|
|
السلام عليكم ورحمة الله وبركاته
________________
اليوم راح أطلب منكم طلب، أبي كل وحدة فيكم اتييب ما يلي :
اسفنجة/ كلوريكس/ ماي/ ماي ورد
لا تخافين مابيج تغسلين زوليتكم 
أبيج تغسلين شي ثاني، شي قال عنه رسولنا عليه الصلاة والسلام
إذا صلحت صلح الجسد كله، وإذا فسدت فسد الجسد كله
تدرون شنو أهوا؟ قلبج يالحبيبة .gif "Eh S(21)")
سالفة قديمة، هوشة، touch بينج وبين رفيجة ولا بنت خالة
نقطة سودة بقلبج، شايلة بقلبج عليها ..
لي متى بتظل القلوب شايلة على بعضها؟ ولي متى الزعل؟
ألم يحن موعد التسامح؟ ما يا الوقت اللي لازم نقول فيه خلاص !
انتهى اللي فات، مسموحة ..
غلطت بحقج؟ عورت قلبج؟ طعنت فيج من وراج؟
تخيلي على قد ما انتي تأذيتي منها، تسامحينها !
شنو بيكون جزاج عند ربج سبحانه؟
ما تبين تكونين من اللي مدحهم الله، حين قال تعالى :
[ والكاظمين الغيظ والعافين عن الناس والله يحب المحسنين ]
شتسوى هالدنيا، والله ما تسوى تعورين قلبج وتشيلين على أحد
اللي فات مات، واللي غلط بحقج الله يسامحه خلي قلبج أكبر من جذي
وابن آدم خطاء هذي طبيعتنا إحنا البشر !
إحنا شنبي من هالدنيا؟ غير رضا الرحمن؟
وعشانه كل شي نسوي، إذا كان يحب إن نسامح اللي أخطؤوا بحقنا
نسااااامح واحنا راضيييين ونقول الحمدلله جانه هالشي بيزيد من أجرنا عند رب العالمين
ما أبي أطول عليكم بس نبي نسوي حملة الغرض منها إن نسااااااااامح
ونبي بهالحملة نتذكر منو غلط بحقنا؟ ونقول يا رب سامحته، سامحه يا رب
ونقول يا رب سامحت عبادك، يا رب سامحت كل من غلط بحقي
يا رب سااااااااااااامحني وعوضني خيراً في الدنيا وفي الآخرة وارزقني جنتك ..
أبيج تغسلين قلبج بالكلوريكس وتنسين كللللل اللي فات
أبيج تفركين قلبج بالاسفنجة وتمحين كل ذرة حقد أو حسد أو كره
أبيج تصبين الماي على قلبج وتطهريييييينه من كل ذنب
أبيج تعطرين قلبج بماي الورد، بذكر الرحمن يا أمة الرحمن
والله سبحانه قال : [ ألا بذكر الله تطمئن القلوب ]
منوووووو معانا بالحملة؟؟؟
والسلام عليكم ورحمة الله وبركاته
وووونااااسه انا اول وحده بالحمله
شوفي يالغاليه
انا الحمدلله وبفضل من الله احب كل الناااس ومافي بقلبي ذره على احد الحمدلله
لكن
في وحده الله يهدهاااااااااااااااااااااااااااااااااااااااااااااا ااا
كل ما اقووول خلااص سامحتها ومافي شي بقلبي عليها لوجه الله
واضحك واشق الحلج لها واعتبرها اختي وانسانه حبيبه
بس ما تمر الالحظااات او دقااايق الا وقطت كلمه على الماشي وهي تضحك
طبعا انا ماااراد عليها كلعاااده اسكت ,,,,,,,
وهلم جره انا ماني عاارفه ليش تسوي جذي
واذا
اذا
اذا
واجهتها طبعا هذا نااادر ما اسويه
تدرين شتقول لي
تعطيج نظره براءه انا مو قصدي ,,,,,,,,,,
او تتأسف وتقولي انسي كل شي
وما تمر زواره ثانيه
الا وترجع حليمه لعادتها القديمه
ولا بعد ما تصافينا خلاص
واشوفها تضحك جدامي
ترد تفتح الموضوع مره ثانيه وهالمره تطلعني اانا الغلطااانه بحكم اني نسااايه وهي تبارك الرحمن ما تنسى شي
ف هالمره اللوم علي
اف استغفر الله شقووول وخلي ع الله
محد متعبني بحيااااتي ويضايقني غيرهاا
الله يهديها
وياج حبيبتي لج من الخير مثله بإذن الله ..
ما عليه يا قلبي تحمليها شتسوين بعد ما يصير تقطعين أهلج عشانها
وحااااولي تاخذين كلامها على محمل الغشمرة ولا تعطين كلامها أهمية يعني
سمعي من اهني وطلعي من اهني
وكل ما قالت شي ضايقج احتسبي الأجر عند ربج
وقولي يا رب سامحهااااا، وإدعيلها إن الله يهديهاااا
ويسرني إنج أول وحدة بالحملة، وعسى الله يشرح صدرج
ويطهر قلبج من كل ما يغضبه ويملأه بحبه وحب من يحبه وحب عمل يقربك إلى حبه
وان دلت فانماااااا تدل على قلب ابيض
الحمدالله نسااااامح ومانشيل بقلوبناااا
لكن البعض الله يهديهم .,’ والله لاالاسفنجه ولاالكلوريكس
تنظف الزوليه وماتنظف قلوبهم .,’ عفيه قلوووب شايله .,هههههه
الله يهدى الجميع .,’ والله يرزقنا بقلوب عامره بذكر الله
الله يهدينا وإياهم أجمعين، وآمييين عسى الله يرزقنا بقلوب عامرة بذكره
أين صاحبات القلوب البيضاااااااااء؟؟؟؟؟ أين أنتن يااااا أخواتي؟؟؟؟
هلم لنعلن العفو والتسامح في هذه الصفحة
وانا بعد وياكم بالحمله
وان شاء الله نفدر ننساء الي حصل
ونقول يا رب سامحت عبادك، يا رب سامحت كل من غلط بحقي
يا رب سااااااااااااامحني وعوضني خيراً في الدنيا وفي الآخرة وارزقني جنتك ..
مشكوره يا عمري وجزاك الله خير.
جزااااكم الله خير يا صاحبااات القلوب البيضااااااااااااء ..
أين البقية؟ نحن بانتظاركم
مشكورة اختي على الحملة الطيبة
والله يجعلها في ميزان حسناتج
والله يقدرنا على التسااااااااامح
وياج يزاج الله خير
بارك الله فيكم خواتي