حمله للتحاقنا بالسلك العسكري – حياكم

السلام عليكم
شلونكم بنات شخباركم عقب العيد
إن شاء الله بخير

موضوعنا عن دخول البنات الجيش من جم إسبوع إكتبت العضوه mtwhgh عن هل الموضوع بس لاسف تم إيقاف عضويتها والموضوع مو راضي يمشي
عشان جذي برد اكتب الموضوع بعد إذن اختي mtwhgh

طبعا احنا مجموعة بنات ودنا ندش الجيش ومثل ما تعرفون القانون ما يمنع دخولنا بس الموضوع مو مدروس ودنا لو كل بنت تعرف مسؤل ولا أحد يقدر يساعدنا انها تكلمها والله يجذاها كل خير

طبعا أنا راسلت الكاتب القدير فؤاد الهاشم وناطره رده وودي أراسل النائبات عشان يتكلمون عن هل الموضوع
إذا ممكن احصل ايميلات النائنبات أكون شاكره لكم

ممكن نسميها حمله ولي يبي ينضم لنا ويطالب بهشي ويدعمنا حياه الله

ناطره تفاعلكم

up up

اب اب
الله يوفقكم بنات و مافيها شي لو وقفتو و حطيتو ايدكم مع الرجال و حميتو الديرة : )
هاذي الكويت تستاهل نفديها بأرواحنا

من صجكم ؟

سلمووولي عالانووثة

الله يوفقكم واهم شي انها مهنه شريفه وتحمي البلد
ومو عيب البنت تحمي ديرتها وهالشغله مالها شغل بالانوثه

اب اب

الله يحفظكم انشالله ويحفظ الكويت قولوا امين

بنات شوفو المقال
رفيجتي دازه حق فؤاد الهاشم عشان يتكلم عن الموضوع
عسى يا رب وزارة الدفاع تستجيب ونسمع البشاره قريب
https://www.alwatan.com.kw/Default.as…icle_id=557833

يالا بنات نبي ايميلات النائبات
شدو حيلكم شوي
أب أب

معاها

وجهه نظر..

قلت الوظايف اللي بالديره ما لقيتوا الا الجيش شدعوه اللي فيها مكفين واكثر وما اتخيا بنت لابسه لبس جيشي وسلاح

ضد انوثتنا وفطرتنا

يخوفي يجي يوم ما افرق بين الرجال والحرمه حتي بالوظايف.؟؟!

ومشكوره

العفو بس شدخل الآنوثه بالموضوع ?!!!
أب أب

شكو الانوثة ؟!
تعالو شوفو الاجانب قمة الانوثة حتى مع رياييلهم و مع ذلك يحاربون بالجيش !
و حتى على ايام الرسول هالشي كان موجود يعني لاهو عيب ولا حرام بالعكس والله منو ما يتمنى يستشهد في سبيل الوطن ؟؟

يعطيج العافيه حبيبتي
كلامج من ذهب
أب

الله يوفقكم ويحقق لكم مبتغاكم…~