حملتي أنا غير . حمله تخص الغازات :)

الحين بنات انا وحدة اعاني من هالمشكلة بشكل فظييييع …. يعني بشكل يومي …انا راجعت وايد دكاترة اللي قال قولون عصبي واللي قال سوء امتصاص واللي قال غدد واللي قال المعدة ضعيفة …. وأخر شي يطلبون منج منظار … والمنظار صار جنه حلاوه … انا اللي بعرفه اهلنا أول لا يعرفون لا منظار ولا بطيخ ….

الحين احنا نبي الحل … صح ؟؟؟ تعالوا نشوف الصح و تعالوا شوفوا شكثر جهازنا الهضمي مسكين والله يعينه علينا …

الخطوات :
بنات لازم نفكر قبل لا ناكل مو بس أكل وخلاص …..
أهم خطوة: مضغ الطعام جيدا جيدا تعالوا اقول لكم ليش : عدم مضغ الطعام جيدا يؤدي الى انتفاخ البطن والغازات و تعفن بقايا الطعام في القولون عشان جذي نسمع أصوات … ويؤدي بعد الى سوء امتصاص العناصر الغذائية مثل الفيتامينات والحديد.
الصبح :
أول شي خل نبدي بقفشة عسل طبيعي وبعدين وجبة فطور مفيدة مثل توسته وعصير أو حليب أو بيض يعني أكل مفيد
وعلى فكرة وجبة الفطور تساعد علة التمثيل الغذائي …

وجبه خفيفة : مثل عصير أو سلطة أو شاي أخضر , بسكوت دايجستف لانه يحنوي على الياف , سلطة فواكه ..

الغدا : نمضغ عدل عدل والغدا خل يحتوي على لحم او دجاج او سمج مع سلطه

ننطر مو نركض ونروح نحلي انجابل الحلوو … خل نصبر الاكل ما راح يطير وخل تعتبرها سناك

العشا : خل يكون مبجر عشان المعدة يمديها تهضم مثلا تحتوي على لبن او روب أو فواكه .

بنات نصيحة قبل الاكل بنص ساعة شربوا ماي نعناع مغلي وايد زين حق انزيمات المعدة وبعدين لازم نشرب من 6-8 اكواب ماي و بنات اذا احتجتم الحمام عزكم الله روحوا عشان ينتظم الجهاز الهضمي وطبعا المشروبات الغازية حطوا عليها اكس … وخلاص الرياضة بتصير شي أساسي بحياتنا

ما قصــرتي ..

واضيف عليها ..
البنت لازم تـدفي نفسها عشان ما يدخلها الهـوا ..
يعني تلبس دلاغات خاصه بهالبرد الحين ..
وتدفي نفسها من تحت ..
وبعد كل وجبه مثل ما قلتي تشرب مغلي النعناع ممتـاز ..