حماتي ومشكلتها الغريبه !!!

السلام عليكم بنات أتمنى تكونون بخير

بتكلم عن مشكله حماتي أخت زوجي مع ريلها لأنها وأيد لحت علي أعرض عليكم مشكلتها

وللأمانه أنا إشوفها حيل حيل غلطانه أهي صار لها سبع سنين متزوجه وغندها ولد وبنت

زوجها إنسان أتكالي معتمد على معاشها حق ملابس مصرف العيال أغراض البيت أقساط السياره

ومعاش الخدامه يعني معاشها مايبقى لي نص الشهر المهم وأيد كلمته مأكو فأيده واهي حيل تحبه

بشكل أعمئ لدرجه أنها ساكنه معاه بيت أهله بغرفه وحمام واعيالها ينامون بغرفه الخدم

والريال له خرابيط ومايصرف واهله عسرين معاها بس الأخت صابره وساكته تقول عادي أحبه

أبو ريلي إلي أهو أبوها من فتره تقريبا مسكه وكلمه قاله مايضير جذي لازم تحظ لها سكن مصرف

أهو على طول راح تهاوش مع حماتي ليش تتشكين حق أبوج إنتي متستحين وراح أخذ أغراضها وقطها بيت أ

أهل ريلي وقالها ورقتج توصلج البنت ينت وتهاوشت مع أبوها مسكين المهم أنها ريلها ما قام يرد على أي

اتصال وقتها كانت حامل بولدها وكانت بشهر الرابع زوجها خلاها مقطوطه بيت أهلها لي يوم ولادتها

وكانت حالفه ماترد له وطول أشهر حمالها قاعده عند أهلها معززه مكرمه وطلعت من دوامها وأبوها صرف

عليها من إلى واهل زوجها مأكلفوا نفسهم يرفعون سماعه سألون عنها وتخيلوا راح لها المستشفى أبوها.

مسكه قاله خلاص البنت ولدت وانت قطيتها ما سألت فيها لو سمحت طلقها جان أهي تنظ من مكانها ؤتقول

لا يبا أنا أبي ريلي وسامحته على إلي صار وتخيلوا عقب هالاشهر ردت له بارده مبرده وعمي وعليه انصدم

طبعا بحكم أنها طلعت من دوامها صار عليها الميه فلس بالحسرة صارت ماتلبس ولا تكشخ لأن ريلها مأيعطيها

تهاوشت معاه وردت بيت أهلها وعمي رد يصرف من يديد وريلها نفس الطريقه خلاها جم شهر مقطوطه

وقالت ماتبيه ورفعت قضيه نفقه بس عرف أنها رفعت قضيه كلمها وقالها أنا أحبج وبردج وبليل بدون محد يدري

خذت قشها وردت له واليوم إلي بعده راحت لغت القضيه مالت النفقه

المهم أبوها حيل تعب كل جم شهر تيي له زعلانه ويضرف عليها وحالته حاله آخرها تقص ويهه وتفشله وترجع

حق ريلها وقالها بعد مالي شغل فيج ومن شهرين ردت بيت أهلها زوجها طاقها ومأخذ أعيالها ولما إخوانها

تدخلوا وراحوا تناجروا معاه اشتكى عليهم بالمخفر وبعد راحت وقفت معاه وطلعت إخوانها غلطانين

وبعد ردت والكل حالف مايساعدونها والحين أهي زوجها طائح فيها طق واهانات لأنها أرخصت نفسها

وتبي تتطلق منه وقاعده تلوم أهلها انهم ما ساعدوها بشكل المطلوب وماعرفوا يتصرفون والحين محد يبي

يساعدها وتبي حل

أدري موضوعي طويل بس حبيت تعرفوون بعض التفاصيل والخافي أعظم

الله يعينهذي بالضبط نفس المسلسل الي برمضان قبل سنتين
ممثله كويتيه هي بنت بين ثلاث بنات وزوجها ما ادري شسمه الي خطب شوجي بالامبي سي ورفضته الطويل. وابوهم الممثل القطري وأخته سعاد عبدالله ويحس انه بيموت فيجمع كل قرايبه ببيته الكبيير
الي تذكر المسلسل يريت تقول اسمه

