبيبتي لاتحاتين دام في حمل
معناه خير انشالله
اهم شي روحي دكتوره ثانيه وطمنيني
فـ من قللللللب مالي خلق سيرة الحمال لووووول
انا بصراحه اموت بالحمال
لانه كل ماولدت جبت ياهل احلا من الثاني
وشخصيه غير اطالع فيهم واللحين انطر
بنوتي واقول ياربي بتطلع مثل منوالمشكله
اني وانا صغيره عاقله حيل وخوافه
وزوجي يقولون شيطان فعيالي كلهم شياطين
اقول انشالله تطلع علي عاقله وتخاف خخخخ
يلا نسولف
أنــاا عــندي ولــد عمــره سنــه .. اللـه يخليــه لــي,,
صـاارلي 4 شهــوور أحـاول أحمــل واللــه مــااكتب.. أن شاءاللـه هالشهــر اللــه يكتـب لــي الخيــر يـااارب..
ياهلا وغلا فيج حبيبتي
يارب تحملين وتبشرينا والله يخليلج
ولدج امين
انا طبعا انصدمت لما دريت ان حماتي
ماشالله مايجيها طلق بالمره
وماتحس بعوار الولاده
تقول لا عوار ولاشي
سالتها من شنو قالت والله مدري يمكن لاني
اقراءالقرآن دايما سبحان الله
كارهه عمري من الوحاااام كل شي يعورني الحين قاعده ابجي من اللوعه
بس اولد ماراح افكر احمل الا عقب سنتين ثلاث
|
المشاركة الأصلية كتبت بواسطة كتالونيه
 حبيت اقولكم موضوع
انا طبعا انصدمت لما دريت ان حماتي ماشالله مايجيها طلق بالمره وماتحس بعوار الولاده تقول لا عوار ولاشي سالتها من شنو قالت والله مدري يمكن لاني اقراءالقرآن دايما سبحان الله |
حنــا مشكلتنـاا نفكــر بالكمـااام والبنـــج .. وننــسئ هــووون رب العـاالمـــين..
أســـأل اللــه لكــم الهـــوون والــــسلاااااامه
الله يسهل عليكم ياارب ..
انا حامل الله يتمم علينا يارب..
واللي حملت والكيس صغير دايم قولي استودعك الله الذي لاتضيع ودائعه واذكري ربج اهو الاقوا والقادر سبحاانه ..
مادري شقول صراحه بس كتالونيه شناويه تسمين بنوتج ان شالله؟!!
حرم الغلا الله يرزقج بالبنوته يارب ‘ يابنات نصيحه وكلو امركم لرب العالمين وانسو موضوع الحمال والله يكتب لج ان شالله..
انا دايم اقول لخالتي واهلي لاسالوني ماحملتي ولا ماولدتي اقولهم انسووني وانا احمل ولا اولد وصج بالوقت اللي يلهون عني بوحدة ثانيه الله يكتب لي ههههخخ سبحاان الله
وتسلمــين ع الــدعووه واللـه يسمـــع منــج اللــهم أمــين فـدييتج..