|
|
السلام عليكم
بنات انا متزوجه وحامل الحين الله يسهل علي
زوجي مميزاته فوق سياته بس اكيد في شويه مشاكل
مشكلتي الحين بابوي
خلوني اعطيكم نبذه عن ابوي ابوي انسان شديد وعصبي وكنت طول عمري اقول صح عصبي بس قلبه ابيض
حيل مستحقر امي مع ان امي خوش مره مي مو موظفه وابوي مايعطيها مصروف صارت تاخذ من ابوها وشوي بعد مو واجد وهي مقصره على عمرها عشان تعطي منهم خواتي واخواني
لا يودي ولا يجيب ولا تلفزيون الا تو لمن بدت الناس تتكلم عنه صار لمن يودي يدق على امه محمد عشان يدرون ويقول لامي فلانه دقي على خواتج قولي لهم همه الفلوس حتى لمن يزيدونه او منحات الامير مانشوف منها شي
مصروف المدرسه مافي الا اخر الاسبوع يعطي كل واحد خمسه لكم طول الاسبوع كيفكم تبون تشترون مطعم والا تخلونها للمدرسه
المهم هالظروف خلتني اشد حيلي واتخصص كنت ابي الحياه ولمن شفت خطاطيبي واجد قلت اتزوج والحمدالله توفقت بس ابوي يدخل نفسه بعدين يقلب علي ليش دخلتيني
اي نسيت اقولكم مهري صار لي وشريت لبس امي وخواتي وسويت الاستقبال منه لاني مو موظفه
حتى اخواني ثلاث مالهم بالدراسه بس قرروا يجيبون نسب عشان يطلعون برا ويقولون لولا امي وخواتي مانرد بالعطل التربيه عنده دراسه بس تسقط تغيب ياويلك وكلمته متى تتخرجون وتعطوني ادري الابن وماله لابيه بس مو جذي اخذ مني اعانتي مالت الجامعه لمن تزوجت ويقول احمدي ربج مااخذت من مهرج لو انج بنت باره عطيتيني منهم وانا اللي ملبسه ومكشخه البيت وخواتي وامي منهم
المهم الحين حاطه على زوجي ليش مايسفرج ليش ماجاب خدامه عشان تقابلين دراستج ليش وليش انتي مو ملزومه تغسلين له ملابسه مو ملزومه تغسلين وتنظفين ان بالاساس ماكان يبيني اتزوج عشان يظمن انجح واتوظف والمعاش
المهم امس عندهم وشوي تش بيني وبين زوجي بس مااقول لابوي بس اللي ابوي عارفه اني تاخرت الخميس والاربعا عن الجامعه لان زوجي سهران ونومه ثقيل ودقيت على اخوي وابوي سمع قال لي دقي عليه قولي لاتجيني الا تحط لي سايق والا تسوقني علما بان ابوي مايبي امي ولا خواتي ولا انا قبل نسوق دقيت قلت لزوجي وصعدت فوق الازوجي يقول انا برا اطلعي نزلت اغراضي وحطتهم الخدامه بسيارت زوجي الا ابوي يقول لي وين قلت بيتي باجر مدارس قال ليش ماتستاذنين اقعدي ماتروحين وقولي له ان ماجبت سايق وخدامه طلقني عاد ابوي قبلها يسولف عن معاش المطلقات وانهم ياخذون سايق ومدري شنو وزوجي يدق يدق صارله نص ساعه برا
قلت يبه على عيني وراسي اتفاهم مع زوجي بالبيت هو برا الحين جان يقول تختارين زوجج انقلعي غضبان عليج خل ينفعج قلت يبه فشله الرجال جا على نياته واغراضي بالسياره جك بم اقوله طلق والا موحلوه
وثار علي وطردني وقال يامهانه انا هاينج
دق لمن وصلت شقتي قال بطلق امج واطردها ويا خواتج علما بان ابوي موقع امي على تنازل ان البيت كله له مولها
وياويلج ان دقيتي عليها واخوانج ان احد كلمج اطرده من البيت وجعل ذريتج للهلاك طبعا زوجي مايدري بكل هذا ولا اشوفج معتبه باب البيت