سبحااان والله كنت أشوف المسلسل وأقول شهالخيال في مره تذل نفسها كذا يا شييين مبالغه المؤلفييين عشان يسوون مسلسلات وقصص غريبببه
صراحه بديت احترم هالمؤلفييين طلع الي يطلعونه بالمسلسلات جزء بسيط من عجائب شخصيات المجتمع الي عايشين فيه وبديت اتابعها عشان استفيد قبل لا استمتع مع كنت احتقر الي يتابعوون
سوري صاحبه الموضوع خرجت عن الموضوع بس جد ودي اذكر اسم المسلسل عشان اقولك تقولينها تتتابعه باليوتيوب أكيد موجود
ولو شافته وهي فيها باقي فيها ذره عقل. بتعرف انه لازم تلوم نفسها. الله يعينها على هالشخصيه العجيبه الي خربت فيها زوجهاااا

بصراحه مشالله ابوها وقف وياها وماقصر بس هي ارخصت عمرها والرجال ماينعطى وجه

عموما الي صار خلاص صار الحين الحل انها تروح بيت اهلها وتعتذر من ابوها وتقول كنت غلطانه اني وقفت مع زوجي ضدكم وانا الحين محتاجتكم

ويكلمون زوجها ياانه يتسنع ويصرف عليها ويعاملها عدل او توكل محامي يرفع عليه قضيه طلاق ونفقه وتمرمطه ترا القانون بصف المرأه يعني راح تاخذ حقها وزود

واذا تطلقت خل تقدم عالديووان وترد تتوظف وتصرف على نفسها وتعيش والله يرزقها بالي ابرك منه

تستاهل
متنا واحنا نقول لاتبدون رياجيلكم على اهاليكم
متنا واحنا نقول عزوتج اهلج ظهرج اهلج
لاتفشلونهم وتصغرونهم قدام رياجيلكم مالهم امان
الحين المفروض تسكت وتخلي الرياجيل يتكلمون ولاتنط ولاتفشل ابوها
ولاتتحمل ماجاها

الله يعين !!

السلام عليكم،،،

حبيبتي تبين الصج؟ مشكلة حماتج مو غريبه
ولا تزعلين مني … هي رخصت بنفسها .. وهذي مثلها
واايد منا احنا يالحريم ..

أبي أفهم احنا ليش متزوجين ؟ مو عشان الاستقرار ؟؟. موعشان الوحده تشوف عيالها ؟؟
مو عشان ريل يحبها يخاف على مرته ؟؟ .. يداريها .. يراعي مشاعرها .. يقوم بواجباته ؟؟..
يصونها بحضورها وغيابها ؟؟و ..و..و …

مشكله لما أخسر أهلي وازعل والدي بسبت ريل ما يراعيني ولا يقدرني
لا وحارمني من أقل حقوقي الزوجية .. مشكله!!

لا تقولين تحبه .. هذي تحب المذله سمحي لي حبيبتي بس من صج قهرتني
شحال ابوها الفقير اللي كسرت فيه وفي اخوانها .. بسبته

الحل بإيدها اهي لازم تفكر وتقرر وتجزم على اللي بتسويه …
طبعا استخارة رب العالمين فوق كل شي ..

هذي ترفع عليه قضية نفقة وسكن وخادم وبتشوف شلون بيرد لها
وقبل كل هذا خليها تهتم بروحها شوي تكون لها علاقات اجتماعيه عشان تلهى عنه وعن مشاكله لا تخليها تحسس ريلها انها من غيره ولا شي .. بالعكس خليها تحسسه انها انسانه لها علاقات اجتماعيه

الله يهديها ويفرج لها

مافيها طب
دام للحين مو معترفة بغلطتها
ومركبة اهلها الغلط

اذا مو قادرة تاخذ قرار بنفسها صائب تسلم امورها لابوها و اخوانها لان الموضوع اكبر منها و شكلها ما تعرف تسوي اي شي و لا حتى تخللي جوزها يعاملها بالحسنة
اكيد غلطانة بتصرفاتها و مو كل اهل زي اهلها
و زوجها هذا بلا احترام شلون راضية انه متشكي على اخوانها والله ما اقعد بداره يوم

بنات تدور الستر والاستقرار بس لا حياه لمن تنادي .

اهلها ماقصرو معاها واهي مو متوقعه زوجها لئيم لهالدرجه بالعكس ماشالله عليها عاقله لكن زوجها لئيم اهي مالها ذنب تحملت وصبرت والصبر مطلوب بس والله اعلم مبين زوجها مامنه رجا دام وصلت للطق والاهانات خلاص خربت السالفه

الاخ يبي ينتقم ليش تتشكى عند ابوها خلتستخير عالطلاق

مشكورين كل إلي ردوا للأسف أهلها محد راضي يساعدها خائفين تكسر فيهم لأن مو مره سوتها الله يعين

شر الباليه ما يضحك

ما فهمت المطلوب الحين

تبي تتطلب ولا شنو