حموووووولتي الجميله منو نفس حالتي

دايما اسال نفسي ويضيق خلقي على نفسي

ودايما اتحاشى اي احد احس انه راح يسالني شلون خالتج وشلون حمولتج

ووايد صار وسالوني شلون خالتج وشلون حمواتج وانا ارد واقول والله حمدلله بخير ويسلمون عليكم مع ان طل والله ما دروا عن هوا داري ولا داركم

لان وبكل اسف انا مو نفس الناس

ولا حمولتي نفس حمولة البنات سواء البنات اهلي ولا رفيجاتي

يعني عند اهل ريلي ماعندهم زواره اسبوعيه نتيمع ونسولف ونضحك

وخالتي انا مو ميانه معاها لاني ماقعدت معاها نفس الاوادم وطول سنين زواجي والله المرات اللي قعدت معاها يمكن ما تيي 20 مره

وانا اصلا مارتاح لها لان احس لا مو احس الا انا واثقه من هالشي انها ماتحبني

يعني انا اتمنى ان خالتي تصير مره سنعه ونفس خالات رفيجاتي وبنات عمتي وخوالي يعني ليه ييه العيد تدق على امي ويداتي تعايد عليهم وبكل مناسبه تدق تبارك

اهيا عمرها ما يت عزا من عزا اهلي تصدقوووووووون

وانا مابي احد يقولي انتي صيري زينه معاها واهيا راح تصير زينه معاج لان الله الشاهد علي اني اوجبها وعمري ماغلطت بحقها حتى امي بالمقابل بكل مناسبه تدق وتسال بس اهيا كلششششششششش باختصاااار اهيا مو سنعه ولاتعرف الواجب وبس تبي الناس اهما اللي يوجبونها وتتشره اذا محد سال عنها

والله يابنات لدرجة قمت اقول حق ريلي عيالي باجر ليه كبروا ماراح يمشون مع عيال اخوانك وخواتك لان احنا الحين مو قاعدين نشوفهم ولا قاعدين نتيمع شلون بعد جم سنه

وانا ادري فيه منكم بتقول شلج بالحموله وعوار الراس انا ماقلت ابي اسكن عندهم بس كل اللي ابيه علاقه طبيعيه نفس الناس ونتيمع لو مره وحده بالاسبوع

بنات فيه احد نفس حالتي

لو مرت اخوج ما شفتوها الا 20 مره من تزوجت اخوج

تتوقعون تكون نفس غلا اللي كل يوم تتصل وتسأل عن خالتها او تمرها بشكل اسبوعي ؟؟؟؟؟؟؟

وقصة ما تجمعًكم… كل اسبوع

اتوقع هي حرية شخصية

خليج انتي سنعه ولمي العايله كلها ببيتج كل شهر

اذا قلبج على عيال العم وعيال العمه يصيرون على قلب بعض

<<<<<كافي تعذيب بهالخالات العجايز اللي اتعاطف معاهم قلبا وقالبا

انا ما اظلم ولا احب الظلم

وانا لما قلت اني مو ميانه معاها مو لاني شايفه نفسي عليها او اني ما اوجبها

بالعكس انا اوجب واروح بس كل روحه لازم تقط كلمه لازم تعليق سواء علي او على عيالي وانا ماقولج عادي لا والله انقهر واشيل بقلبي واسكت

بس لما اقول اني مو ميانه لان اهيا نظراتها وحجيها يقولي ماحبج فمن جذي انا اصير رسميه معاها

يعني الحق مو علي اهيا اللي تنحش الناس منها ولا لو فيها خير جان ما قاطعوها خواتها

واهيا مو عيوز انشط مني ومنج لووول

والله اني اعاملها نفس امي بس اهياا نسره

شدعوا عليكم انا مو منزله موضوع اتشكى فيه من خالتي

لا بس انا بشوف الوضع اللي انا فيه عل هو وضع اشترك فيه مع بنات وايد ولا انا وحيده بهالشي

وين ايمعهم انا ماعندي بيت

وانا ماقلت اهيا ماتزورني انا مازورها لا مولهدرجه عاد

انا معاج 100 % بس الله يخليج صرنا اغراب مو اهل