حمولتكم والعيد

السلام عليكم ورحمه الله وبركاته

شلونكم ان شاءالله بخير

وكل عام وانتم بخير مقدماا ..

بنات اناا ساكنه مع حمولتي .. وحزه العيد انزل على الساعه 10 جذي عشان اسلم على خالتي بس

الصراحه احتار شنو البس لان مابي البس بدله العيد الا اذا رحت زوارت سوا مع اهل زوجي او مع

اهلي ..

فانزل بدراعه نفس مالات دراعات ساره والطقه هذي وبشيله لان اخاف يمرون حمواي او شي

وعقب اصعد اكشخ والبس بدله العيد … واروح مع اهل زوجي او اروح حق اهلي

انتم نفسي جذي ولا شنو قولولي شنو نظامكم لمن بتنزلون عند حمولتكم تلبسون دراعه او بدله ولا

بدله العيد واذا كنتي محجبه تنزلين بشيله ولا شلون الوضع . وشنو نظامكم بعد بالزورات من اول يوم

لاخر يوم .. والله يجزاكم الف خيرر

up up up

،

انا موساااكنه مع حمولتي ماقدرافيدج
واساسا حمولتي مو كل عيد ازورهم

خلي كشختج مره وحده كشخي عآدي وانزلي والعصر بدلي على كيفج علشان اخف
وبصرآحه اول مره اسمع هالحركه منج

انا قعدت عند حمولتي فتره وطبعا بالعيد انزل بدراعه واكون لابسه الشيله وحاطه مكياج خفيف مال البيت واذا بطلع اروح البس بدلة العيد بس بالبيت ماله داعي بدله

بالنسبه لي البس بدلة العيد عند اهل زوجي وانزل الساعه 7ص

ونتغدا 10 وروح بيت اهلي…والعصر البس بدله الثانيه وابدء زواره

والعشاء البس جلابيه…..وبث

أولا الصبح ألبس دراعه جديده وملفع مرتب وأضبط مكياجي
ثم أنزل أسلم ونعايدهم ونتريق عندهم
ونستقبل ضيوف (جيرانا العجايز بس ) وعساعه 10 ونص اصعد البس بدله العيد والبس عبايتي ونروح بيت أبوي لانه كبير العايله الله يحفظه يكون جمعه العايله كلها نتغدا ثم كل واحد يرد بيته

انا مو عندهم بس لازم اروح لهم الصبح واكون كاشخه ولابسه لبس العيد لان يجونهم ناس

حبيبتي كل بيت يختلف عن الثاني

طريقتج هذي جدا مناسبه اذا ما في احد لما تنزلين

فما له داعي الخبه

لكن اذا بيستقبلون احد لازم تكونين توب ومتجهزه 

ع الساعه ١٠ انزل ببدلتي مالت العيد ومكياجي واكيد مبطله شعري وكاشخه ع سنقة عشره
مايدخلون حمواني داخل اهما بالدوانيه واحنا الحريم داخل
اقعد ساعه ساعه وشي عقب اروح لهلي بكششششششختي

حلوو بس ضحكتيني يابدوية وايد موساكنة مع اهل زوجج يعجبني كذا استقلالية وصدق الواحد يعيش حياة زوجية صح طبعا احنا بسعودية بشقق بروح بس هم ناس مع الحمولة وكذا بس عاد هم ماتروحين لااهل زوجج كالعيد هههههههه واللة انج عوبة تعجبيني لي قلت لاامي بشرط اني اسكن بروحي واهل زوجي بكون معاهم رسمية مودايم ازورهم قالت امي خلي الرجل يجي ولاانتي نفيسة مادانين ازحف وراك امي تحطيم

لا انا كشختي اخليها مره وحده يعني البس واكشخ وانزل لـي الغدا
وعقب اروح لأهلـي

خلي نزلتج لهم مره وحده عيل لما تكشخين وتلبسين نزلي لهم .. احسن ..
بس اذا انتي حيل معاهم وحسبت بنتهم نزلي مافيها شي ..

انا موعند حمولتي واذا رحت اروح على سنقت عشره

بس افضل انج تلبسين وتكشخين مره وحده احسن عباله كل شوي صاعده ونازله

يعني كشخي وتمكيجي ونزلي عبااايتج وملفعج والجنطه معاج عشان تقعدين شوي وتروحين لاهلج

لا احس فرحة العيد لما تكونين بكامل اناقتك البسي مره وحده