|
|
السلام عليكم ورحمة الله وبركاته
مرحبا بنوتات شخباركم 
ياقلبي انتو هذي الحمله لكل وحده تأأخرت في الزواج وتتمنى ان ييها النصيب الزين 
حملة ذكر تجاربنا مع الاستغفار بنية الزواج
بنستغفر يوميا كثرررررررر مانقدر بعد الصلوات وقبل النوم وبكل وقت
هذاااااااااااا الموضوع موللاستغفار هني لااااااااااااااااا هالموضوع بس نكتب شصار معانا ونشجع بعض ونقول شنو يصير معانا
و الصبر مفتاح الفرج
قال تعالى:
"فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّاراً يُرْسِلِ السَّمَاءَ عَلَيْكُمْ مِدْرَاراً وَيُمْدِدْكُمْ بِأَمْوَالٍ وَبَنِينَ
وَيَجْعَلْ لَكُمْ جَنَّاتٍ وَيَجْعَلْ لَكُمْ أَنْهَاراً "
قال الرسول صلى الله عليه وسلم فيما معناه
(من لزم الإستغفار جعل الله له من كل هم فرجا ومن كل ضيق مخرجا ورزقه من حيث لايحتسب)
وبنساعد بعض بالادعيه وكل شي يسهل الزواج
وهذا موضوع حكم الاستغفار بنيه معينه
https://q8yat.net/showthread.php?t=168783
نبي نشجـــع بعض ونذكر تجاربنا مع الاستغفاااااااااااااااااااااار كل يوم
وتحياتي لكم
كويتيه خطيره
ملاحظة مهمة:
ممنوع الذكر الجماعي وارجو الالتزام بالقوانين وتم حذف جميع الردود المخالفة
ان شاءالله انا بحاول استغفر بعد كل صلاة اكثرمن 500مره
وان شااءلله اذا صار شي بقولكم بالتفصيل 
نبي حماس وتشجيع
وجزاك الله خير
بنات اهم شي الاستغفار يكون بقلب حاضر ونيه صافيه وحسن الظن بالله والله كريم
وين التشجيع بناااااااااااااااااااااااااااااااااااااااااات
وين الحمااااااااااااااااس
ان شاءالله يستجاب دعانا في هذه الجمعه
ومره انا رفضت لأن كان عمري 19 واهو 21!! ما حبيت هالفكره..
ومره رفضته لان من جنسيه ثانيه..
ومره.. بدون ذكر السسبب..
والحمدلله ان شاء الله تكون لي خيره..
واهم شي الاستغفار..
والله يرزقج يااا قلبي عن قريب..
برجال صالح..
وكل بنات ديرتنا يااارب..
والله يجزاج خير..
وعليكم السلام ورحمه الله وبركاته …
حياج الله كويتيه
قريت موضوعج بالقسم الاجتماعي ، عساها تكون خيره لج
وإن شاء الله المره الجايه تتم على خير .
بس بذكرج بحديث الرسول صلى الله عليه وسلم قال(دارو اموركم بالكتمان)
إذا صار شي لا تعلمين أحد على طول نطري خل يتم الموضوع على خير وبعدين إنشرررررر
لان الواحد ما يدري عن نفوس الناس واللي في قلوبهم !!
نرجع لموضوع الاستغفار بنيه الزواج
أنا بعد راح إبتدي معاج في هالحمله ولنفس السبب
شرايج نسوي مثل الجدول نعلقه في الغرفه، يبتدي الجدول من رقم 100 ، 200 ، 300…….وينتهي بـ 1000
ونحط صح على بعد كل 100 استغفار، وبآخر اليوم نشوف جم مره استغفرنا وبكل يوم نحاول نزيد.
طبعا لازم تكون النيه رضى الله بالاول وطلب الغفران والرحمه منه، وبعدها تكون نيه الاستغفار بأن الله يرزقنا بالازواج الصالحين .
قصه سيدنا موسى عليه السلام عندما دعى رب العالمين وهو جالس تحت الشجره وقال(ربي إني لما أنزلت إلي من خير فقير)
وبعدها رزقه الله بزوجه صالحه.
فالواحد يكثر بعد من هذا الدعاء لتيسير جميع الامور موشرط الزواج بس .
وإن شاء الله قبل ما تنتهي هذي السنه إلا وإحنا مالجيين
|
المشاركة الأصلية كتبت بواسطة نور الكويت$$
 ان شاء الله
والله يجزاج خير.. |
اهم شي التواصل فديتج
انا تحوشني دوخه من العد فاستغفر كثر ما اقدر
بنات تركو الاغاني عنكم والله تركها بركه
انا من تركتها قمت املي الفراغ اللي صارلي بالاستغفار
مثلا انا لما اكون قاعده عند المنظرة اسوي شعري او البس او اي شي اقعد استغفر استغفر مع ان اول كنت اغني لوووول
بنات شرايكم
يقولون ان سيد الاستغفار احسن ..وقعدت ادور عليه شنو صيغته واضن هذي اهي
(استغفر الله الذي لا اله الا هو الحي القيوم واتوب اليه)
صح؟؟
{ اللهم أنت ربي لا إله إلا أنت خلقتني وأنا عبدك وأنا على عهدك ووعدك ما استطعت أعوذ بك من شر ما صنعت أبوء لك بنعمتك علي وأبوء لك بذنبي فاغفر لي فإنه لا يغفر الذنوب إلا أنت}