|
بخصوص
ماكنت متعودة خير شر
طبعا اول شهرين باول سنة تعيين كان تدريسي خرابيط
كانوا بنات ابتدائي
لما يتهاوشون بالصف على قلم 00 اضحك
لما اكتب عالسبورة بعدين الف عليهم واشوف عيونهم تطالعني منتبهين 00 يغمى علي من الضحك
في التدريس ماكنت مستحية كثر ما انا مخبطة الدنيا 00 وماني متاقلمة على كلمة ابلة 00 واحيانا البنات يخربطون ينادوني يمة 00 مع ان شكلي كان عنونو 00
المدرسات : كنت حدي اخاف اتكلم واخربط 00 واحس انهم كبار وانا جني بنت ابتدائية عندهم
وكنت اخاف اتكلم معاهم واستحي منهم 00 فما احتكيت كلش معاهم بالبداية
بعد هالشهرين 00 اخذت اشراف اداري 00 بصراحة خلاني حيل جريئة مع المدرسات والبنات
لان صار لي احتكاك قوي مع الابلات عشان حصصهم 00 والبنات صرت معاهم جدية اكثر
فصارت كلمة ابلة عادية عندي
عطيتيني احساااس حللوووو مشكووورة
بنت احلام
ممممم نفسج بصراااحة محيرني هالموضوووع
البنات مايقصرووون يفيدونا
انا انصدمت لما نادوني البنات ابلة 00 غشيت ضحك
ماكنت متعودة خير شر طبعا اول شهرين باول سنة تعيين كان تدريسي خرابيط المدرسات : كنت حدي اخاف اتكلم واخربط 00 واحس انهم كبار وانا جني بنت ابتدائية عندهم بعد هالشهرين 00 اخذت اشراف اداري 00 بصراحة خلاني حيل جريئة مع المدرسات والبنات |
ههههههههههههههههههههههههههههه حلوووه
لا عاد انا عكسج مع الاطفال شخصيه يعني ماحب اتضحك معاهم لاني مجربتهم ماينعطون وجهه
بس ماقلتيلنا شلون كسرتي حاجز الحياا عند الموجهه ورئسه القسم اثناء الشرح<<جيكو على اثناء
ماضنتي تضحكين عندهم ياويليييييييييييي عز الله ماضحكت ههههه
حياج الله ياقلبي نورتي الموضوع
^ ^
عطيتيني احساااس حللوووو مشكووورة بنت احلام ممممم نفسج بصراااحة محيرني هالموضوووع البنات مايقصرووون يفيدونا |
حياج قلبي الموضوع هاذا عشان تستفيدين
منووووووووره
الاشراف الاداري قوى شخصيتي حيل 00 وخلاني جريئة
مثلا : الابلات اللي كنت كاشة منهم 00 صرت اتعامل معاهم بطريقة حلوة خلتني اخذ واعطي معاهم
مثلا ادز بنية تاخذ اغراضهم واحطها بالصف ولما تجي الابلة تشوفينها تشكرني وتبتسم وكنت ادز نفسي بالكلام معاها
طبعا باللباقة، فكونت صداقات شوي معاهم وصاروا يعزموني على قهوتهم واقعد معاهم واتجرا شوي بسالفة وسالفتين اراجعهم بمخي قبل ما اقولهم
هم الاشراف الاداري خلاني احتك بالادارة ، فكانت وكيلتي حدها مستانسة على اشرافي وانضباط صفوفي مع اني مافتنت على اي ابلة تتاخر على اي حصة ( ترى ما نقلت من مدرستي وإلا كم ابلة خاطبتني تقريبا اربعة او خمس والله العظيم واخر وحدة فيهم خطبتني لولد اخوها وتم الزواج لووول )
المهم ومدحتني الوكيلة عند الناظرة فكانت مستانسة واحيانا تناديني تسال عني شلونج يا ابلة 00 فشوي شوي تجرءت زيادة
بالحصة لما احضرت رئيسة القسم مع الناظرة كلهم : اول مرة يزوروني 000 خبصت تخبيصة سنعة 00 بس عدت على خير بما اني جديدة ومادري وين الله قاطني
السنة اللي عقبها هرتني رئيسة القسم بالزيارات لما انتقلت لمدرسة ثانية
بس كنت اتخيل انها مو موجودة او صايرة استكر كبير عالطوفة او اطالع الوسائل اللي فوقها 00 المهم اني ما احط عيني عليها 00 نفس الشيء سويته مع الناظرة 00 اوووف سببوا لي توتر
عقبها اللي يبي يدش 00 يدش واللي يعجبه تدريسه حياه الله والي مو عاجبه ويبي زيادة ماله فايدة 00 لاراح عندي ولا جا 00 لان اهم شيء كان طالباتي وانطباع وليات الامر عن تدريسي 00 والحمدالله الكل يمدح تدريسي بفضل الله
الاميره جووري الله يستر بسسسسسسسس ويعيناااااااااا
اكيد في رهبه بداية الامر مكان جديد ونزلتي ميدان العمل وانتي ولامره مسكتي صف
بس لااازم تهيين نفسج
وانا من قبل مهيئه نفسي
وحضرت اللقاء التربوي اللي سووه الجامعه