بس شذنب امي وخواتي واخواني
ودق اليوم قال انا والا الرجال قلت له لك اللي تبي يبه بقوله يطلق قال شعقبه الحين لا تطلقتي روحي عيشي بالصوابر
ليش جذي وهل غلطت لمن رحت مع زوجي
شسوي
ابوي ادري ماراح يعزني اذا بنفس اليوم ع العشا معطي البنات عشره ع اساس ياخذون خمسه يشترون مطعم المهم طلع حسابنا 11 عشان طلبوا لي ولجدي وامي
قال لامي وين الباقي انا مو ملزوم فيج وببنتج
نصيحتي لج تتمسكين بزوجك لانه مبين عليه طيب وحرام تخسر ينه وأحذرك من طلب الطلاق انتبهي
وأبوك أكسبيه بالكلمه الحلوه والدعاء
أبوك الله يهديه وادعي له
لما قال راح أطلق أمك. يمكن يستخدمها ضدك تهديد
وحات لو طلقها راح يكون هو الخسران لان حوزتها مخزوم يمشي لها معاش وبيت وسائق وخدامة
أكثري من الاستغفار واطلبي ربك
بس ابوج قاعد يهددج ومستحيل يطلق امج لان اهو الخسران
ولاتطلبين الطلاق نصيحه انتي الخسرانه مو ريلج
والله مادري شقول الله يعينج
المره من غير ريلها ماتسوى
بس ابوج قاعد يهددج ومستحيل يطلق امج لان اهو الخسران
ولاتطلبين الطلاق نصيحه انتي الخسرانه مو ريلج
والله مادري شقول الله يعينج
بس أسلوووب أبووك غلط في غللللط
خلي رريقك حلووو معااه ولاتهدمين بيتك …~
والله يهديه ويسخره لك ..’
ماغلطتي لما رجعتي مع زوجك ، وخليكي ببيت وعند زوجك واولادك ، لانه ابوكي عشان مطعم قالك انا مو ملزوم فييكي ولا ببنتك ، كيف لما تطلقي؟ ماحد رح يسال فيكي وبعدين تطلقي عشان شو ؟ سبب جدا سخيف وتافهه
لاتردي على ابوكي ولا تتأثري بكلامه الله يهديه وادعيلو بالهدايه افضل شي واحسن شي ، وماعليكي حبيبتي انتي صح والله يهدي بالك يارب
وبعدين قصي على ابوج قولي له قلت له طلع لي سايق وطلع بلي س ان فتره صباحيه يوصلني ويرد بيته يعني مو سايق عايش وياكم 24 ساعه عرفتي عشان تسكتينه وبنفس الوقت لين قال وين سايقكم يعرف ان انتوا تعطونه معاش نص يوم ومو مخصوص لكم
لاتفرطين بريلج اذا على عشى يقول مو ملزوم فيج
الحمد الله والشكر وهو الخسران ان طلق امج بيمشي نفقة خواتج ويصرف عليهم غصببببا عنه
ما ادري شنو انصحج فيه
بس مهماااا يصير
هذا ابوج تحملي واصبري ولج الاجر باذن الله
وزوجج نصيحه نصيييييحه لا تقوليله عن مشاكل
بيتكم لو شنوووو يصير
لو ابوج يسوي اللي يسوي لاتقولين اي شي لزوجج
باجر والله يعايرج والا يقول ماعندج ظهر الا ابوج مايبيكم
ومن هالسوالف..
باجر باذن الله بتنحل المشاكل ابيتكم و تهدى اموووركم
و
زوجج ماراح ينسى مشاكل بيتكم نصيييييحه لا تقوليله ولا شي
عن مشاكلكم …
علييييج بالاستغفاااااار والصدقه
والله ييسر امووووورج يارب
وربك بيسهلها وعليك بالدعاء
وأنتي انتبهي تتطلقين من زوجك أنتبهي انتبهي أنتبهي
دام أبوك غرضه الفلوس بس وبيعيشك جحيم خليك مع زوجك أبرك لك
والله يعينكم يارب وأن شاء الله بيكبرون اخوانك وبيعوضونكم عن كل شيء ويصرفون عليكم هذا اذا ماكان ياخذ رواتبهم
الله يارب ياعزيز ياقادر يسخره لكم ويهديه ويفرج كربتك