وتكلم دكتور فايز الظفيري الله يجزااه خير عن كل هالامور اللي انتي تسالين عنهاا وعن كل شي
وان حتى الانسان اللي وااثق من نفسه لابد يحس بالرهبه بداية وخوف من دااخل
لاازم تثبتين نفسج من البدايه
لان الانبطاع الاول هو اللي راح يثبت في ذهن رئيسة قسمج والموجهه
واناا يصراحه خذيت نصايح البنات اللي نزلواا قبللي وشلون تقبلواا وجود الموجهه ورئيسة القسم بالصف
وشلون نتغلب عالخووف
باختصاار
لاتعتبرين انهم موجودين ولااطالعينهم ابداا عشان ماتتشتتين
ونفس ماقلت لج قوي نفسج من دااخل عشان تقدرين تبدعين وتسوين اشياء انتي ماكنتي حاطتهاا في بالج
وبتشوفين الامر سهههههل حيـــــــــــل
وبالتوفيـــــــق
الله يوفقج
ذكرتيني بالذي مضى
بس لحد يضحك علي (انا ضحكت وخلصت في اول الكلام)
اول يوم اروح فيه التربية العملية خليت امي تنزل معاي وتقعد معاي وقعدت عند الاخصائيه ترى للعلم كنت حامل يعني مو توني ياهل
جني بنت بالروضه واقول حق امي لا تداومين خلج معاي
المهم اشوي اشوي تعودت على القسم لانهم كانو صغار وحلوين
واغلب المدرسه اعرفها لان امي كانت فيها
وانا اشوي واتعود ع الكل
وان شاء الله يكون في ميزان حسناتج
بس مهما تكونين توب لازم تغلطين وتخافين كأول مره
بعدين عادي
وموفقين
توقعي غير المتوقع بما انج طالبة ميداني و محاسبة بالدرجات
و اكيد الكل يبي درجة كاملة عشان جذي ،، المفروض تكونين مستعدة لحصتج من جميـــــــــــــــع النواحي:
-تحضيرج 100% يعني اهدافج مكتوبة و العرض كامل و مضبطه دفترج لأن ممكن بأي لحظة رئيستج أوالموجه يدشون !!
-تكونين محضرة ذهنياً ، يعني قارية الدرس عدل و حالة الأسئلة اللي بالكتاب كلها عشان تعرفين شنو المعلومة اللي المفروض توصلينها ،، و يكون تحضيرج شامل لكل صغيرة و كبيرة بالدرس
-بطاقاتجوسائلجالأجهزة اللي تحتاجينها جاهزة و مناسبة للدرس و مكتوبة بالتحضير
-تكونين منظمة و تمشين لصفج قبل لا يطق الجرس ب 5 دقايق عشان تضبطين صفج و اذا محتاجه بروجكتر تجهزينه و تتأكدين ممكن يكون خربان!! تعدلين شغلج و أغراضج و سبورتج و اقلامج و تكونين مرتاحه نفسيا بصفج ،، وتاخذين الغياب فبداية الحصة
-اول ماتدشين تخلين البنات ينظفون الصف و يعدلون طاولاتهم اذا احتاج الأمر ،، و تخلينهم يطلعون كتبهم و تتأكدين من أدواتهم كاملة ولا لأ ،، لأن ممكن تتوهقين تبين منهم شغلة و يفشلونج ابلة ماعندي ابلة ابي و من هالسوالف ،، فلازم في عقاب و تبينين للموجه و رئيسة القسم انج مهتمة و تحاسبينهم
-الكتب تأكدي من تصحيح درسج و اذا كانت الأبلة ماتصحح و قاطه التصحيح عليج نبهيها ،، و اذا ماحلوا واجبج نبهيهم و عاقبيهم ،، لأن ممكن يسائلونج ليش مو حالين؟؟
-لما تعطينهم سؤال معين خصوصا ابلات الرياضيات لازم تكونين حالته و تعطين البنات اسئلة متنوعة و شاملة لمعلومات الدرس
الحين لو سويتي كل الكلام اللي كتبته فوق
المفروض تكونين واثقة من نفسج و ما بقا عليج الا الشرح و بس!!
و الحين لو فجأة دش عليج أحد سواء كنتي فبداية أو نهاية الحصة
تكملين ولا كأنه في أحد ،، مجرد تقولين حياكم الله و تحطين كراسي لهم و بس
و لما تكونين قاع تشرحين لا تطالعين الضيوف ،، لأ المفروض تشرحين عااااادي على طبيعتج صوتج و حركتج كأن بس انتي و الطلبة
و اذا قاطعوج اثناء الشرح ولا حصل اي خطأ منج عاااادي لا تتوترين انتي انسان مو ملاك المهم تصححين خطأج بكل ثقة و بدون ارتباك و تكونين كووووول ،، هالنقطة راح تتسجلج ما تتسجل ضدج لأنج سيطرتي على نفسج
و صدقيني اللي شغلها كامل و محضرة تحضير ذهني ما راح تخاف و راح تشوفين بنفسج
الا الخجل عادي ممكن تتغلبين عليه بتجاهل الضيوف يعني لا تطالعينهم و بس
المها ياقلبي ماقصرتو على المرور
المها حبيبتي نصايحج بالصميم الله يجزاج خير